1 Timothee 6:4 - Nouveau Testament en Gulay 2004

⁴ è doo ke ti ra libe kum’n m è ger nyan karé lé. E doo ke ngur naje tà se kɔl nan ra’n pênn-pênn. Naje tàge ke titeke bè nga oje kɔl nan se kem̂kein se taje ndu se girtà ke majelé dè nan’t

1 Timothee 6:4 ပူးပေါင်းရင်းမြစ်များ

Nyanra Njekawkulege 15:2

Paul se Barnabas ndigi se de dè tà’t nè nga lé a, naje se de tà ngain a tɔ. Gir’n ke nè á, d’ɔr’n Paul se Barnabas a, se njétaakêm-Kristge ke nange ke rang kade awi kêm ɓee-bò ke Jérusalem ingei njékawkulege se ngatɔgege ɔji se de tà dè tà’t nè nga.

Nyanra Njekawkulege 18:15

Nè ke nè á è tà ke nange ke ɔje dè naje nan tàge karè éké ɔje dè rige éké ɔje dè gute-ndu le si ɓaa, sei kuwe an-in tà le si. Man m’ndige le k’ee njègangtà de tàge ke titeke bè nga lé.

Nyanra Njekawkulege 8:9

Dingem karé ke njè mbeli ri’n nè Simon, ndɔ ke ndi kêm ɓee-bò’t nè nga. E ra nyan mbelige ade ndil kosdooge ke Samarie tee an-in soin-soin. Simon nga an ra’n ke doo ke bò ngain.

Nje Ke Rome 12:16

Adi tàgir le si è karé. Adi ngur k’ee doo ke bò dann made sige’t ra sei pênn-pênn lé. Nè adi ngur ra kule ke pêli-pêli se ngonn koje tá ra sei. An-in ra si ke njékumkunjuge lé.

Nje Ke Rome 13:13

Ade jè njiyei danné sêw tite doo ke njiye dann kada bè. Ebi ra si dè k’ee doo nyankuse se doo nyankain. Ebi ra si dè tò se nan ke kaiya’t se dè nyanrage ke pás-pàs a, dè kɔl nan’t se dè ra jang’t a tɔ.

Nje Ke Rome 14:1

Doo ke tɔg kundekêm le’n goto nga, uwei nin ke ra si’t m i giri tà dènn’t yo ke nè lé.

Nje Ke Rome 2:8

Nè wong se kêmkon le Nube à nder dè njé naje tàge’t se dè njé ra nyan ke se dè naje’n lé utei ngarankum tà mbeng.

1 Nje Ke Corinthe 11:16

Ke nè á doo karé gir le naje tà nè nga ɓaa, maje kade ger titeke naje tà è kule ra jé jè éké kule ra njékebe nange le Nube se ndɔge malang lé.

1 Nje Ke Corinthe 11:18

Man m’oo titeke sei ɔri kum nan loo kebe nan’t le si ade i tin-in nan. Tà ke m’oo nè nga, ke nange è kum kuwe.

1 Nje Ke Corinthe 3:18

Maje kade doo karé bè ade kum’n sú’n dè tàge’t nè nga lé. Ke nè á doo karé dann si’t an ra’n ke njèkumkunju ke dè nang nè ɓaa, maje kade tel mbe tá à è njèkumkunju ke get ɓai.

1 Nje Ke Corinthe 3:3

tede sei dooge ke karè m nyan le Ndil goto kêm si’t. Ke nè á ra jang se kɔl nan tooi dann si’t ɓaa, ké sei dooge ke kundekêm le si goto ade majelé on ɓee dè si’t lé ɓai wa? Ké nyanra si se tà tam si è nyanra dooge ke nang nè karè lé ɓai wa?

2 Nje Ke Corinthe 11:20

Dooge rai sei ɓer éké tuji nyange le si. Dooge rai sei ade oso ra si’t ɗàk éké nedi sei a, éké tundei mbɔr si njanm-njanm a tɔ. Nè né è bè géa, sei oréi tà si njak dè nyange ke dooge rai se si nga.

Nje Ke Galatie 5:15

Ke nè á ndi dè pal le si aw se si sár ade i ton-in nan a, ujei ngire nan se tà nyanm-nyanm a tɔ ɓaa, undei kumkunju dè ra si’t lé ɓaa a i tuji nan.

Nje Ke Galatie 5:26

Ade jè rai ngur riɓar ke raikarè lé a, ade jè tɔsi nan tà lé a, ade jè rai kem̂kein dè nan’t lé a tɔ.

Nje Ke Galatie 6:3

Ke nè á doo karé ke è doo ke raikarè gir kem̂n’t ede nè: N’ee doo ke n’ase ɓaa, è kuwe sú kum ra’n.

Nje Ke Philippes 1:15

Kerɔte kuwe, loo naje’n goto, dooge ke nange dann de’t ilei mber Tà le Krist se kem̂kein a, se ra jang a tɔ. Nè njé ke karége ɓaa ilei mber se tàgir ke maje.

Nje Ke Philippes 2:14

I rai nyan malang anje murin tà a, anje naje se ra si dè’t a tɔ.

Nje Ke Philippes 2:3

I rai nyan karé bè géa se go jang éké tede riɓar ke raikarè nga lé. Nè an-in njé ke rang ke dooge ke bòi dumi sei se go kule dè kade nan le si.

Nje Ke Colosses 2:18

Adi dooge ke njé ɗɔyi dooge ke danrán nanri se si nyan ke a an-in ngɔde’n nga taai ji si’t lé. Dooge nè nga ndigi ndɔri sei kaw se si kade ilei koje dè dooge ke danrán’t. Dooge nè nga inyei ra de nyein dann nyanpindege’t le de ti ra de mugug-mugug se ndáng karè se go tàgirge le danra.

2 Nje Ke Thessalonique 2:4

Ngonn le njè tuju se non à kɔse nang kin, nyange malang dooge dɔyi nin éké nyan malang ke è ngarankum nyan ke dooge ilei koje dè’t nga, è à ute mbeng. Taɓai è à ndige le kaw sár ndi kem̂ kei ke tò se ninn’n le Nube, à ra ra’n ke Nube gée ɓai a tɔ.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

1 Timothee 1:7

Dé ndige le k’ee njéndó dooge gute-ndu Nube, nè dé ger gir tà ke dé tam éké ke dé tam njáng nga lé a tɔ.

1 Timothee 3:6

Gar-gar, njèkan dè njékebe nange le Nube nga è njè kundekem̂ ke kige lé, nè bainléa ti ra à libe kum’n le kade Nube gang’n tà dènn’t titeke ndɔ ke gang’n tà dè sú’t nga.

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

2 Timothee 2:23

Tà naje neng-neng ke raikarè nga, ute de mbeng kɔke. I ger mbak titeke tà najege nè nga à oji rɔ nan.

2 Timothee 3:4

Kem̂ ndɔge ke ngeinn’t nga, dooge à ei njé kunn dè nange a, à ei njé kin kur dè nyange’t bigm ra, à ei njé ndige ranel ke ɔje dè de tá ngain dum ndige Nube.

Tite 3:9

Nè tà najege ke raikarè se tute girkàge se tà tin nan, se tà najege ke ɔje dè gute-ndu nga, maje kade ute de mbeng. Tede ei nyange ke rai karè ke asikum rai se doo lé.

Jacques 1:19

Ooi tà nè maje, kotárge le’m. Maje kade nanan géa in kalang ur mbi’n oo’n tà. Nè maje kade in kalang tam tà éké ade wong in se’n kalang lé a tɔ.

2 Pierre 2:12

Dé dooge nè nga, dé ra nyan nal gir tite dange ke dé ndon ɓaa, d’uwe de se gum a, dé tɔl a tɔ bè. Nyan ke dé gir njai lé géa, d’in dé tam tà ke majelé dè’t. Yo de à tò tite le dange ke walé bè tɔ.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.

Jude 1:16

Dé dooge nè nga, dé njé ɓar tà nyon-nyon se ndɔge malang a, ra de ate de kárár a tɔ. Dé njiye se go ngur nyange ke kem̂ de dé’t kuwe a, tàge ke kum tam oji nan tà de’t pɔt-pɔt a tɔ. Dé njé tɔi dooge tede libe’n kum de taa’n nyan ji de’t ɔje dè maje le de dé kuwe karé.

Lookilera’n 3:17

I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?