1 Timothee 6:12 - Nouveau Testament en Gulay 2004

¹² I ra rɔ maje dè kundekem̂’t lei, i keke jii dè ndikumgajer ke se non ke Nube ɓari tede nga kek-kek. Ndikumgajer ke se non nga, kété i ɔrgo tà’n maje ngain tàkum njékɔrgo tàge’t bule.

1 Timothee 6:12 ပူးပေါင်းရင်းမြစ်များ

2 Nje Ke Corinthe 6:7

Jè tɔje ra jé ke ngann njékulege le Nube se go ngarankum tà a, se tɔgmong le Nube a tɔ. Nyanra ke se dè naje’n á è nyan rɔ le jé ke jè taa’n dè jé.

2 Nje Ke Corinthe 9:13

Kule ke sei rai nè nga ade dooge geri sei ke njétaakêm-Kristge ke get. Sei tɔji de titeke ilei koje dè Tà ke Maje’t le Krist kuwe. Sei uwei noje se njétaakêm-Kristge ke Jérusalem a, se dooge ke rang malang a tɔ, se kêmnda káng. Gir’n ke nè á à rai Nube oiyo ngain tede tà le si ɔje dè nyange nè malang ke sei rai ɓá.

Nje Ke Philippes 1:30

I rai rɔ titeke ndɔ ke m’rɔ’n kété made an-in. Rɔ ke m’ndi m’rɔ ke sei ooi ser’n ɗarinè nga, m’ebe’t lé bai.

Nje Ke Colosses 3:15

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

2 Nje Ke Thessalonique 2:14

Nube ɓar sei ɔje dè è ke nè nga se go Tà ke Maje ke ndɔ ke j’ile mber’n j’ade sei. Sei oréi nan se Kuwe-ɓee le jéi Jésu-Krist dè ndubra’t le’n.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

1 Timothee 1:19

se kundekem̂ a, se tàgir ke maje ke kem̂i’t a tɔ. Njé ke nange ndɔ ke surei go tàgir ke maje ke kem̂ de’t inyei adi kundekem̂ le de nduii’n mann.

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

1 Timothee 6:19

I ndeje de titeke bè le kade dé kebe nyanbawge d’unde konn loo ke maje’t ke ngiring ngiring-ngiring tede kade ndɔ ke rang d’inge’n ndikumgajer ke get a tɔ.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

2 Timothee 4:7

Man nga, m’ra rɔ maje a, m’ɔr son ngɔde le’m a, m’an dè kundekem̂ le’m sêw-sêw a tɔ.

Hebreuge 13:23

Maje kade i geri titeke ngokon jéi Timothée nga d’inye’n dɔ ɓá ta. Ke nè á ree law ɓaa, j’à j’aw se’n nan’t le kan sei.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Hebreuge 6:18

Kunn-ndu le Nube se kubu ra le’n nga ei nyange joo ke à tooi njáng. Nyange ke joo nè nga tɔji jèi titeke Nube tam tà lanm ndan lé. Nube sɔl kem̂ jéi se nyange ke joo nè nga. Gir’n ke nè á j’ubei go nyange malang j’inyei jè paberii nyan ke j’undei kem̂ jéi tchên dè’t ke Nube à ade jèi nga.

1 Pierre 3:9

I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.

Lookilera’n 3:3

Ade kem̂i olé dè tà ke i oo a, ke ndɔ ke i taa se kem̂i a tɔ. I ngonm tà nè nga a, i tel i tur hali rang a tɔ. Ke nè á i tel i ndikum lé ɓaa, m’a m’ree kubei nang bus tite njèɓog m a i ger kàde ke m’a m’tee’n dèi’t nga lé.