2 Jean 1:2 - Nouveau Testament en Gulay 2004

² Jè tár sei tede ngarankum tà ke urkei kem̂ jéi’t ɗarinè. Ngarankum tà nè nga à nain se jéi sár se non.

2 Jean 1:2 ပူးပေါင်းရင်းမြစ်များ

Jean 14:16

Man m’deje Bɔ’m le kade ade sei njè ra se si ke rang. E nè nga à nain se si sár se non.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

1 Nje Ke Corinthe 9:23

M’ra nyange nè nga malang tede le Tà ke Maje, le kade m’ube’n maje’n a tɔ.

2 Nje Ke Corinthe 4:5

Mber ke j’ile nga, j’ile j’ɔje’n dè ra jé jè kuwe lé. Nè j’ile mber j’ɔje’n dè Kuwe-ɓee Jésu-Krist. Jè ɓaa, jè ɓer kulege le si tede tà le Jésu.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Pierre 1:12

Gir’n ke nè á m’ndi m’olé’n kem̂ si dɔ-dɔ dè nyange’t nè nga. Sei geri nyange nè nga ɓá, sei i bai nja si nang dè ngarankum tà’t nga a tɔ, ade m’ger mbak kuwe. Nè né è bè géa, m’a m’olé kem̂ si dè’t kuwe.

1 Jean 1:8

Ke nè á jè tami j’edi nè jè rai kaiya lé ɓaa, jè súi kum ra jéi jèi kuwe a, ngarankum tà goto kem̂ jéi’t a tɔ.

1 Jean 2:14

Sei ngannge, m’ndang magtub nè m’ade sei tede sei geri Bɔ jéi nga ɓá. Sei bɔ ngannge, m’ndang magtub nè m’ade sei tede sei geri è ke ndi tutu kété mari ke desêin nga ɓá. Sei basa dooge, m’ndang magtub nè m’ade sei tede sei nga sei dooge ke tɔg si tò mar ɓai a, tà le Nube urkei kem̂ si’t ade i têti rɔ njè kem̂ majelé a tɔ.

1 Jean 2:17

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.