1 Timothee 6:2 - Nouveau Testament en Gulay 2004

² Ɓerge ke kuwe dege ei njétaakem̂-Kristge nga, ei à kilei koje dè kuwe dege’t nè m ei à kidi de tede k’ei ke ei njétaakem̂-Kristge bè lé. Nè gar-gar ei à rai kule maje dum ke kété kadi de, tede kuwe dege ke dé ra kule maje d’ade de nè nga ei kotárge le Nube. I ndó de tà nyange nè a, i ndeje de a tɔ.

1 Timothee 6:2 ပူးပေါင်းရင်းမြစ်များ

Matthieu 23:8

Nè sei ɓaa, adi dooge ɓari sei titeke bè lé, tede sei nga njè ndó sei nyan kuwe è karé bere. Gute si malang ɓaa, sei ngakon nange.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 6:24

Doo karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è karé ke rang dann kumn’t. Taɓai è à ile koje dè è ke karé’t, nè à an è karé ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nje Ke Rome 11:17

Kos Juipge tooi asinan se kage olivier ke kêm ndɔr’t ke doo jeng balkum’n ke nange um kɔke. I ke i Juip lé nga, i tite kage olivier ke kêm kɔr’t ke doo tugei rɔti gute balkum olivier ke kêm ndɔr’t. I ite ɗarinè takul boté ngire kage ke kêm ndɔr’t. Kage ke kêm ndɔr’t nga, è Juipge.

Nje Ke Rome 8:29

Njé ke Nube ger de kété ɓita unde nang nè ɓai nga, è ɔje kêmn’t kété mari ke desêin le tel de ke ngann’n le kade tooi asinan se Ngonn kêm’n Jésu. Nube ra titeke bè le kade Ngonn’n ee’n doo ke desêin ke inge riɓar le Nube dann kosdooge’t le Nube.

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Nje Ke Ephese 1:15

Gir’n ke nè á, loo ke m’oo kɔbe kem̂ si ke kundei dè Kuwe-ɓee Jésu’t a, m’oo ser tár ke sei tári njé ke tooi se ninn de malang a tɔ ɓaa,

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

Nje Ke Colosses 1:2

jè ndang magtub nè j’ade sei ngakon jé ke njétaakem̂-Kristge ke tooi se ninn de ke i ndii kem̂ ɓee-bò ke Colosses. Maje kade kem̂-maje se kem̂lom ke in ra Bɔ jéi Nube’t nain se si.

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

Nje Ke Colosses 4:1

Sei kuwe-ɓolége, i rai ɓolége le si se dè naje’n a, se go rebe’n a tɔ. Adi kem̂ si olé titeke sei géa Kuwe si ndi danrán non tɔ.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

1 Timothee 4:11

E ke nè á è nyange ke kade i ndó de a, unn ndui ade dé ra a tɔ.

1 Timothee 5:1

In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.

Tite 2:1

Nè né è bè géa, i ɓaa, i ndó de nyan ke uwe made nan se ngarankum nyan-ndó ke maje nè nga.

Tite 2:15

E ke nè á è tàge ke kum kade i ndeje’n de a, in’n se de i ndáng’n de se tɔgmong ke Nube adi deri dè tàge ke se go rebe’n lé. Tite, an tá nè à kade doo karé nedi.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

2 Pierre 2:10

Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.

Jude 1:8

Kerɔte kuwe, dooge ke uri dann si’t nga, ei rai nyange ke pás-pàs tite dooge ke kem̂ ɓee-bòge ke Sodome se Gomorrhe nga tɔ. Dé gir nyange ke se go rebe’n lé kem̂ de’t a, d’ule ra de mbiriri dann nyange ke mine’t. Dé njé kute tɔgmong le Jésu-Krist mbeng a, dé nede dooge ke danrán a tɔ.