2 Jean 1:9 - Nouveau Testament en Gulay 2004

⁹ Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.

2 Jean 1:9 ပူးပေါင်းရင်းမြစ်များ

Matthieu 11:27

Nyange malang nga Bɔ’m tel’n um jim’t. Doo karé ke ger’m maje ke Ngonn’n goto. Nè Bɔ’m kuwe karé bere á ger’m maje. Doo karé ke ger Bɔ’m maje goto, nè man Ngonn’n kuwe karé á m’ger’n maje. Nanan ke man Ngonn doo m’ribe se’n dè Bɔ’m ɓaa ase le ger’n maje.

Tà ke Maje ke Luc ndang 10:22

Bɔ’m tel se nyan malang um jim’t. Doo karè bè ke ger’m man ke Ngonn’n goto, nè Bɔ’m karè bere á ger’m ke ngonn’n. Doo karé ke ger Bɔ’m goto, nè man Ngonn’n kuwe karé bere á m’ger’n. Doo ke man Ngonn’n kuwe m’ndige ɓita m’a m’ribe se’n dè Bɔ’m kade ger’n ke doo ke bè ɓai.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 15:6

Ke nè á doo nanm kàde’m lé ɓaa, d’a d’ile’n nata kɔke tite balkum nduuge bè kade tutu. Balkum kage nduuge ke tutu nga, d’a d’ɔi de korè dè nan’t le ró de rák-rák.

Jean 5:23

Titeke bè á dooge malang à ilei koje dè Ngonnenn’t titeke ilei koje dè Bɔn’t nga tɔ. Doo ke rara ke ile koje dè Ngonn’t nga lé ɓaa, è ile koje dè Bɔ’n ke njèkulenn’t nga lé tɔ.

Jean 8:31

Jésu ede Juipge ke undei kêm de dènn’t ede nè: – Ke nè á sei nain-in dann tà’t le’m ɓaa, sei njékuwe-girmge kerɔte kuwe.

Nyanra Njekawkulege 2:42

Njétaakêm-Kristge malang uri mbi de tchên ooi tàge ke dé ndó de se ndɔ karé-karé. D’um nan’t bɔk tite ngakon nange se kon nannge bè. D’on mur nan’t a, d’ɔje tà se Nube nan’t a tɔ.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

Tite 2:10

I ndeje de le kade ei njé meendé nyange lé, nè le kade se ndɔge malang ei njé ra nyange ke maje tá kuwe dege à taai kem̂ de. Ke nè á ɓerge rai titeke bè ɓaa, ei à ilei riɓar dè nyan-ndó’t le Nube ke njèkaje jèi.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 6:1

Bè ɓaa, ade j’inyei go nyan-ndóge ke desêin ke dé ndó jèi ɔje dè kundekem̂ dè Krist’t nga ɓaa, ade j’awi kum jéi ke kété dè nyan-ndó ke maje ɔr njêt le dooge ke tɔgi káng-káng. Ade jè teli dè nyan-ndó ke desêin’t lé ta. Nyan-ndó ke desêin nga ɔje dè kinye go nyanrage ke majelé ke à awi se jéi kile jèi tà yo’t a, ɔje dè kundekem̂ dè Nube’t a tɔ.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.

3 Jean 1:9

M’ndang tà karè bè ke ase loon’t m’ade njékebe nange le Nube. Diotrèphe ke ndige k’ee ngawtà de nga ute tà le jé mbeng.