2 Pierre 2:20 - Nouveau Testament en Gulay 2004

²⁰ Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

2 Pierre 2:20 ပူးပေါင်းရင်းမြစ်များ

Nje Ke Philippes 3:19

Dooge nè nga loo tɔl tà’n ɓaa, d’a tuju. Nyankuse ke kem̂ de’t á d’oré kum de dè’t asenan se Nube le de bè a, nyan rasɔl á d’an ke riɓar le de a tɔ. Nyange le nang nè á dé gir dè’t se ndɔge malang.

2 Timothee 2:4

Njèrɔ ke rara ke aw ke loo rɔ’t nga à ndɔje ra’n tede nyange ke rang ke è inye goon’t gugu nga lé ta. Titeke bè á à taa’n kum kuwe’n ke njèkan dè njérɔge.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

2 Pierre 1:11

Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 1:2

Sei geri Nube a, sei geri Kuwe-ɓee le jéi Jésu nga maje a tɔ. Maje kade adi kem̂noje se kem̂lom le si in-in dè made’t ke kété.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

2 Pierre 1:4

Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.

2 Pierre 1:8

Ke nè á awi se nyange nè nga adi tooi ra si’t ndàj-ndàj ɓaa, dabe ger gel Kuwe-ɓee le jéi Jésu-Krist à ra sei lé, nè à adi a i geri gel Kuwe-ɓee le tel taai nan se’n tcha-tcha.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.