2 Pierre 2:14 - Nouveau Testament en Gulay 2004

¹⁴ Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 2:14 ပူးပေါင်းရင်းမြစ်များ

Matthieu 12:34

Sei ke i tooi asinan se li jênênnge ke njékêmyêrge! Ké a asikum tam tàge ke maje loo ke ra’t wa? Nyan rusu kêm ɓengre doo njin-njin ɓita tà’n tee tànn’t ɓai.

Matthieu 23:14

Sei njékɔrgir gute-nduge se sei Pharisienge ke njékede gosge nga, a an-in ɓai! Sei tosoi kêm kei le njékei-kingege, i kotoi nyange le de malang awi i tuji. Taɓai sei ndai ke loon’t nè ɔji tà se Nube adi kur si heb ɗak tede libe’n kum de. Gir’n ke né á tà ke d’a gang dè si’t ndɔ gangtà’t nga, a tur ngain dum le njé ke rang malang.]

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 5:28

Nè man m’ede sei, nanan ke an dinye ke rang á ndinge’n ɓaa, nganrankêm’n tò se’n ɓá ta.

Marc 13:22

Tede njé ra ra de ke Krist se njé ra ra de ke njéribe-dè-tàge ke tà Nube’t à ɔsi nang kin-in. Ei à rai nyankɔbege le kade bainléa libi kum njékêmndage ke Nube tɔr de.

Jean 5:44

Sei awi ndoo riɓar ke in ra nan’t dadann si sei’t kuwe. Nè riɓar ke in ra Nube’t kuwe karé nga, sei sangi nin lé. Ké sei asi kundei kêm si dèm’t titeke bain wa?

Nje Ke Rome 16:18

Dooge ke titeke bè nga, ei ɓer kulege le Kuwe-ɓee le jéi Krist ke get lé, nè ei njé ra kulege ke ɔje dè tà kêm de ei kuwe. Tàge ke nel ke tà de’t á dé libe’n kum njétaakêm-Kristge ke kundekêm le de ɓisir lé ɓai, d’ite’n dè de’t.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Colosses 2:18

Adi dooge ke njé ɗɔyi dooge ke danrán nanri se si nyan ke a an-in ngɔde’n nga taai ji si’t lé. Dooge nè nga ndigi ndɔri sei kaw se si kade ilei koje dè dooge ke danrán’t. Dooge nè nga inyei ra de nyein dann nyanpindege’t le de ti ra de mugug-mugug se ndáng karè se go tàgirge le danra.

Jacques 1:8

E doo ke njè kem̂ joo ke aw yo-yo, nè-nè dè rebege malang ke aw tutu.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

2 Pierre 3:16

Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

1 Jean 2:16

Nyange malang ke ei le nang nè nga á tooi nè: Kem̂kein le danra a, ngur kinge nyange malang ke kum jéi an a, ti ra ke ɔje dè nyankingege ke dè nang nè a tɔ nga, in-in ra Bɔ jéi Nube’t lé, nè ei in-in dè nang nè.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.