1 Timothee 6:5 - Nouveau Testament en Gulay 2004

⁵ se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

1 Timothee 6:5 ပူးပေါင်းရင်းမြစ်များ

Matthieu 12:33

Bainléa sei i tami edi nè: Ke nè á ra kage maje ɓaa, kann’n à è ke maje. Ke nè á ra kage majelé ɓaa, kann’n géa à è ke majelé tɔ. Oiyo, kann kage á d’a ger’n ra kage.

Matthieu 21:13

Jésu ede de ede nè: – Dé ndang kêm magtub ke tò se ninn’n d’ede nè: «Kei le’m nga ,d’a ɓar’n kei kɔje tà se Nube.» Nè sei ɓaa, i telii ke mbonreen loo ɓɔyɔ ra le gon-ɓogege.

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

1 Nje Ke Corinthe 11:16

Ke nè á doo karé gir le naje tà nè nga ɓaa, maje kade ger titeke naje tà è kule ra jé jè éké kule ra njékebe nange le Nube se ndɔge malang lé.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

1 Timothee 1:6

Njé ke nange inyei go nyange nè nga ndemi osoi kɔke se go tà tamge ke raikarè.

1 Timothee 3:3

Gar-gar, njèkan dè njékebe nange le Nube à è ɓer le yibe lé a, è njè ɓeekos lé, nè gar-gar à è njè kaw lom-lom, à è njè kɔl se doo lé, à è njè ndige nar lé a tɔ.

1 Timothee 3:8

Njékan dè nyange le njékebe nange le Nube nga géa, gar-gar à ei dooge ke ri de ɓar maje, à ei njé kum tà minye’t joo lé, à ei gon kain yibe lé a, à ei njé kain ngɔde go nyankinge ke se dè naje’n lé lé a tɔ.

1 Timothee 4:7

Nè tàge ke raikarè se sútàge le kon dinyege ke uwei made nan se kundekem̂ lé nga, ute mbeng. Ule rai bàj dè kile koje dè Nube’t.

1 Timothee 4:8

Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

1 Timothee 6:6

Oiyo, loo ke kem̂ doo ra ranel dè nyan ke tò jinn’t ade kem̂’n oso nang pon ɓaa, kundekem̂ dè Nube’t è nyanbaw ke bò tede le’n kerɔte kuwe.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

2 Timothee 3:8

Dooge nè nga utei ngarankum tà mbeng titeke ndɔ ke Jannès se Jambrès utei Moise mbeng nga tɔ. Dé dooge ke tàgir le de majelé a, kundekem̂ le de géa unde ɓalè a tɔ.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

2 Pierre 2:15

Dé njé njé tête tà kunde tà Nube’t nè nga, dé ndem tede d’inye go rebe le de ke danné sêw, dé ndolè’n go Balaam, ngonn le Béor. Balaam nga ndɔ ke d’ade’n nar tede ra’n nyan ke majelé.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

Jude 1:11

Dé dooge nè nga, d’a d’an ɓai! tede d’unn rebe le Cain. Kum de sú de ade dé tam tà lanm le taa’n nar titeke ndɔ ke kété Balaam ra’n bè. D’ile rɔ d’ade Nube titeke ndɔ ke Koré ra’n bè tɔ. Kerɔte kuwe, d’ade tuju titeke ndɔ ke Koré tuju’n nga bè tɔ.

Lookilera’n 18:13

kàde kage ke ete ke ri’n nè Canelle, non-kage, wubuge ke dé ra se putu nyange ke ete sununu se yibe nduu a, wubu a, nduju koge a, se mangege a, se batege a, se sindege a, se wotro rɔge ke nja sɔ a, se ɓerge a, se dooge ke karè a tɔ.

Lookilera’n 18:3

E ade girkoje dooge se dè ɓee-dè ɓee an-in yibe nduu wong tò se nan ke kaiya’t le’n. Ngar-ɓeege ke dè nang nè géa tooi se ɓee-bò nè nga ke kaiya’t. Njé ra gatege ke dè nang nè nga géa ubei maje nyankinge takul nyan maje le’n ke mbirin-mbin.»