2 Jean 1:8 - Nouveau Testament en Gulay 2004

⁸ Undei kumkunju dè ra si’t tede kade kule ke jè ra nga tɔ ra jéi’t karè lé, nè le kade ingei nyankuge dè ji si tá.

2 Jean 1:8 ပူးပေါင်းရင်းမြစ်များ

Matthieu 24:4

Jésu tel ile de dè’t ede nè: – Kêm si dè ra si’t le kade doo karé bè géa sú sei lé.

Marc 13:23

Nè sei ɓaa, undei kumkunju dè ra si’t ɔje dè nyange ke ndii à reei nga.

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 19:19

Ngar tel ede ngonn njèndi nè ede nè: «I géa m’undei ngar dè ɓeege gir mi tɔ.»

Tà ke Maje ke Luc ndang 21:8

Nè Jésu ede de ede nè: – Undei kumkunju dè ra si’t le kade dé sú kum si lé. Tede dooge bule à unni ri’m tam’n kedi nè: «E man nga kuwe á m’ee Krist.» «Ndɔ nain ngɔr.» I ndolèi go de lé.

Jean 4:36

Njè sa ko inge nyan kuge dè ji’n ɓá a, è kebe njar nyan ke ɔje dè ndikumgajer se non a tɔ. Titeke bè á njè dubu nyan se njè sa nyan ali ra de nan’t mbak.

1 Nje Ke Corinthe 15:8

Man ke m’ee tite ngonn ke d’ɔr’n bè dann de’t nga géa, m’an’n m’utu’n go de malang.

1 Nje Ke Corinthe 3:14

Ke nè á doo unde kei dè gir kei’t nè á kei le’n nda njáng nal kade por ró’n ɓaa, doo nè nga à inge nyan kuge dè ji’n kuwe.

1 Nje Ke Corinthe 3:8

Njè dubu nyan se njè kum mann dè nyan’t nga asinan mbak. Nè Nube à uge dè ji nanan géa dann de’t se go kule ke è ule ra’n ndibe tutu.

Nje Ke Galatie 3:4

Ké nyankɔbege se nyan-majege ke Ndil ade dé ra d’ade an-in kété nga, è se ndáng karè wa? M’gir kade è se ndáng karè lé.

Nje Ke Galatie 4:11

M’ɓel kem̂’t m’ede nè: Bainléa m’ule ra’m ndibe tede le si se ndáng karè.

Nje Ke Philippes 3:16

Nè né è bè géa, adi jè njiyei kum jéi ke kété dè rebe ke jè njiyei tutu sár ɗarinè nga.

Hebreuge 10:32

Adi kem̂ si olé dè nyan ke tee dè si’t kété loo ke ndɔ ke ingei lookar le Nube. Sei ingei lookar le Nube mbɔr lé ɓai ɓaa, sei unni gir ra rɔ ke bò a, ingei nyankem̂konge a tɔ.

Hebreuge 10:35

Inyei go kundekem̂ le si nga lé, tede takul’n á d’a d’uge’n dè ji si.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Lookilera’n 3:11

Man m’ree kalang. Nyan ke tò jii’t nga, uwe mong-mong tede kade doo karé bè géa taa jɔkɔ tête rɔ lei nga aw’n lé.