2 Pierre 1:16 - Nouveau Testament en Gulay 2004

¹⁶ Ger ke ndɔ ke j’adi i geri tɔgmong a, se ndɔ tel le Jésu-Krist Kuwe-ɓee le jéi nga, jè ndolé’n go kumkunju le sútàge lé. Nè j’ɔrgo nyange nè nga j’ade sei tede ndubra le’n ke ndɔ ke jè kuwe j’an se kum jé.

2 Pierre 1:16 ပူးပေါင်းရင်းမြစ်များ

Matthieu 16:27

Ndɔ karé ke man ke m’ee Ngonn doo nga, m’a tel ree se dooge le’m ke danran dann ndubra’t le Bɔ’m ɓaa, kêm ndɔn’t nè nga m’a m’uge nanan géa se goo nyan ra’n ra’n.

Matthieu 16:28

Kerɔte kuwe, man m’ede sei ndàt, njé ke nange dann dooge ke ndii nè nga à an-in Konɓee le’m man Ngonn doo se kum de pa ɓita à weii ɓai.

Matthieu 17:1

Loo ke ra ndɔ mute-mute ɓaa, è ɔr Pierre se Jacques se ngokon’n Jean njɔl aw se de se kar de bere dè mbal ke ngal lêng-lêng.

Matthieu 24:27

Titeke ndi têl loo tee’t le kàde ndoin sár tee loo kur’t le kàde nga, ndɔ tel ree le’m man ke m’ee Ngonn doo nga géa à è titeke bè to.

Matthieu 24:3

Taɓai Jésu ɔte aw ndi dè mbal’t ke kage olivierge ndai tutu. Njékuwe-girnge awi ingeii se kar’n deji nin edi nè: – Ede jè, ké ndɔ ke ra nyange nè nga à teei wa? Ké ri á à tɔji jè kade jè ger ndɔ teli nga wa? Ké ndɔ ke ra gir nang nè à gang ɗás wa?

Matthieu 28:18

Jésu aw ngɔr ke ra de’t ede de tàge titeke bè ede nè: – Man nga, d’ade’m tɔgmong dè nyange malang ke danrán se ke dè nang nè.

Marc 13:26

Kerɔte kuwe, d’a d’an’m man Ngonn doo loo tel ree’t le’m dann bum’t se tɔgmong a, se riɓar a tɔ.

Marc 14:62

Jésu tel ilé dè’t ede nè: – Ma m’ee è nga kuwe. Ndɔn’t a an-in man Ngonn doo; m’a m’ndi dè jikon Nube ke njètɔgmong. Ndɔn’t a an-in man loo tel ree dann bum’t danrán a tɔ.

Tà ke Maje ke Luc ndang 1:2

se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Tà ke Maje ke Luc ndang 9:43

Ndil doobulege malang tee an-in soin-soin dè tɔgmong ke bò le Nube nga. Tà ige doobulege nè sêl dè nyange malang ke Jésu ra ade teli ndii giw. E ede njékuwe-girnge ede nè:

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

1 Nje Ke Corinthe 1:17

Man nga, Krist ule’m tede kule dooge manné njonm lé, nè è ule’m tede kile mber Tà ke Maje. Tà ke Maje ke m’ile mber’n nga, m’ile se go ger gos tam tà karè lé; nè bainléa kwei le Krist kàde kage-ke-dese’t à tel k’ee nyan ke raikarè.

1 Nje Ke Corinthe 1:23

Nè jè ɓaa, j’ile mber tà le Krist ke dé ɓer’n kade kage-ke-dese’t. Krist ke dé ɓer’n kàde kage-ke-dese’t nga è jig ke tuge nja Juipge ile de a, è nyan mbe tàkum njé ke ei Juipge lé a tɔ.

1 Nje Ke Corinthe 1:7

Bè ɓaa, ɗarinè nyan-noje karé bè géa nal sei ke i ndii a i nginei ndɔ tel ree le Kuwe-ɓee le jéi Jésu-Krist nga lé.

1 Nje Ke Corinthe 2:1

Ngakonmge, kaw ke ndɔ ke m’aw ra si’t m’ede sei tà ke ɔje dè nyan le Nube ke tò loo ɓɔyɔn’t nga, è se tà nel éké gos tam tà le dooge karè lé.

1 Nje Ke Corinthe 2:4

Nyan-ndó le’m se mber kile le’m nga, ndunei ra de ra tà nel éké dè ger go ger gos tam tà le dooge karè lé. Nè mber ke ndɔ ke m’ile m’ade sei nga, è se go tɔgmong le Ndil-Kêmnda.

1 Nje Ke Corinthe 5:4

I kebi nan se ri Kuwe-ɓee le jéi Jésu-Krist ɔri nan tà. Man géa tàgir le’m um se si nan’t bɔk loo kebe nan’t nè nga tɔ. Se go tɔgmong le Kuwe-ɓee,

2 Nje Ke Corinthe 2:17

Jè jè njé tel Tà le Nube ke nyan gate tite njé ke nange bule rai nga lé. Jè nga, jè dooge ke j’um nan’t bɔk se Krist. Gir’n ke nè á, Nube ade j’ile’n mber j’ade sei se kêmnda káng nonn’t.

2 Nje Ke Corinthe 4:2

Jè mbate nyan rasɔlge ke ra se go ngein. Jè ra nyan karé le libe’n kum doo lé a, j’ur mann dann tà’t le Nube lé a tɔ. Nè jè tee se ngarankum tà j’ade tò nata ndái-ndái a, j’ɔrgir ra jé njai j’ade dooge malang geri se kêm de non Nube’t a tɔ.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Philippes 3:21

Ra jéi ke dang’t ra’n ade uwe ndoo mɔngong nga, Jésu-Krist à tel’n le kade tò tanan se le’n ke ndoin kein-kein. E aw se tɔgmong le dum’n dè nyange malang, ule’n de wɔr-wɔr.

1 Nje Ke Thessalonique 2:19

Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.

2 Nje Ke Thessalonique 2:9

Loo ke ndɔn’t njè kɔse tà se Nube nè nga à unde loo tee ɓaa, è à ra kule se tɔgmong le Sú. E aw se tɔgmong ke bò le ra’n nyankɔbege se nyange ke dum kum a se nyan-tɔjege gai-gai le sú’n dooge.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

1 Timothee 4:7

Nè tàge ke raikarè se sútàge le kon dinyege ke uwei made nan se kundekem̂ lé nga, ute mbeng. Ule rai bàj dè kile koje dè Nube’t.

Tite 1:14

Taɓai in se de i ndáng de le kade dé liger dè sú tàge le Juipge éké dè ndukunnge le dooge ke njé tur gide de kade ngarankum tà nga lé.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

1 Jean 4:14

Bɔ jéi Nube ule Ngonn’n le kade è njèkaje dooge dè nang nè. Ngonn’n ke ule’n nga, jè j’an’n se kum jé. Gir’n ke nè á j’ɔr’n go tà le’n j’ede’n sei.

Jude 1:14

Hénok ,ngonnkà dɔg Adam ke njèkon’t ji sejimute nga, ndɔ ke tam tà kété mari ɔje’n dè de ede nè: «An-in! Kuwe-ɓee à ree se dooge le’n ke danrán aru dɔg loo bule,

Lookilera’n 1:7

An-in! Jésu-Krist nga à ree dann kil’t le ndi; dooge karé-karé malang à an-in nin a, njé tɔse’n tɔlnge géa à an-in nin se kum de a tɔ. Kosdooge malang dè nang nè à non-in kundei kàde de dai-dai tede tà le’n. Oiyo, maje kade è titeke bè kuwe.