2 Pierre 1:12 - Nouveau Testament en Gulay 2004

¹² Gir’n ke nè á m’ndi m’olé’n kem̂ si dɔ-dɔ dè nyange’t nè nga. Sei geri nyange nè nga ɓá, sei i bai nja si nang dè ngarankum tà’t nga a tɔ, ade m’ger mbak kuwe. Nè né è bè géa, m’a m’olé kem̂ si dè’t kuwe.

2 Pierre 1:12 ပူးပေါင်းရင်းမြစ်များ

Nyanra Njekawkulege 16:5

Njékebe nange le Nube rai tɔge dè kundekêm’t le de a, kɔr de in dè made’t ke kété-kété se ndɔge malang a tɔ.

Nje Ke Philippes 3:1

Gute tàge ke nain ɓaa, ngakonmge, i rai ranel dè kum nan’t le si bɔk se Kuwe-ɓee. Tel ndang magtub kade sei ɔje dè nyange ke kété m’ede sei ɓá nga, m’a m’ɔr go’t lé tede è gir ndi lom le si.

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

Nje Ke Colosses 2:7

Ulei ngire si nang rann’t janm-janm a, i rɔti ndikumgajer le si dènn’t a tɔ. I ɓeɓerei dè kundekem̂ dè Krist’t titeke dé ndó’n sei kété ɓá. I rai Nube oiyo se ndɔ si, ndɔ si.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

2 Timothee 1:6

Gir’n ke nè á m’olé’n kem̂i le kade i tel ule por gir nyan-noje ke Nube adi loo ke ndɔ ke m’ile’n ji’m dèi’t nga.

Hebreuge 10:32

Adi kem̂ si olé dè nyan ke tee dè si’t kété loo ke ndɔ ke ingei lookar le Nube. Sei ingei lookar le Nube mbɔr lé ɓai ɓaa, sei unni gir ra rɔ ke bò a, ingei nyankem̂konge a tɔ.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

2 Pierre 1:13

M’an titeke è nyan ke kum ra kuwe. Loo ke m’ndi se ndi kumgajer dè nang nè ɓai nga, m’a m’olé kem̂ si dè nyange’t nè nga kuwe.

2 Pierre 1:15

Nè né è bè géa, m’a m’ute ra’m kalang le kolé kem̂ si se ndɔ karé-karé dè nyange’t nè nga tede kade né m’wei géa, kem̂ si weii’n nal dè nyange’t nè nga ndan lé.

2 Pierre 3:1

Kótarge le’m, magtub ke m’ndang nè nga, è njèkon’t joo. Kem̂ è ke kété’t se è ke ɗarinè, m’ndige le kolé kem̂ si kade tàgir le si aw maje dè nyange ke ndɔ ke m’ndó sei nga.

2 Pierre 3:17

Sei geri tà nè kété ɓá. Bè ɓaa, kotárge le’m, undei kumkunju dè ra si’t nè bainléa njékaltàge à ndonmi sei nang ndalang dè nda njáng’t le si se sútàge le de nga.

1 Jean 2:21

M’ndang magtub nè m’ade sei tede ger ke i geri ngarankum tà lé lé. Nè m’ndang magtub nè m’ade sei tede ger ke i geri ngarankum tà a, i geri titeke tà lanm karé bè géa in ra ngarankum tà’t lé a tɔ.

2 Jean 1:2

Jè tár sei tede ngarankum tà ke urkei kem̂ jéi’t ɗarinè. Ngarankum tà nè nga à nain se jéi sár se non.

Jude 1:17

Nè sei kotárge le’m ɓaa, adi kem̂ si olé dè tàge ke ndɔ ke njékawkulege le Jésu-Krist Kuwe-ɓee le jéi ede sei kété ɓá nga.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.

Jude 1:5

Sei geri nyange nè nga malang ɓá kuwe. Nè né è bè géa, m’ndige kolé kem̂ si dè tà’t nè: Ndɔ ke Kuwe-ɓee Nube ɔr kosdooge le’n kɔke kem̂ ɓeekon ke Egypte aje de nja karé ke ngang’n. Nè go’t gugu, è tuju njé kunn mbi dè tàge’t kɔke ndát-ndát.