2 Pierre 2:19 - Nouveau Testament en Gulay 2004

¹⁹ Dé dooge nè nga, d’unn ndu de d’ade njé ke ɔri ra de dann njé ndemge’t ngɔr nè ɓai nga, d’ede de titeke n’a n’adi à ndii dè de pal. Nè dé kuwe géa, dé ɓerge le nyange ke à tuji de. Kerɔte kuwe, nanan géa è ɓer le nyan ke dum dè’n.

2 Pierre 2:19 ပူးပေါင်းရင်းမြစ်များ

Jean 8:34

Jésu tel ede de ede nè: – Kerɔte kuwe, man m’ede sei ndàt, nanan á ke inye ra’n nyein dann kaiya’t se ndɔ’n-ndɔ’n ɓaa, è ɓer le kaiya kuwe.

Nyanra Njekawkulege 19:16

Doo ke ndil ke majelé tò kêmn’t nga al bal oso se de sandak uwe de gudu de ngoin-ngoin malang a, ade de dò a tɔ. D’unde loo kêm kei nè dé tee d’an-in nan yɔl-yɔl mbur de suturu.

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

Nje Ke Galatie 5:13

Ngakonmge, sei nga dé ɓar sei le kade i ndii dè si pal. Nè maje kade edi gos dè ndi dè pal’t nè nga le ra’n nyange le danra karè lé. I rai ɓer le nan tede tár ke sei tári nan nga.

2 Timothee 2:26

Titeke bè á, bainléa tàgir ke maje à tel ree dè de’t le kade dé pusuru’n ra de d’ɔr’n tu gum’t le sú ke njè kuwe de ɓer kade dé ra’n nyan ke kem̂’n ndige.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

1 Pierre 2:16

I njiyei asinan se dooge ke ndii dè de pal. Edi gos dè ndi dè pal’t le ra’n nyange ke majelé lé. Nè sei i ndii dè si pal le ra ɓer le Nube.

2 Pierre 1:4

Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.