1 Timothee 6:1 - Nouveau Testament en Gulay 2004

¹ Dooge malang ke ndii se kule ɓer kɔbe de’t ɓai nga, maje kade ilei koje ke deri dè kuwe dege’t se kem̂nda káng. Titeke bè á doo karé bè géa à nede’n ri Nube éké nyan ke jè ndó dooge nga lé a tɔ.

1 Timothee 6:1 ပူးပေါင်းရင်းမြစ်များ

Matthieu 11:30

Tede jug le’m nga sɔl lom-lom a, nyankoto le’m nga géa ɔlé pêl-pêl a tɔ.

Matthieu 11:9

Nè ké ri á sei awi le kan-in kêm dile’t wa? Ké awi le kan-in njèribe-dè-tà ke tà Nube’t karé bè wa? Oiyo, man m’ede sei ndàt, doo ke sei awi le kan-in nga, dum dè njèribe-dè-tà ke tà Nube’t ɓai.

Tà ke Maje ke Luc ndang 17:1

Jésu ede njékuwe-girnge ede nè: – Gar-gar dooge ke nange à teli k’ei jig le tuge nja made dege kile de dann kaiya’t kuwe. Nè doo ke tel ra’n ke jig le tuge nja madennge nga, à an ɓai!

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 15:10

A ɓaa, ké bain á ilei kate kum Nube’t ɗarinè wa? Nyan ke wɔi ke kà jéige éké jèi j’asi kunni kotoi lé nga, ké bain á unni undei dè njétaakêm-Kristge’t wa?

Nje Ke Rome 2:24

Kerɔte kuwe, dé ndang tà’n kêm Magtub ke tò se ninn’n d’ede nè: «Tede nyanra sige ke titeke bè á dooge ke ei Juipge lé nedi ri Nube.»

1 Nje Ke Corinthe 10:32

Maje kade i teli sei jig le tuge nja Juipge, se njé ke ei Juipge lé éké njékebe nange le Nube nga lé.

Nje Ke Galatie 5:1

Krist taa jèi ji ɓer’t inye jèi dɔ ɗarinè tede le kade jè ndii dè jéi pal kerɔte. I ndai dè nja si’t njáng m adi dé tel d’ile kule ɓer kɔbe si’t gugu lé ta.

1 Timothee 5:14

Gir’n ke nè á m’ndige kade njékei-kingege ke nain-in mande ɓai teli taai ngaw oji ngannge a, an-in go loo ke kem̂ kei le de sêw-sêw a tɔ. Titeke bè á njèban à inge’n loo kile’n rasɔl dè jéi’t lé.

Tite 2:5

Maje kade kon-dinyege ndói njé ke nain-in mande loo kunde kumkunju dè ra de’t le kade ra de unju nyang-nyang, le kade geri loo kan-in go kem̂ kei le de, le kade ei dinyege ke maje ke geri rebe kulei dè de kadi ngaw dege. Titeke bè á doo karé bè géa à ile’n rasɔl dè ta’t le Nube nga lé.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.