2 Pierre 3:14 - Nouveau Testament en Gulay 2004

¹⁴ Gir’n ke nè á, kotárge le’m, uwei ra si mong, i ndii i nginei ndɔ le Nube. I rai titeke bè le kade Nube ree inge sei se ra si ke unju nyang-nyang, nal kade tà karé uwe dè si nonn’t. Ke nè á ra si unju nyang-nyang a, tà karé géa uwe dè si nonn’t lé a tɔ ɓaa, a i ndii se’n se kem̂lom kuwe.

2 Pierre 3:14 ပူးပေါင်းရင်းမြစ်များ

Matthieu 24:26

Ke nè á d’ede sei d’ede nè: «An-in! n’ee nga, n’nda kêm dile’t non» ɓaa, i teei awi tutu lé. Loo ke d’ede sei d’ede nè: «An-in! n’ee nga, n’ndi du loo’t kei non» ɓaa, umi kêmi si dè’t lé.

Matthieu 25:7

Ngamandege ke dɔg nè nga ɔsi nang wum in-in gir ɓi’t, gɔli lampege le de.

Tà ke Maje ke Luc ndang 12:43

Ngonn njèndi nè ke ra kule ke kuwe’n um jinn’t se ngang’n lêrlêr ade ree inge’n dè’t nga, ra’n à nel’n kuwe.

Tà ke Maje ke Luc ndang 2:29

– Kuwe’m, inye’m man ngonn njèndi lei ade m’aw se kêmlom ɗarinè ta se go tà ke tee tài’t kété.

1 Nje Ke Corinthe 1:8

E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

Nje Ke Philippes 1:10

Titeke bè á a i geri loo kɔr kum nyan ke maje dum tede kade ndɔ tel ree le Jésu-Krist ɓaa, sei dooge ke unji nyang-nyang. Doo karé bè géa à kile tà dè si’t lé.

Nje Ke Philippes 2:15

I rai titeke bè le kade unji nyang-nyang a, d’a kile’n tà dè si’t lé a tɔ. Sei a teli k’ei ngann Nube a, tà karé à uwe dè si lé dann girkoje dooge ke ndi dè nang nè nga lé. Dooge ke ndii dè nang nè nga , ei njé ndɔje lɔk-lɔkge se njé ra nyan majelége a tɔ. Sei a ndon-in dann de’t asenan se nyan-ndogó bè.

Nje Ke Philippes 3:20

Nè jéi ɓaa, ɓee ndi jéi ke get è danrán, loo ke njèkaje dooge Kuwe-ɓee le jéi Jésu-Krist ke jè ndii jèi nginei nin nga, à in tutu le tel ree.

1 Nje Ke Thessalonique 3:13

Maje kade Kuwe-ɓee Nube ade ɓengre si ɓisir. Titeke bè á ndɔ tel ree le Kuwe-ɓee le jéi Jésu se njé ke ei lennge malang ɓaa a k’eei dooge ke i tooi se ninn si non Bɔ jéi Nube’t. Doo karé à kase kile tà dè si’t ndan lé.

1 Nje Ke Thessalonique 5:23

Maje kade Nube ke kem̂lom in ra’n è’t kuwe tel sei ke dooge le’n ke i tooi se ninn si gai. Maje kade Nube ngonm ra si bere mbak, ngonm ndil si se nganrankum ra si a, ngonm danra ra si a tɔ, le kade tà karé géa uwe dè si ndɔ tel ree’t le Kuwe-ɓee le jéi Jésu-Krist nga lé.

1 Timothee 6:14

an dè ndukunnge nè nga sêw-sêw ade nyan karé géa gang kɔté éké ade tà karé bè géa uwe dè de lé a tɔ. I ra titeke bè sár kade Kuwe-ɓee le jéi Jésu-Krist unde’n loo tee’n pan.

Hebreuge 9:28

Krist inye ra’n ade ke nyankuje-mese nja karé bere luk-luk ke ngang’n tede kɔr’n majelé le dooge bule. E à tel le ree ke njèkon’t joo ɓaa, è tede kɔr majelé le dooge tɔ lé ta, nè tede kaje njé ke ndii nginei nin tchên ta.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

1 Pierre 1:7

Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.

2 Pierre 3:16

Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.