2 Pierre 1:6 - Nouveau Testament en Gulay 2004

⁶ Utei ra si kalang le rɔti kunde kumkunju dè ra’t tà gos nyanger’t. Utei ra si kalang le rɔti korè tà njak tà kunde kumkunju’t dè ra’t a, utei ra si kalang le rɔti kile koje dè Nube’t tà koré tà njak’t a tɔ.

2 Pierre 1:6 ပူးပေါင်းရင်းမြစ်များ

Tà ke Maje ke Luc ndang 21:19

Takul korè tà njak le si á d’a kaje’n nganrankum ra si.

Tà ke Maje ke Luc ndang 8:15

Njar ko ke tée toso dè nang ke maje’t nga, ei dooge ke ooi Tà ke Maje se kêmnda káng ɓaa ngonmi dè ɓengre de’t a, ligri dè’t lagr-lagr sár adi kann de tò tutu.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nje Ke Rome 15:4

Nyange malang ke dé ndang tà’n kêm magtub’t kété mari nga, dé ndang de le ndó’n jèi nyan. Magtub ke tò se ninn’n ndó jèi korè tà njak se sɔlkêm ke j’ingei tà’n kêm Magtub’t le Nube tede kade j’undei kêm jéi tchên ke dènn’t.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

Nje Ke Rome 8:25

Kundekêm tchên dè nyan ke j’an-in se kum jéi lé ɓai nga, è korè tà njak ngine’n nyan nè se kêmkile.

1 Nje Ke Corinthe 9:25

Njè kan-in ngɔde ke rara géa ɔge ra’n dè nyange gai-gai. Njé naje nan ngɔde nga rai titeke bè le kingei jɔkɔ kunn banga ke à ndis ɓai. Nè jè ɓaa, j’ɔge ra jé dè nyange gai-gai tede kinge’n jɔkɔ kunn banga ke à ndis lé.

2 Nje Ke Corinthe 6:4

Nè se loo malang jè tɔje ra jé j’ade dooge an-in jè ke ngann njékulege le Nube. Gir’n ke nè á j’oré’n tà jé nják-nják dè nyantosowurge se dè nyan ke nal jè a, se dè nyan ke ra jè ɓel a tɔ.

Nje Ke Galatie 5:23

kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

Nje Ke Colosses 1:11

Jè deje Nube kade ule dingem kem̂ si’t se go tɔgmong le ndubra le’n. Titeke bè á sei a koréi tà si njak a, a kilei kem̂ si pon dè nyange malang ke ra sei nga.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

2 Nje Ke Thessalonique 1:4

Dè jé in tchakm tede tà le si dann njékebe nange’t le Nube tede koré tà njak dè kundekem̂ le si dann nyankumndooge se nyantosowurge ke rai sei.

2 Nje Ke Thessalonique 3:5

Maje kade Kuwe-ɓee ade i tári Nube dè ɓengre si’t. Maje kade i ndai njáng dè kum nan’t bɔk se Krist.

1 Timothee 2:10

Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw.

1 Timothee 2:2

Ɔji tà se Nube tede ngar-ɓeege, tede le njé ke tɔge konɓee è ji de’t tede kade jè ndii jêke^ se kem̂lom dè kile koje dè Nube’t. Titeke bè á j’à ra’n nyange gai-gai ke maje.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

1 Timothee 6:6

Oiyo, loo ke kem̂ doo ra ranel dè nyan ke tò jinn’t ade kem̂’n oso nang pon ɓaa, kundekem̂ dè Nube’t è nyanbaw ke bò tede le’n kerɔte kuwe.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

Tite 1:1

Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.

Tite 1:8

Nè gar-gar à è njè ra mba a, njè ndige nyan ke maje a, à ndi kum’n karè a, à è njè ra nyan se dè naje’n a, à è doo ke tò se ninn’n a, à è njè kunde kumkunju dè rann’t a tɔ.

Tite 2:2

Ede bɔ-dingemge le kade yibe ule mbe dè de’t lé. Nè maje kade ei dooge ke njé ke rang asikum kilei koje dè de’t a, à ei njé kunde kumkunju dè ra de’t a tɔ. Maje kade kundekem̂ le de è ke maje unju nyang-nyang a, maje kade ei njé tár dooge a, njé korè tà de njakge a tɔ.

Hebreuge 10:36

Sei awi ndoo korè tà njak tede le ra’n nyan ke kem̂ Nube ndige kɔr son’n njêt. Titeke bè á a ingei nyan ke ndɔ ke Nube unn’n ndu’n le kade sei nga.

Hebreuge 12:1

Jèi géa, njékɔrgo tàge le jéi ndii ɗêng-ɗêng tɔ. Bè ɓaa, nyan ke rara ke wɔi jèi a, se kaiya ke ule jèi poré ɔge jèi kaw kum jéi ke kété nga adi jè risi de j’undei de nang. J’an-in ngɔde kum jéi ke kété ɔje dè nyan ke tò non jéi’t.

Hebreuge 6:12

I teli njérakatege lé ta. I ndaji kum dooge ke orèi tà de nják-nják dè kundekem̂’t le de á ingei nyan-ndube ke Nube unn ndu’n ade de nga.

Hebreuge 6:15

Ndɔ ke Abraham ile kem̂’n pon ngine’n titeke bè ɓita Nube ade’n nyan ke ndɔ unn’n ndu’n le kade nga ɓai.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.

Lookilera’n 13:10

Doo ke d’uwe dè nja dangai d’ɔje’n dè’n ɓaa, à aw dangai’t kuwe. Doo ke d’ɔje kade wei yo kuye kaskar ɓaa, à kwei yo kuye kaskar kuwe gar-gar. Gir’n ke nè á, maje kade dooge le Nube ke tooi se ninn de oréi tà njak dè kundekem̂ dè Nube’t le de.

Lookilera’n 14:12

Gir’n ke nè á, maje kade dooge le Nube ke ilei koje dè ndukunnge le’n nga oréi tà de njak dè kunde kem̂ de dè Jésu’t.

Lookilera’n 2:2

M’ger pa njiyei mbak. M’ger mbak titeke i ra kule ɔr yàl-yàl a, oré tài njak dè nyantosowurge’t a tɔ. M’ger maje titeke ase kile ngire gir njé ra majelége’t lé. Njé ke ei kuwe edi nè n’ei njékawkulege nga, i ger de ke njé lanmge karè.