2 Pierre 3:12 - Nouveau Testament en Gulay 2004

¹² Sei ndii i nginei le kade ndɔ le Nube ree kalang. Ndɔ nè nga, por à ró danrán rák-rák kade goto. Nyange malang ke kem̂ danran’t nga, por à leen de larr-larr a tɔ.

2 Pierre 3:12 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Nje Ke Philippes 1:6

Man m’ger è nè mbak: Nube ke unn gir ra kule ke maje kem̂ si’t nga à ra kɔr son’n njêt sár ndɔ tel ree le Jésu-Krist.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.

2 Pierre 3:4

à tami kedi nè: «Ndɔ ke Jésu unn ndu’n ede nè n’a n’tel ree. A ɓaa, ké tel ree le’n nga à è ndɔ ke ra’t wa? Tede bɔ jége weii ɓá, nè nyange malang tooi se loo tò de titeke mari desêin loo kunde gir nyange’t nga kuwe ɓai.»

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.