2 Pierre 1:19 - Nouveau Testament en Gulay 2004

¹⁹ Tà ke njéribe-dè-tàge ke tà Nube’t tami kété mari ɔji dè Krist nga, è tà kerɔte kuwe. Sei géa, maje kade i tɔsi kum si dè tà’t nè nga tɔ. Tà nè nga tò asenan se por lampe ke ndogó loo ke ndul’t bè. Por lampe nè nga ndogó sár ade mbonron unde’n loo tee’n a, ade loo ar’n dè ɓengre si’t a tɔ.

2 Pierre 1:19 ပူးပေါင်းရင်းမြစ်များ

Matthieu 4:16

Kosdooge ke ndii dann tilkus’t, An-in! lookar ke bò, Njé ke ndii gir tɔgmong’t le yo géa, loo unn gir kar dè de’t a tɔ.

Jean 5:35

Jean nga kété è tite lampe ke on ndogó kotong. Nè sei ndigi kali ra si dann lookar’t le’n nè nga ndêin.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Jean 8:12

Jésu tel unn tà tam ede doobulege ede nè: – Man nga m’a m’ee lookar le dooge ke dè nang nè. Nanan ke unn rebe goom’t ɓaa à njiye dann loo ndul’t lé, nè à ndi dann lookar’t. Lookar nè nga, à ɔr non’n kaw se’n loo ndikumgajer se non.

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Hebreuge 2:2

Tà ke ndɔ ke dooge ke danrán ndói kà jéige nga, ke nè á doo karé al dè éké unn mbi’n dè’t ɓaa, kure’n à ɔde kum’n se go rebe’n titeke d’ɔje’n nga kuwe.

Jacques 2:8

Kerɔte kuwe, gute-ndu ngar ke dé ndang kem̂ Magtub’t d’ede nè: «I tár doo ndul madi titeke i tár’n danrai i kuwe bè» nga, ke nè á i rai ɔri son’n njêt ɓaa, sei rai maje.

1 Pierre 1:10

Kaje nè nga, njéribe-dè-tàge ke tà Nube’t sangi gir ke get se ngang’n lêr-lêr a, nderi gir uyi tete undei. Noje ke Nube ayé kuwe se si nga, ei tami tà’n kété mari ke desêin.

1 Jean 5:10

Nanan ke unde kem̂’n dè Ngonn Nube’t ɓaa à taa tà ke Nube tam ɔje’n dè Ngonn’n. Nè nanan ke unde kem̂’n dè Nube’t lé ɓaa, tel Nube ke njè lanm, tede è taa tà ke Nube tam ɔje’n dè Ngonn’n nga lé.

3 Jean 1:6

Dé nè nga, d’ɔrgo ser tár ke i tár de non njékebe nange’t le Nube. I ra se de dé mbage ke d’a d’aw, tede kade ile riɓar dè Nube’t.

Lookilera’n 2:28

E ke nè á è tɔgmong ke ndɔ ke Bɔ’m ade’m. Doo ke tête rɔ nga, m’a m’ade’n mbonron.

Lookilera’n 22:16

Man Jésu kuwe á m’ule doo le’m ke danrán kade aw ɔrgo tà nyange nè ade sei njétaakem̂-Kristge malang loo kebe nange’t le si. Man m’ee ngonnkà David a, m’ee mbonron lookar a tɔ.»