2 Pierre 2:3 - Nouveau Testament en Gulay 2004

³ D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

2 Pierre 2:3 ပူးပေါင်းရင်းမြစ်များ

Matthieu 23:14

Sei njékɔrgir gute-nduge se sei Pharisienge ke njékede gosge nga, a an-in ɓai! Sei tosoi kêm kei le njékei-kingege, i kotoi nyange le de malang awi i tuji. Taɓai sei ndai ke loon’t nè ɔji tà se Nube adi kur si heb ɗak tede libe’n kum de. Gir’n ke né á tà ke d’a gang dè si’t ndɔ gangtà’t nga, a tur ngain dum le njé ke rang malang.]

Tà ke Maje ke Luc ndang 18:8

Man m’ede sei ndàt, à in kalang le gang rebe tà le de kuwe. Nè loo ke man ke m’ee Ngonn doo m’a m’tel ree nga, ké m’a kinge njé ke undei kêm de dèm’t se dè Nube’t dè nang nè kuwe wa?

Tà ke Maje ke Luc ndang 20:20

Unn gir kêm ndɔn’t nè nga, njékɔrgir gute-nduge se maw njékuje nyan-mesege an-in dè Jésu dɔ-dɔ. Dé ndige le kule’n ji tɔgmong’t le César, ngar ke bò ke ɓeekon ke Rome, le kade gangtà dènn’t. Gir’n ke nè á d’ɔr’n dooge ke njéra gosge se go ngein d’uge de se nar le kade ndoin tà Jésu se tà deje.

Tà ke Maje ke Luc ndang 22:47

Loo ke tà nè nain tà Jésu’t ɓai ɓaa, an! dooge ɔri nan mbuu teei pan ke rann’t. Nè njèkuwe-gir-Jésu karé dann njé ke dɔg-gidé-joo’t ke ri’n nè Judas ɔr non de. E ree ngɔr ke ra Jésu’t le kuwe’n kàdenn’t sêm ra’n lapya.

Jean 2:16

Jésu tur ra’n dè njékige der-ndage’t ede nè: – I teei se nyange nè nga malang nata kɔke loo ke nè’t. I teli kei le Bɔ’m nga ke kei ra gate lé.

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

2 Nje Ke Corinthe 2:17

Jè jè njé tel Tà le Nube ke nyan gate tite njé ke nange bule rai nga lé. Jè nga, jè dooge ke j’um nan’t bɔk se Krist. Gir’n ke nè á, Nube ade j’ile’n mber j’ade sei se kêmnda káng nonn’t.

1 Nje Ke Thessalonique 2:5

Sei geri titeke ndɔ karé bè géa, jè tam tà jè libe’n kum doo le taa’n nyan le’n ndan lé a, j’ede gos le taa’n nar le doo le kite’n dènn’t lé a tɔ. Nube an mbak.

1 Nje Ke Thessalonique 5:3

Loo ke dooge à ndii tami kedi nè: «Loo tò lom ɓai, loo tò maje ɓai» ɓaa, ke loon’t nè kuwe tuju à ube de nang bus. Tuju à ube de nang bus kade loo kan-in à goto tite ndo ke ɔse dinye ke ndann ngonn nang kekel bè.

1 Timothee 3:3

Gar-gar, njèkan dè njékebe nange le Nube à è ɓer le yibe lé a, è njè ɓeekos lé, nè gar-gar à è njè kaw lom-lom, à è njè kɔl se doo lé, à è njè ndige nar lé a tɔ.

1 Timothee 3:8

Njékan dè nyange le njékebe nange le Nube nga géa, gar-gar à ei dooge ke ri de ɓar maje, à ei njé kum tà minye’t joo lé, à ei gon kain yibe lé a, à ei njé kain ngɔde go nyankinge ke se dè naje’n lé lé a tɔ.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

1 Pierre 2:8

Loo ke rang’t ɓai, Magtub le Nube ke tò se ninn’n tam ede nè: «Kuberi her nè nga tel è jig ke tuge de ade d’aw tebel-tebel. E her ke tuge de ade d’oso.» Dooge nè nga, kuberi her nè tuge de ile de tede kunn mbi dè tà’t le de. E ke nè á è nyan ke d’ɔje’n dè de.

1 Pierre 5:2

Uli bate kosge le Nube ke um de ji si’t nga se kem̂nda káng. Adi doo unde dè si tá lé, nè i tɔsi kum si dè de’t se kem̂nda káng titeke Nube ndige’n. I rai se kem̂nda káng m i rai tede kinge’n nar tá lé.

2 Pierre 1:16

Ger ke ndɔ ke j’adi i geri tɔgmong a, se ndɔ tel le Jésu-Krist Kuwe-ɓee le jéi nga, jè ndolé’n go kumkunju le sútàge lé. Nè j’ɔrgo nyange nè nga j’ade sei tede ndubra le’n ke ndɔ ke jè kuwe j’an se kum jé.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.

Jude 1:15

le gang’n tà dè dooge’t karé-karé malang ɔje dè nyanra de ke majelé. Kuwe-ɓee à ree le gangtà dè njé kile koje dè Nube’t lége malang. E à ree le gangtà dè njé ra majelége malang tede tàge ke majelé ke tami se’n nga a tɔ.»

Jude 1:16

Dé dooge nè nga, dé njé ɓar tà nyon-nyon se ndɔge malang a, ra de ate de kárár a tɔ. Dé njiye se go ngur nyange ke kem̂ de dé’t kuwe a, tàge ke kum tam oji nan tà de’t pɔt-pɔt a tɔ. Dé njé tɔi dooge tede libe’n kum de taa’n nyan ji de’t ɔje dè maje le de dé kuwe karé.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.