2 Pierre 2:2 - Nouveau Testament en Gulay 2004

² Dooge bule à ndolèi go nyanra pás-pàs le de. Dooge ngain à nedi nyanra si se tà tam si tede nyanrage ke pás-pàs.

2 Pierre 2:2 ပူးပေါင်းရင်းမြစ်များ

Matthieu 22:16

Pharisienge ɔri pajage le de se njé le Hérode ulei de ra Jésu kade deji nin edi nè: – Njèndó dooge nyan, jè ger titeke i i njè kusu dè tà lé a, rebe nyange ke Nube ɔje ke i ndó dooge nga è ngarankum tà kerɔte kuwe. I i njè ndête kum doo karé bè tede nyankinge’n éké tede girkoje le’n lé a tɔ.

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Matthieu 7:14

Nè tàbit kei ke aw loo ndikumgajer se non nga, è kêl-kêl a, è rebe ke njon a tɔ. Dooge ke ingei tàbit kei se rebe ke njon nè nga, ei ndêin bere bè.

Marc 12:14

Ei reei rann’t edi nin edi nè: – Ngar, jè ger titeke i njè tam ngarankum tà kuwe. I njè ndête kum doo lé a, i njèkɔr kum doo lé a tɔ. I ndó dooge ngarankum nyan ke Nube ɔje a tɔ. Kuge tir le ngar ke bò César nga, è loon’t lé wa? Gar-gar, j’à j’ugei éké j’à j’ugei lé wa? Ede jè.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Nyanra Njekawkulege 13:10

– An! i ke tà sú se nyanra ke majelé taa rai pel-pel. I ngonn le sú, i njèban le nyanra ke se dè naje’n malang. Rebege le Kuwe-ɓee ke ndai jap nga ke i uwe de i ɗuge de ngong-ngong, ké ndɔ ke ra á i a ebe rai dè’t wa?

Nyanra Njekawkulege 14:2

Nè Juipge ke nange ke njé kunn mbi de dè tà’t le Jésu sulei njé ke ei Juipge lé dè Paul se Barnabas.

Nyanra Njekawkulege 16:17

Ngonn ke dinye nè nga tɔse ngire gande jé se Paul ndêng-ndêng. E ra nyan go jé’t kaláng-kaláng ede nè: – Dooge nè nga ei ɓer kulege le Nube ke njèndi sêm danrán’t. Ei reei ilei mber rebe kaje adi sei.

Nyanra Njekawkulege 18:26

E unn gir kile mber kêm kei kebe nan’t se kêmnda káng. Nè loo ke Aquilas se Priscille ooi tà le’n bè ɓaa, ei uwei nin ke ra de’t ɔri gir tà le Nube se ngang’n bêrêr-bêrêr adi oo maje dum ke kété.

Nyanra Njekawkulege 19:9

Nè njé ke nange ei njékêmnderge se njé kunn mbi dè tàge’t. Ei tami tà ke majelé dè rebe’t le Kuwe-ɓee tàkum doobulege’t. Paul ɔr ra’n ra de’t kɔke ɓaa, è ɔr kum njétaakêm-Kristge gai ɔje de tà se ndɔ karé-karé kêm kei ndó nyan’t le Tiranus.

Nyanra Njekawkulege 22:4

Dooge ke unni rebe le Kuwe-ɓee Jésu nga, m’ra kum de ndoo sár ase yo de. M’ade dé tuwe dingemge a, dinyege a, dé tɔ de se sul d’um de dangai’t.

Nyanra Njekawkulege 24:14

Nè né è bè géa, nyan karé ke m’ger á tò nè: M’ra kule m’ade Nube le kà jéige. E tede kum ke ɓila m’um nan’t bɔk se Jésu nè á dé ngakonm Juipge d’ute’m mbeng. Tàge malang ke kêm magtub gute-ndu’t se tàge ke njéribe-dè-tàge ke tà Nube’t ndangi nga, m’um kêm’m dè’t kuwe.

Nje Ke Rome 2:24

Kerɔte kuwe, dé ndang tà’n kêm Magtub ke tò se ninn’n d’ede nè: «Tede nyanra sige ke titeke bè á dooge ke ei Juipge lé nedi ri Nube.»

1 Timothee 5:14

Gir’n ke nè á m’ndige kade njékei-kingege ke nain-in mande ɓai teli taai ngaw oji ngannge a, an-in go loo ke kem̂ kei le de sêw-sêw a tɔ. Titeke bè á njèban à inge’n loo kile’n rasɔl dè jéi’t lé.

Tite 2:5

Maje kade kon-dinyege ndói njé ke nain-in mande loo kunde kumkunju dè ra de’t le kade ra de unju nyang-nyang, le kade geri loo kan-in go kem̂ kei le de, le kade ei dinyege ke maje ke geri rebe kulei dè de kadi ngaw dege. Titeke bè á doo karé bè géa à ile’n rasɔl dè ta’t le Nube nga lé.

Tite 2:8

I ndó de ngarankum tà ke maje unju nyang-nyang ke doo ase mbate lé. I ra bè le kade ra njé kɔse sei tàge sɔl’n de. Titeke bè á njé kɔse sei tàge à ingei tà ke majelé karé bè ke le kilei dè jéi’t lé.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

2 Pierre 2:12

Dé dooge nè nga, dé ra nyan nal gir tite dange ke dé ndon ɓaa, d’uwe de se gum a, dé tɔl a tɔ bè. Nyan ke dé gir njai lé géa, d’in dé tam tà ke majelé dè’t. Yo de à tò tite le dange ke walé bè tɔ.

2 Pierre 2:15

Dé njé njé tête tà kunde tà Nube’t nè nga, dé ndem tede d’inye go rebe le de ke danné sêw, dé ndolè’n go Balaam, ngonn le Béor. Balaam nga ndɔ ke d’ade’n nar tede ra’n nyan ke majelé.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 2:21

Kade dé ger rebe ke danné sêw nga lé è soo’t dum kade dé ger ndukunn ke tò se ninn’n le Nube ke ndɔ ke dé ndó de nga d’inye d’ɔse wan dé tel.

2 Pierre 2:7

Lot è doo ke njè ra nyan se dè naje’n. Wur’n ndir’n njàk-njàk tede nyanrage ke bann-bann le dooge. Nube ɔr Lot dann de’t aje’n.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.

Jude 1:15

le gang’n tà dè dooge’t karé-karé malang ɔje dè nyanra de ke majelé. Kuwe-ɓee à ree le gangtà dè njé kile koje dè Nube’t lége malang. E à ree le gangtà dè njé ra majelége malang tede tàge ke majelé ke tami se’n nga a tɔ.»

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Jude 1:7

Adi kem̂ si olé dè dooge ke kem̂ ɓee-bòge ke Sodome se Gomorrhe se ɓee-bòge ke gan-in dè de nga. Dooge nè nga ndɔ ke rai nyange ke pás-pàs tite dooge ke danrán bè tɔ. Dingemge ke sangi dingem made dege tooi se de ke dinye’t. Nè Nube ade por ke à wei ndan lé in danrán ree ró de rák-rák ade kure nyanra majelé le de ɔde kum de. Nyan ke tee dè de’t nga, è nyan-tɔje tede le dooge malang.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.