2 Jean 1:10 - Nouveau Testament en Gulay 2004

¹⁰ Ke nè á doo karé ree ra si’t á ree se nyan-ndó le Krist nè nga lé ɓaa, uwei nin ke ra si’t kem̂ kei le si lé a, edi nin edi nè: «I ree se maje’n» lé a tɔ.

2 Jean 1:10 ပူးပေါင်းရင်းမြစ်များ

Nyanra Njekawkulege 15:23

Dé ndang magtub d’ade de ji de’t se tàge ke nè d’ede nè: «Jè njékawkulege se ngatɔgege a, se njétaakêm-Kristge a tɔ, jè ndang magtub nè j’ade sei njétaakêm-Kristge ke sei Juipge lé ke i ndii kêm ɓee-bò ke Antioche, ɓeekon ke Syrie se Cilicie. Jè ner sei.

1 Nje Ke Corinthe 16:22

Ke nè á doo karé ndige Kuwe-ɓee Jésu lé ɓaa, maje kade Nube ɔr’n kɔke dann kosdooge’t le’n. Marana tha, Kuwe-ɓee le jé ree!

1 Nje Ke Corinthe 5:11

Ḿ-m̀, magtub ke m’ndang m’ade sei ɗarinè nga ɔje dè doo ke ɓar ra’n ke njètaakêm-Krist, nè tel è njè tò se nan ke kaiya’t éké njèkêmkein se njè gugu mage éké njè taje ndu éké njè kade yibe ule mbe dènn’t, éké njèɓog. Doo ke titeke bè nga, utei nin mbeng. Nyankuse géa a usei se’n nan’t lé.

2 Nje Ke Thessalonique 3:14

Ke nè á doo karé ile koje dè tà’t le jé ke j’ede sei kem̂ magtub’t nè nga lé ɓaa, undei kum si goon’t tênn-tênn, utei ra si mbeng rann’t kɔke tede kade ra’n sɔl’n ade ndii’n gugum.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

Tite 3:10

Tà ndóge nè nga, doo ke tɔr dann ke nange um kɔke ade njétaakem̂-Kristge tin-in nan nga, ute’n mbeng dann njékebe nange’t le Nube. Nè kété ɓita kade ute’n mbeng ɓaa, maje kade in se’n ase nja karé éké joo pa ɓita.

2 Jean 1:11

Ke nè á edi nin edi nè: «I ree se maje’n» ɓaa, sei umi se doo nè nan’t bɔk dè kule rannge ke majelé nga ɓá ta.

3 Jean 1:10

Gir’n ke nè á loo ke ndɔn’t m’a m’aw ɓaa, m’a m’ede’n nyange ke majelé ke ra nga ndàt. Taɓai, m’a m’ede’n tàge ke majelé ke è tam ɔje’n dè jé. E ke nè kuwe ase’n lé ɓai, è mbate kuwe njétaakem̂-Kristge ke rann’t. Dooge ke ndigi kuwei de ke ra de’t géa, ɔge de dè’t a, rɔ de kɔke dann njékebe nange’t le Nube a tɔ.