2 Jean 1:1 - Nouveau Testament en Gulay 2004

¹ Man ngatɔge doo nga, m’ndang magtub nè m’adi i Kyria se ngannige. I nga i dinye ke d’undei se ninn’n gai. I se ngannige malang nga, m’tár sei kerɔte kuwe. E man á m’tár sei se kar’m lé, nè dooge malang ke geri ngarankum tà nga géa tári sei tɔ.

2 Jean 1:1 ပူးပေါင်းရင်းမြစ်များ

Tà ke Maje ke Luc ndang 1:3

M’nder gir nyange nè nga mari. Ɗarinè, man géa, m’an titeke maje kum ndang tà’n kunde non-in’t se gonan-gonan le kade i Théophile ke njè maje dum.

Jean 8:32

Sei a i geri ngarankum tà nga a, ngarankum tà nga ade a i ndii dè si pal a tɔ.

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nje Ke Rome 16:13

Rufus, doo ke Krist ɔr’n unde’n se ninn’n gai nga, i rai nin lapya adi man. Kon’n ke tò asenan se kon’m bè nga, i rai nin lapya ngain adi man tɔ.

Nje Ke Galatie 2:14

Nè loo ke m’an pa njiye de uwe made nan se ngarankum tà le Tà ke Maje ke nga lé ɓaa, m’in se Pierre tàkum dooge’t malang m’ede nè: «I i Juip nè i ra nyanra Juipge lé. I ra nyan asenan se dooge ke ei Juipge lé. A ɓaa, ké bain á i unde tɔge dè njé ke ei Juipge lé le kade teli rai nyanra Juipge nga taɓai wa?»

Nje Ke Galatie 2:5

j’inye kurloo ke ndêin bè géa j’ade de lé a tɔ. Jè ra titeke bè le kade ngarankum tà le Tà ke Maje nga too’n njáng dann si’t.

Nje Ke Galatie 3:1

Hai! sei njé kem̂ tɔ kuju tàge lé ke i ndii kem̂ ɓeekon ke Galatie. Ké nan yêl sei bè wa? Sei nga d’ɔrgir tà le Jésu-Krist ke dé ɓer’n kade kage-ke-dese’t d’ade tò nata ndái-ndái tàkum si’t.

Nje Ke Galatie 5:7

Kété sei an-in ngɔde maje. Ké nan ɗarinè ɔge sei kile koje dè ngarankum tà’t nga wa?

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

Hebreuge 10:26

Jèi ke jè geri ngarankum tà njai ɓá, ke nè á jè teli j’inyei go kundekem̂ le jèi le tel rai kaiya titeke kem̂ jéi ndige ɓaa, nyankuje-mese karé ke rang ke à ɔr se-majelége le jéi goto ta.

1 Pierre 1:2

Sei nga Bɔ jéi tɔr sei kété mari ke desêin se go gos nyanger le’n. E ɔr sei unde sei se ninn si gai ke kosdooge le’n takul Ndil-Kem̂nda. Nube ra titeke bè tede kade ilei koje dè Jésu-Krist’t a, tede kade mese’n ɔr’n kaiyage le si ndát-ndát a tɔ. Maje kade kem̂noje se kem̂lom oji nan ra si’t nyanmi-nyanmi.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Pierre 5:13

Njé ke tooi se ninn de ke kem̂ ɓee-bò ke Babylone rai sei lapya. Dé nga, Nube ɓar de titeke ɓar’n sei bè tɔ. Ngonn’m Marc géa ra sei lapya tɔ.

1 Jean 2:21

M’ndang magtub nè m’ade sei tede ger ke i geri ngarankum tà lé lé. Nè m’ndang magtub nè m’ade sei tede ger ke i geri ngarankum tà a, i geri titeke tà lanm karé bè géa in ra ngarankum tà’t lé a tɔ.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.

2 Jean 1:13

Ngann le ngokoin ke dinye ke Nube ɔr’n unde’n se ninn’n gai nga, rai nin lapya ngain.

2 Jean 1:5

Kyria, ɗarinè m’ra ndoo rai’t: ade jè tári nan. E ndukunn ke ndɔ ke j’ingei kété mari ke desêin nga kuwe á m’ndang m’adi m è ke kige lé.

3 Jean 1:1

Man ngatɔge doo nga, m’ndang magtub nè m’ade kotár le’m Gaius ke m’tár’n ke kerɔte kuwe.