Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pierre 1:1 - Nouveau Testament en Gulay 2004

1 Man Simon Pierre ɓer le Jésu-Krist a, se njèkawkule le’n a tɔ. M’ndang magtub m’ade njé ke undei kem̂ dè Jésu’t titeke j’unde’n kem̂ jéi dènn’t nga a tɔ. Kundekem̂ ke gate’n è ngain ke tɔje ndá Nube ke njè ra nyan se dè naje’n a, tɔje ndá Jésu-Krist ke njèkaje jèi a tɔ.

အခန်းကိုကြည့်ပါ။ ကော်ပီ




2 Pierre 1:1
40 ပူးပေါင်းရင်းမြစ်များ  

Njékawkulege ke dɔg-gidé-joo nga ri de á tò nè: E ke desêin è Simon ke dé ɓar’n Pierre se ngokon’n André, Jacques ngonn Zébédée se ngokonn Jean,


Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.


Ngarakum ra’m ra ranel dè Kuwe-ɓee Nube ke njètaa’m tà yo’t a tɔ.


Gir’n ke nè á, Nube ke njèkumkunju tam’n tà kété ɔje’n dè si ede nè: «M’a m’ule se njéribe-dè-tàge se njékawkulege kade de. D’ade tɔl njé ke nange a, d’a d’ɔr njé ke nange kororoi a tɔ.»


E ɔr’n aw se’n ra Jésu’t. Loo ke Jésu tête kum’n pan an’n ɓaa, è tam ede nè: – I i Simon ngonn le Jean. D’a ɓari Céphas (tel se tà koje jéi è kuberi her ke mong).


Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.


Jésu tel ede de ede nè: – Maje kade kêmlom nain se si. Ɗarinè, man géa m’ule sei titeke kété Bɔ’m ule’m nga tɔ.


Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.


Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.


Eké le kade j’ulei dingem kêm nan’t dè kundekêm’t le jéi malang. Kundekêm le si à ra se’m a, kundekêm le’m à ra se si a tɔ.


Tà ke Maje nga tɔje jéi titeke Nube ɔr tà dè doo’t takul kundekêm, unn gir ndɔ ke desêin sár ndɔ ke ngeinn’t titeke dé ndang’n kêm magtub’t d’ede nè: «Doo à ndi kumgajer takul kundekêm.»


Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.


Man nga m’ee tà-mba le njékawkulege. M’tuwe kade dé ɓar’m njèkawkule lé tede m’ra kum njékebe nange le Nube ndoo ngain gée.


Ké m’di dè’m pal le ra nyan ke kêm’m ndige lé wa? Ké man nga m’ee njèkawkule lé wa? Jésu Kuwe-ɓee le jéi nga, ké ndɔ ke m’an’n se kum’m lé wa? Ké sei sei kann kule ke m’ra m’ade Krist nga lé ɓai wa?


Dé ndang kêm magtub ke tò se ninn’n d’ede nè: «M’unde kêm’m dè Nube’t, gir’n ke nè á m’ede sei tàge le’n.» Jè kuwe géa, se go kêm jé ke j’unde dènn’t á jè tam’n tà nè nga bè tɔ.


Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.


Nube ke njè tel Pierre ke njèkawkule le Juipge nga kuwe á tel’m ke njèkawkule le dooge ke ei Juipge lé tɔ.


Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.


E è kuwe á uwe noje se dooge ade njé ke nange ei njékawkulege a, ade njé ke karége ei njéribe-dè-tàge ke tà Nube’t a, ade njé ke nange ei njékile mber Tà ke Majege a, ade njé ke karége ke rang ei njékul dooge a, è ade njé ke nange ei njéndó dooge nyan a tɔ.


Kuwe-ɓee è karé bere luk-luk a, kundekem̂ è karé bere luk-luk a, kule doo manné njonm è karé luk-luk a tɔ.


Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.


Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.


kum’n se’n nan’t bɔk. Ɗarinè, Nube ɔr tà dèm’t tede kan ke m’an dè gute-ndu sêw-sêw lé, nè tede kum ke m’um nan’t bɔk se Krist. Nube ɔr tà dè doo’t takul kundekem̂ dè Krist’t.


Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.


Man Paul ɓer le Nube se njèkawkule le Jésu-Krist. Man nga Krist ule’m le kade njé ke Nube tɔr de unde de se ninn de undei kem̂ de dènn’t. Kule ke Krist ule’m nga, è tede kade njè ke Nube tɔr de geri ngarankum tà ke uwe made nan se kile koje dè Nube’t a tɔ.


I ngonn’m Tite ke m’oji gir kundekem̂’t le jéi nga, maje kade kem̂noje se kem̂lom ke in ra Bɔ jéi Nube’t se ra Jésu-Krist ke njèkaje jèi nain sei.


Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.


Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.


Man Pierre, njèkawkule le Jésu-Krist, m’ndang magtub nè m’ade njé ke Nube ɔr de unde de se ninn de ke ei njé nanmge ke sanrin nan awi ndii kem̂ ɓeekonge ke Pont, Galatie, Cappadoce, Asie a, se Bithynie a tɔ.


Nyantosowurge nè nga nan-in kundekem̂ le si ke gate’n dum nar-ɔr ɓai nga le kan, ké kundekem̂ le si nga è kundekem̂ ke get kuwe wa? Nar-ɔr è nyan ke à tuju a, à goto ɓai a tɔ. Nè nè bè géa, d’ule poro dé nan’n d’an. Kundekem̂ le si nga géa d’ade nan’n le kan tɔ. Ke nè á è kundekem̂ ke get ɓaa, d’a pite’n sei a, a ingei ndubra se riɓar a tɔ, ndɔ kunde loo tee pan’t le Jésu-Krist.


Kuberi her nè nga è riɓar tede le si sei njétaakem̂-Kristge. Nè njé ke ei njétaakem̂-Kristge lé ɓaa «Kuberi her ke gate’n è ngain ke njékunde keige mbati nin nga, tel è kuberi her ke njè mong dè kum kei.»


M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.


Takul ndubra se tɔgmong nè á j’ingei nyan-majege ke bòi ke gate de è ngain ke ndɔ ke Nube unn’n ndu’n le kade jèi nga. E ade sei nyan-majege nè nga titeke bè tede kade ngur nyange ke majelé le nang nè tuju’n sei lé, nè le kade i teli seii girkoje le Nube.


Man Jude, ɓer kule le Jésu-Krist, man ngokon Jacques. M’ndang magtub nè m’ade njé ke Bɔ jéi Nube ɓar de. Njé ke Bɔ jéi Nube ɓar de nga, ei lennge. E an dè de sêw-sêw takul Jésu-Krist.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ