2 Pierre 3:11 - Nouveau Testament en Gulay 2004

¹¹ Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.

2 Pierre 3:11 ပူးပေါင်းရင်းမြစ်များ

Matthieu 8:27

Dooge nè nga ndil de tee an-in soin-soin ade deji nan edi nè: – Ké n’ee nga n’ee doo ke bain á nelge se ba géa ooi tà tàyé’t bè wa?

Nje Ke Rome 13:11

I rai titeke bè tede sei geri kêm ndɔ ke jè ndii tutu ɗarinè nga mbak. Kàde kade i ndeli dè ɓi’t ase ɓá. Kété ke ndɔ ke j’undei kêm jéi dè Krist’t nga, kaje è se jéi heb ɓai, nè ɗarinè kaje è se jéi ngɔr ta.

Nje Ke Rome 13:12

Nain ngɔr ɓaa, loo à ar kade kàde à tee. Bè ɓaa, ade j’inyei go kule rage ke majelé ke jè rai dann ndɔɔ ɓaa, jè tulei nyankatege le lookar ra jéi’t.

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 3:20

Nè jéi ɓaa, ɓee ndi jéi ke get è danrán, loo ke njèkaje dooge Kuwe-ɓee le jéi Jésu-Krist ke jè ndii jèi nginei nin nga, à in tutu le tel ree.

1 Nje Ke Thessalonique 1:5

Tà ke Maje ke ndɔ ke j’ile mber’n j’ade sei nga, è se tà ke tà jé’t karè lé, nè ndɔ ke jè ra nyankɔbege se tɔgmong ke Ndil-Kem̂nda ade jè. Jè nda kem̂ jé káng titeke Tà ke Maje nè nga è ngarankum tà. Sei geri nyan ke jè ra tede le si, loo ke ndɔ ke jè nain’n dann si’t ɓai.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

1 Timothee 6:6

Oiyo, loo ke kem̂ doo ra ranel dè nyan ke tò jinn’t ade kem̂’n oso nang pon ɓaa, kundekem̂ dè Nube’t è nyanbaw ke bò tede le’n kerɔte kuwe.

Hebreuge 13:5

Adi ngur nar ule aljem̂ tà si’t uwe’n sei ɓer lé. I rai ranel dè nyan ke tò ji si’t tede Nube kuwe tam ndàt nè: «M’a m’inyei sengel lé a, m’a m’inye gooi ndan lé a tɔ.»

Jacques 1:24

E gon ra’n an, loo ke è ɔte aw mbɔr ɓaa, ke loon’t nè kuwe kem̂’n wei nal sêl dè rann’t ke gon ɓá nga.

Jacques 3:13

Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.

1 Pierre 1:15

Nube è ke njè ɓar sei nga tò se ninn’n gai. Bè ɓaa, sei géa adi nyanra si tò se ninn’n gai a tɔ,

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

2 Pierre 1:6

Utei ra si kalang le rɔti kunde kumkunju dè ra’t tà gos nyanger’t. Utei ra si kalang le rɔti korè tà njak tà kunde kumkunju’t dè ra’t a, utei ra si kalang le rɔti kile koje dè Nube’t tà koré tà njak’t a tɔ.

2 Pierre 3:10

Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:12

Sei ndii i nginei le kade ndɔ le Nube ree kalang. Ndɔ nè nga, por à ró danrán rák-rák kade goto. Nyange malang ke kem̂ danran’t nga, por à leen de larr-larr a tɔ.