2 Pierre 1:11 - Nouveau Testament en Gulay 2004

¹¹ Titeke bè á Nube à ɔr’n tà rebe kaw kem̂ konɓee ke à tò sár se non le Jésu-Krist Kuwe-ɓee le jéi ke njèkaje jèi kinye wei bendeng kade jèi.

2 Pierre 1:11 ပူးပေါင်းရင်းမြစ်များ

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Jean 10:10

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

1 Nje Ke Corinthe 15:24

Krist à tuju njékonɓeege se ndukunnge se tɔgmong-ge le de ei njékɔse tà se Nube kɔke pa ɓita à tel se ɓeekon kule ji Bɔ’n Nube’t ɓai. Ndɔ’n nè nga ɓita à è ngei ndɔ ɓai.

2 Nje Ke Corinthe 5:1

Kerɔte kuwe, danra jéi ke jè ndii dè nang nè nga, tò asenan se kei kam ke ndɔ ke rang à jɔri. Nè jè geri mbak titeke kei le jéi ke tò se non tò danran nú non. E kei le Nube kuwe á ra m è ji doo-ndulge á ra lé.

Nje Ke Ephese 3:20

Se go tɔgmong le Nube ke ra kule kem̂ jéi’t nga, Nube asekum ra nyan kade al dè nyan malang ke jè deji nin éké ke jè giri kem̂ jéi’t.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

2 Timothee 4:18

Kuwe-ɓee à ɔr’m dann nyan ke majelé’t malang, è à aje’m le kade m’aw sár kem̂ konɓee’t le’n ke danrán se ra’m ke mong maj-maj. Maje kade riɓar è le’n è kuwe sár se non. Maje kade è titeke bè kuwe.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Hebreuge 6:17

Ndɔ ke Nube ra se Abraham titeke bè tɔ. Ngannkà Abrahamge ayé kingei nyange ndɔ ke Nube unn’n ndu’n ade’n. Nube ndige kade ngannkà Abraham geri njai titeke kunn-ndu le’n n’ee Nube nga, è kunn-ndu ke tò njáng. Gir’n ke nè á è tɔl’n tà’n se kubu ra.

2 Pierre 1:1

Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

2 Pierre 1:5

Gir’n ke nè á utei ra si kalang le rɔti nyanra ke maje tà kundekem̂’t le si. Taɓai utei ra si kalang le rɔti gos nyanger tà nyanra ke maje’t a tɔ.

2 Pierre 2:20

Dooge ke kété ɔri ra de dann nyange ke mine ke dè nang nè takul ger ke geri Jésu-Krist Kuwe-ɓee njè kaje jèi njai nga. Dooge nè nga, ke nè á teli ulei ra de dann nyange ke mine’t adi on-in ɓee dè de’t ɓai ɓaa, ndɔn’t à majelé dè de’t ngain dum ke kété.

2 Pierre 3:18

Awi kum si ke kété-kété dè noje’t a, se dè ger Jésu-Krist Kuwe-ɓee le jéi ke njèkaje jèi nga a tɔ. Maje kade riɓar è le’n ɗarinè sár se non. Maje kade è titeke bè kuwe.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

Lookilera’n 5:10

I tel de ke ngarge a, ke njékuje nyan-mesege le Nube le jé. Dooge nè nga à on-in ɓee dè nang nè.»