2 Pierre 2:4 - Nouveau Testament en Gulay 2004

⁴ Dooge ke danrán ke ndɔ ke rai majelé nga, Nube ngonm de rann’t lé. Nè è inye de ade dé tɔ de se sul d’um de kem̂ bolè ke ndul ndin-ndin ngine’n ndɔ gangtà.

2 Pierre 2:4 ပူးပေါင်းရင်းမြစ်များ

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 8:29

Dingemge nè nga tami se ndu de ke bòi beng edi nè: – I Jésu nga ké usi ri ra jé’t wa? Ké i ree le ra kum jé ndoo ɓá ta wa?

Marc 5:7

E tam tà se ndu’n ke bòi ede nè: – Ké usi ri ram’t wa? I Jésu Ngonn Nube ke Njèndi sêm danran’t. M’ndêti se ri Nube le kade i ra se’m ndáng lé.

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Tà ke Maje ke Luc ndang 8:31

Ndilge ke majelé nè nga, ndingei ndoo tà Jésu’t le kade unn ndu’n ade n’undei loo n’teei n’awi kêm bolè ke son’n goto’t nga lé.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nje Ke Rome 11:21

Ke nè á Nube ngonm balkum kagege ke kêm ndɔr’t lé ɓaa, i géa ke nè á kundekêm lei goto ɓaa, bainléa Nube à inyei kade i nda lé tɔ.

Nje Ke Rome 8:32

Ngonn kêm’n géa, Nube ngonm’n rann’t lé, nè è inye’n ade dé tɔl’n tede tà le jéi malang. Nube à ade jèi nyan malang takul Jésu kerɔte kuwe.

2 Pierre 2:11

Dooge ke danrán ke tɔg de se tɔgmong le de ngain dum dè doo made dege géa gangi tà dè de’t non Kuwe-ɓee’t lé a, taji de lé a tɔ.

2 Pierre 2:5

Dooge ke njé ra majelége ke kété mari ndii dè nang nè nga, Nube inye de lé. Nè è ade mann bêlm in pujur dè nang nè ndum de ndarak. Nè ndɔ ke Nube aje dooge sɔsɔ bere. Noé njè kile mber nyanra ke se dè naje’n è dann dooge ke sɔsɔ nè nga tɔ.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Jude 1:13

Dé tite kɔr mann ba ke tal bungus-bungus ade pululu’n ke majelé in pɔk-pɔk bè. Dé tò d’asenan se kɔnyonge ke gangi ndiling-ndiling bè. Nube uwe dè nja loo ke ndul ndin-ndin unde konn le kade dé ndi tutu sár se non.

Jude 1:6

Adi kem̂ si olé dè dooge ke danrán ke mbati ngonmi riɓar ke d’ule dè de’t a, ke ndɔ ke inyei loo ndi de ke ɔje dè de. Nube ngonm de dann loo ke ndul ndin-ndin’t se sul ji de’t se nja de’t dangai’t sár se non ngine’n ndɔ gangtà ke bò.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.