2 Pierre 2:10 - Nouveau Testament en Gulay 2004

¹⁰ Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.

2 Pierre 2:10 ပူးပေါင်းရင်းမြစ်များ

Tà ke Maje ke Luc ndang 11:25

Loo ke è ɔse wan tel ree ɓaa, è an titeke kêm kei nè nga d’ɔi d’ade unju náng-náng.

Tà ke Maje ke Luc ndang 19:14

Nè njé ke kêm ɓeekon’t le ngonn-ngar nga d’ɔr’n njêt. Dé d’ɔr dooge d’ule de goon’t d’ede nè: «Jè ndige kade è nè on jè lé.»

Nyanra Njekawkulege 23:5

Paul ile de dè’t ede nè: – Ngakonmge, m’ger titeke doo nè nga è maw njèkuje nyan-mese lé. Oiyo, dé ndang kêm magtub’t ke tò se ninn’n d’ede nè: «Ngar le kosdooge lei nga, i a tam se’n tà ke majelé lé.»

Nje Ke Rome 8:1

Njé ke umi nan’t bɔk se Jésu-Krist nga, ɗarinè tà karé bè géa uwe dè de lé ta.

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

2 Nje Ke Corinthe 10:3

Kerɔte, jè nain se danra jé ɓai kuwe, nè rɔ ke jè ndi j’à rɔ nga, è se go danra lé.

Nje Ke Ephese 4:19

Dé ger loo kɔr kum nyan ke maje se nyan ke majelé lé. D’ule ra de mbiriri dann nyanra ke yêr’t le ra kum de ke kété-kété se ndɔge malang.

Nje Ke Ephese 5:5

Ooi maje: doo karé bè dann njé tò se nan ke kaiya’t éké doo ke ra’n mine éké njè nede nyan a ingei nyan-ndube kem̂ Konɓee’t le Krist lé a, kem̂ Konɓee’t le Nube ndan lé a tɔ. Nede nyan nga è mage polé.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

1 Nje Ke Thessalonique 4:7

Nube ɓar jéi le kade jè ndii se ra jéi ke mine tanm-tanm lé, nè le kade jè ndii se ra jéi ke unju nyang-nyang.

2 Timothee 3:2

Dooge à ei njé tɔse kum de dè ra de ei’t kuwe a, à ei njé ndige narge a, à ei njé tɔje ra dege a, à ei njé ti ra dege a, à ei njé taje Nubege a, à ei njékaltà tà njé koje dege’t a, à ei njé tel ra oiyoge lé a, è k’ei njé kile rasɔl dè loo ke tò se ninn’t nga a tɔ.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.

2 Pierre 3:3

Gar-gar, maje kade i geri nyange nè kété ɓita kade ndɔ’n ree ɓai. Njé sɔke looge à undei loo teei le ringei se tà sɔke loo titeke kem̂ de ɔje,

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.

Jude 1:16

Dé dooge nè nga, dé njé ɓar tà nyon-nyon se ndɔge malang a, ra de ate de kárár a tɔ. Dé njiye se go ngur nyange ke kem̂ de dé’t kuwe a, tàge ke kum tam oji nan tà de’t pɔt-pɔt a tɔ. Dé njé tɔi dooge tede libe’n kum de taa’n nyan ji de’t ɔje dè maje le de dé kuwe karé.

Jude 1:18

Ndɔ ke edi sei kété edi nè: kem̂ ndɔge ke à reei, njé sɔke looge à undei loo teei le ringei se tà sɔke Nube. Dooge à rai nyange ke majelé titeke kem̂ de ɔje.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.