2 Pierre 1:8 - Nouveau Testament en Gulay 2004

⁸ Ke nè á awi se nyange nè nga adi tooi ra si’t ndàj-ndàj ɓaa, dabe ger gel Kuwe-ɓee le jéi Jésu-Krist à ra sei lé, nè à adi a i geri gel Kuwe-ɓee le tel taai nan se’n tcha-tcha.

2 Pierre 1:8 ပူးပေါင်းရင်းမြစ်များ

Matthieu 13:22

Njar ko ke dubu dann konnge’t nga, tò asenan se doo ke oo tà nè, nè kêm’n tò kekek a, nyan sú le nyanbawge ke dè nang nè pujuri dè tà nè nga ade ur kuju.

Matthieu 20:3

E tel unde loo tee nata se kàde ke jisɔ-jimi ɓaa, è an njé ke rang ndai ndá-loo’t karè anje ra kule.

Matthieu 20:6

Sár kàde mi ke loo sɔlé, è unde loo tee kuwe ɓai. E inge dooge ke rang ndai ndá-loo’t anje ra kule ɓaa, è deje de ede nè: «Ké bain á sei ndai ndá-loo’t nè se ndɔgé sár ɗarinè nal ra kule wa?»

Matthieu 25:26

Kuwe’n tel ile’n dè’t ede nè: «I i ngonn njèndi ke njèkêmyêr se njèdabe. Ke nè á i ger kété mari tite m’aw m’sa ko loo ke m’dubu nyan tutu lé a, kêm gar ke m’naje nyan tutu lé géa m’aw m’ɔi nyan tutu a tɔ ɓaa,

Jean 15:2

Balkum nduu ke rara ke ube kàdem’t á ann’n lé ɓaa, d’a tuge’n gang’n kɔke. Nè balkum nduu ke rara ke ann ɓaa, Bɔ’m ra’n náng-náng kade ann ɗàk-ɗàk dum ke kété.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Jean 5:42

Nè sei nga, m’ger sei mbak, sei tári Nube lé.

Nje Ke Rome 12:11

Adi ra si wɔi sei lé. Nè i rai kule se rakɔlé adi Kuwe-ɓee.

1 Nje Ke Corinthe 15:58

Titeke bè á, ngakonmge ke m’tár sei ngain, i ndai dè nja si’t njáng m i lengi lé. Awi kum si ke kété-kété dè kule’t le Kuwe-ɓee. Sei geri mbak titeke kule le Kuwe-ɓee ke sei ulei ra si ndibe i rai adi Krist nga à tel k’ee nyan ke raikarè lé.

2 Nje Ke Corinthe 13:5

I nain ra si sei an-in ké i ndii dann kundekêm’t ɓai wa? I teri kêm si sei kuwe an-in ké i geri njai titeke Jésu Krist ra ɓee kêm si’t kuwe wa? Ke nè á sei kuwe i nan-in kundekêm le si an-in lé ɓaa, ndɔn’t a i ndi dann rasɔl’t.

2 Nje Ke Corinthe 8:2

Njékebe nange le Nube ke Macédoine nga, nyantosowurge gai-gai ra de a, ndoo al dè tɔge de a tɔ. Nè né è bè géa oréi dè nang gan uwei noje se go dege se non dege se kêmnda káng.

2 Nje Ke Corinthe 8:7

Sei ingei nyan malang adi ase sei nák-nák: Sei baw-kundekêmge a, sei baw gos nyanger a tɔ. Ra si olé pêl-pêl dè nyange’t malang a, dè tár ke sei tári jè a tɔ. Jè ndige kade awi kum si ke kété-kété dè noje kuwe’t nè nga.

2 Nje Ke Corinthe 9:14

Njétaakêm-Kristge ɔji tà se Nube tede le si. Kêm de tò dè si’t tchên tede noje ke bò ke Nube uwe se si.

Nje Ke Philippes 1:9

An-in! nyan ke m’kɔ Nube tede le si á nè: Maje kade tár nan le si in dè made’t ke kété-kété a, ade kum si gang dè ngarankum nyanger’t a tɔ.

Nje Ke Philippes 2:5

Adi tàgir ke ndɔ ke tò kem̂ Jésu-Krist’t kété mari nga ur kei kem̂ si’t ɓila.

Nje Ke Philippes 3:8

Taɓai, man m’an nyange nè malang ke nyange ke tuji tede ger ke m’ger gel Jésu-Krist, Kuwe-ɓee le’m. Ger gel Jésu-Krist Kuwe-ɓee le’m nga è nyankinge ke dum dè nyange malang. E tede tà le’n á m’inye’n go nyange malang ke kété m’an de ke nyankinge’m man kuwe deri nga. M’an nyange malang tooi asinan se nyange ke doo saa um dè ɓirɓite’t tede kade m’inge’n Krist,

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Nje Ke Colosses 2:7

Ulei ngire si nang rann’t janm-janm a, i rɔti ndikumgajer le si dènn’t a tɔ. I ɓeɓerei dè kundekem̂ dè Krist’t titeke dé ndó’n sei kété ɓá. I rai Nube oiyo se ndɔ si, ndɔ si.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

1 Nje Ke Thessalonique 3:12

Maje kade Kuwe-ɓee Nube ade tár nan le si sei se tár ke sei tári dooge malang nga in dè made’t ke kété-kété. Maje kade tár nan le si tanan se tár ke jè tár sei bè tɔ.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

1 Timothee 5:13

Dé njékei-kingege ke titeke bè nga kule ra de ke get goto, nè d’ase loo nák-nák se tà kei, tà kei. E ke nè á se kar lé ɓai, nè dé njé kɔje tà neng-neng-ge a, se njé kal bal kur dann nyange ke ndête de’t lé a tɔ. Tà ke kum tam lé géa, dé tam a tɔ.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Philemon 1:6

M’deje Nube le kade kundekem̂ ke oré se jé nan dè’t nga aw kum’n ke kété-kété ade i ger’n nyange malang ke maje ke j’asikum rai takul kum ke j’umi nan’t bɔk se Krist.

Hebreuge 6:12

I teli njérakatege lé ta. I ndaji kum dooge ke orèi tà de nják-nják dè kundekem̂’t le de á ingei nyan-ndube ke Nube unn ndu’n ade de nga.

2 Pierre 1:2

Sei geri Nube a, sei geri Kuwe-ɓee le jéi Jésu nga maje a tɔ. Maje kade adi kem̂noje se kem̂lom le si in-in dè made’t ke kété.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.