1 Timothee 5:8 - Nouveau Testament en Gulay 2004

⁸ Ke nè á doo karé tɔse kum’n dè njénojege’t le’n éké dè njékem̂-keige le’n kuwe mbain sêw-sêw lé ɓaa, è doo ke naje se ra’n dè kundekem̂’t le’n. E tel majelé ngain dum doo ke unde kem̂’n dè Nube’t lé ɓai.

1 Timothee 5:8 ပူးပေါင်းရင်းမြစ်များ

Matthieu 18:17

Ke nè á è mbate koo tà le dooge nè nga ɓai ɓaa, aw ede tà’n njékebenange le Nube. Ke nè á njékebenange le Nube kuwe è mbate koo tà le de ɓai ɓaa, maje kade an’n tite doo ke ger Nube lé a, ke njètaa tir karè a tɔ.

Matthieu 7:11

Sei ke njékêmyêrge gé ɓai á i geri loo kade ngann sige nyan ke maje nè a, ké Bɔ si ke ndi danrán asekum kade nyange ke maje njé ke kɔi nin nyan lé wa?

Jean 15:22

Ke nè á kété m’ree lé a, m’ede de tà lé a tɔ ɓaa, né tà kaiya à ɔr dè de’t. Nè ɗarinè, loo kede gos dè kaiya’t le de goto ta.

1 Nje Ke Corinthe 6:6

Njètaakêm-Krist karé aw sêke njètaakêm-Krist ke rang tà njègangtà ke è njétaakêm-Krist lé nga, ké è kum wa?

2 Nje Ke Corinthe 12:14

An-in! m’uwe dè nja ra’m tede kaw ɓee le si. Ke nè ɓaa, è njèkon’t ke mute ta. Nè m’a m’aw tede ndi kwɔi dè si lé kuwe ɓai-ɓai. M’sang le kinge nyan karé géa ji si’t lé. Nè danra si sei kuwe á m’aw ndoo’n. Gar-gar è tà le ngannge le kebe nyange tede tà le njékoje dege lé. Nè gar-gar è tà le njékoje ngannge le kebe nyange tede tà le ngann dege.

2 Nje Ke Corinthe 6:15

Ké Krist se sú à umi nan’t titeke bain wa? Ké njètaakêm-Krist se njètaakêm-Krist lé à ɓei nan’t titeke bain wa?

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Lookilera’n 2:13

Loo ke i ndi tutu nga, m’ger mbak, è kutu-ngar le njèkem̂yêr. Kem̂ ndɔn’t ke ndɔ ke dé tɔl’n Antipas, njèkɔrgo tà le’m ke maje kule dann si’t nga géa, ile ri’m nang lé a, i naje se rai dè kem̂i ke unde dèm’t nga lé a tɔ. Loo ke ndɔ ke dé tɔl Antipas tutu nga, njè kem̂ majelé urkei tutu bajaj.

Lookilera’n 3:8

M’ger pa njiyei mbak. An! m’teen tà rebe m’inye wei noin’t. Doo karé bè géa ase kutu tà rebe nè nga lé. Tɔgi è ndêin bè ade m’ger kuwe. Nè né è bè géa ile koje dè tà’t le’m, m i tam ede nè i ger’m lé lé.