2 Pierre 1:17 - Nouveau Testament en Gulay 2004

¹⁷ Jésu-Krist oo ndu Nube njè ndubra ke bò loo ke ndɔ ke inge’n inge’n riɓar se ndubra ra Bɔ’n Nube’t. Ndɔ ke Nube tam nè: «E nè nga è Ngonn kem̂’m ke m’tár’n ngain a, ra’m nel’m dènn’t ngain a tɔ.»

2 Pierre 1:17 ပူးပေါင်းရင်းမြစ်များ

Matthieu 12:18

«An! ngonn njèndi le’m ke man kuwe m’ɔr’n a, m’tár’n a, ra’m nel’n dènn’t ngain a tɔ. M’a m’ade ndil’m à um dènn’t le kade ile mber nyanra ke se dè naje’n ade dooge ke geri Nube lé.

Matthieu 17:3

An! ke loon’t nè kuwe, Moise se Elie teei hɔi ke ra de’t ndai ɔji tà se Jésu.

Matthieu 17:5

Loo ke tà nain tà Pierre’t ɓai ɓaa, bum ke ndoin ree lirr utu dè de lêt. Ndu Nube ɓar dann bum’t nè nga, ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ. Ooi tà tànn’t.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Marc 1:11

Ndu Nube ɓar danran nú ede nè: – I i Ngonn’m ke m’tári ngain, i nyan ranel le’m a tɔ.

Marc 9:7

Bum ree utu dè de lêt, Nube tam tà dann bum’t nè ede nè: – E nè nga è Ngonn’m ke m’tár’n ngain, ooi tà tànn’t.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Tà ke Maje ke Luc ndang 3:22

Ndil-Kêmnda ree uwe dènn’t ade d’an tò asenan se der-nda bè. Ndu Nube ɓar danrán nú ede nè: – I nga i ngonn’m ke m’tári ngain. Ra’m nel’m dè kɔr ke m’ɔri’t nga ngain a tɔ.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 14:11

M’um se Bɔ’m nan’t bɔk, Bɔ’m géa um se’m nan’t bɔk tɔ. Ke nè á umi kêm si dè tà’t le’m lé géa, undei kêm si dè nyange ke m’ra kété m’ade an-in nga.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Jean 3:35

Bɔ Ngonn tár ngonn’n ngain. E tel se nyange malang um jinn’t.

Jean 5:20

Bɔ ngonn tár ngonn’n ngain. Gir’n ke nè á è tɔje’n nyan malang ke è ra. E à tɔje’n kule rage ke bò dum dè ège ke nè le kade tà ige’n sei sêl.

Jean 5:26

Titeke Bɔ Ngonn è ngire ndikumgajer nga, Ngonn’n géa è ngire ndikumgajer tite Bɔ’n bè tɔ.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:39

Njé ke Bɔ’m ke njèkule’m ade’m se de malang nga, è ndige le kade doo karé bè géa dann de’t tuju lé. Nè è ndige le kade m’ade undei loo teei dann njé ke koo’t ndɔ ke ngeinn’t.

Nje Ke Rome 15:6

Titeke bè á sei a kasi kundei ndu si nan’t le kɔse’n pa kile’n riɓar dè Nube, Bɔ Kuwe-ɓee le jéi Jésu-Krist.

2 Nje Ke Corinthe 1:3

Nube, Bɔ Kuwe-ɓee le jéi Jésu-Krist nga, maje kade dè’n mong maj-maj. Bɔ jéi Nube nga, è Nube ke njè kêmkanm se njè sɔl kêm dooge a tɔ.

2 Nje Ke Corinthe 11:31

Nube, Bɔ Kuwe-ɓee le jéi Jésu-Krist ger mbak titeke m’lanm lé. Maje kade dè’n mong káng-káng sár se non.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

2 Jean 1:3

Maje kade kem̂noje se kem̂kanm a, se kem̂lom ke in ra Nube’t se ra Ngonn’n Jésu-Krist a tɔ, nain se jéi tede kade jè tári nan kerɔte kuwe.

Jude 1:1

Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.