2 Pierre 3:10 - Nouveau Testament en Gulay 2004

¹⁰ Ndɔ tel ree le Kuwe-ɓee nga à è tite ndɔ ree le njèɓog bè. Kem̂ ndɔn’t nè nga, danran à ndubu tong-tong le kɔte goto njêl karè. Nyange malang ke danrán à leein larr-larr. Nang nè se nyange malang ke tooi tutu nga, por à ró de rák-rák a tɔ.

2 Pierre 3:10 ပူးပေါင်းရင်းမြစ်များ

Matthieu 24:35

Danran se nang nè à gotoi ɓai, nè tàge le’m à teli yai ndan lé sár kade nyange nè malang undei loo teei kété ɓita.

Marc 13:31

Danran se nang nè à kudi ɓai, nè tàge le’m à teli yayi ndan lé.

Tà ke Maje ke Luc ndang 12:39

Ooi tà nè maje: ke nè á kuwe-kei ger kàde ke njèɓog à ree’n kété ɓaa, gar-gar à inye’n kade mbute kum bolè ɓoge’n nyange ke kêm kei le’n lé.

Nje Ke Rome 8:20

Nyankundege malang nga, nyanra ke pás-pàs on ɓee dè de’t. Nyankundege malang ndii gir tɔgmong’t le nyanra ke pás-pàs se go kêmndige le de lé, nè se go kêmndige le Nube tede kaltà le doo.

1 Nje Ke Corinthe 1:8

E Kuwe-ɓee le jéi Jésu-Krist nga kuwe á ade a i ndai njáng dè kunde-kêm’t le si sár ndɔ ke ngeinn’t. Titeke bè á tà karé bè géa à uwe dè si kêm ndɔn’t le Kuwe-ɓee le jéi Jésu-Krist nga lé.

1 Nje Ke Corinthe 5:5

ɔri doo nè nga dann si’t kɔke ilei nin ji Sú’t. Tede kade Kuwe-ɓee Jésu tuju danra’n. Nè ngarankum ra’n à inge kaje ndɔ tel ree’t le Kuwe-ɓee.

2 Nje Ke Corinthe 1:14

Sei asikum kade dè si in tchakm tede le jé, titeke ndɔ ke jè géa j’ase’n kum kade dè jé in’n tchakm tede tà le si ndɔ ke Kuwe-ɓee Jésu-Krist à tel ree’n.

1 Nje Ke Thessalonique 5:2

Sei kuwe i geri maje, titeke ndɔ tel ree le Kuwe-ɓee nga è tite njèɓog ke ree jêke^ dann ndɔɔ bè.

1 Nje Ke Thessalonique 5:4

Nè sei ngakon jége ɓaa, i ndii dann tilkus’t á ndɔ nè à ube’n sei nang tite njèɓog lé.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.

2 Pierre 3:12

Sei ndii i nginei le kade ndɔ le Nube ree kalang. Ndɔ nè nga, por à ró danrán rák-rák kade goto. Nyange malang ke kem̂ danran’t nga, por à leen de larr-larr a tɔ.

2 Pierre 3:7

Nè danran se nang ke ɗarinè nga, Nube unde de konn se go tà ke in tànn’t kuwe ɓai ngine’n ndɔ ke à gang’n tà dè njékaltàge le tuju’n de kɔke. Ndɔ’n nè nga, danran se nang nè géa por à ró de rák-rák a tɔ.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 16:15

Kuwe-ɓee tam ede nè: «An! man m’ree titeke njèɓog bè. Doo ke ndi dè njann’t a, ngonm kubuge le’n kɔtenn’t a tɔ ɓaa, ra’n à nel’n. Titeke bè á è à njiye’n mbur’n suturu lé a, ra’n à sɔl’n tàkum dooge’t lé a tɔ.»

Lookilera’n 20:11

Go’t gugu, m’an doo karé bè ndi dè kutu-ngar ke nda ke bòi’t. Nang se danran ɔti an-in nan tà kum’n ta.

Lookilera’n 21:1

Taɓai, m’an loo gerer ɓaa, m’an danran ke kige tede danran ke desêin se nang ke desêin gotoi njêl karè. Ba-bò kate géa goto njêl karè a tɔ.

Lookilera’n 3:3

Ade kem̂i olé dè tà ke i oo a, ke ndɔ ke i taa se kem̂i a tɔ. I ngonm tà nè nga a, i tel i tur hali rang a tɔ. Ke nè á i tel i ndikum lé ɓaa, m’a m’ree kubei nang bus tite njèɓog m a i ger kàde ke m’a m’tee’n dèi’t nga lé.

Lookilera’n 6:14

Danran ɓir ra’n tite kam magtub ke dé ɓir bè. Taɓai mbalge se dè goré looge malang ndɔti inyei loo nda de ke kété karè.