1 Timothee 5:5 - Nouveau Testament en Gulay 2004

⁵ Ngarankum njèkei-kinge ke ndi se kar’n nga, unde kem̂’n tchên dè Nube’t. E liger lagr-lagr dè kɔje se’n tà’t a, dè ndête’n ɓɔk-ɓɔk kada a, ndɔɔ a tɔ.

1 Timothee 5:5 ပူးပေါင်းရင်းမြစ်များ

Tà ke Maje ke Luc ndang 18:1

Jésu unn gos nyan karé le tɔje’n de rebe kɔje tà se Nube dɔ-dɔ anje kade kêm de tête mann.

Tà ke Maje ke Luc ndang 18:7

Ké Nube à gang rebe tà le njé le’n ke è ɔr de unde de se ninn’n ke tooi tànn’t lêkê-lêkê kada a, ndɔ a nga lé wa? Né à ngine mbɔr géa, ké à nal ra nyan tede le de wa?

Tà ke Maje ke Luc ndang 2:37

Loo ke ngaw’n wei ɓaa, è tel taa ngaw gugu lé sár ade ɓal koje’n ase’n kɔr-sɔsɔ-gidé-sɔ. Anne ra kule ade Nube se ndɔge malang. Gir’n ke nè á è inye’n kêm kei le Nube sengel lé. E ɔge kêm’n ɓo dɔ-dɔ tede ndinge’n ndoo tà Nube’t kada a, ndɔ a tɔ.

Nyanra Njekawkulege 26:7

Girkà dooge le jéi ke dɔg-gidé-joo nga undei kêm de tchên titeke Nube à tɔl konn ndukunn le’n nè nga mbas. Gir’n ke nè á ei rai kule adi nin kada a, ndɔɔ a tɔ. Hei! ngar Agrippa, tede kundekêm tchên nè nga á Juipge à ɔdi nan sêke’m.

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 9:39

Pierre in aw se dooge ke joo nè nga nan’t. Loo ke è tee Joppé ɓá ɓaa, d’ɔr non’n d’aw se’n kêm kei ke dɔ dè made’t. Njékei-kingege malang reei an-in dè Pierre girm se non tà de’t jik-jik. Taɓai dé tɔje’n kubuge gai-gai ke Dorcas ra ade de loo ke è ndii’n kumgajer ɓai nga.

Nyanra Njekawkulege 9:41

Pierre ule ji’n ade Tabitha uwe in’n dɔ. Pierre tel ɓar njétaakêm-Kristge se njékei-kingege ule’n ji de’t kumgajer.

Nje Ke Rome 1:12

Eké le kade j’ulei dingem kêm nan’t dè kundekêm’t le jéi malang. Kundekêm le si à ra se’m a, kundekêm le’m à ra se si a tɔ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

1 Nje Ke Corinthe 7:32

Man m’ndige le kade kêm si olé bɔt-bɔt dè nyange ke dè nang nè lé. Doo ke taa dinye lé ɓai nga, kêm’n olé bɔt-bɔt dè nyange’t le Kuwe-ɓee a, è sang le taa kum Kuwe-ɓee a tɔ.

1 Nje Ke Corinthe 7:34

E doo ke kêm’n è joo. Dinye ke taa ngaw lé éké ngomande ke nal ger dingem ɓai nga, kêm’n olé bɔt-bɔt dè nyange’t le Kuwe-ɓee. E sang kade danra’n se tàgir le’n bere mbak è le Kuwe-ɓee kuwe deri. Nè dinye ke taa ngaw ɓaa, kêm’n olé bɔt-bɔt ɔje dè nyange ke dè nang nè a, è sang le taa kum ngaw’n a tɔ.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

1 Timothee 2:1

Nyan ke kété non nyange’t malang ɓaa, m’ndeje sei le kade i deji nyange Nube ɔji se’n tà i kati nin kàt-kàt, i rai nin oiyo tede dooge malang a tɔ.

1 Timothee 5:16

Ke nè á njètaakem̂-Krist karé ke dinye éké ke dingem aw se njékei-kingege dann njénojege’t le’n éké kem̂ kei le’n ɓaa, maje kade ra se de. Titeke bè á dè njékebe nange le Nube à ɔlé’n pêl tede kade rai se ngarankum njékei-kingege.

1 Timothee 5:3

Ngarankum njékei-kingege nga, ile koje dè de’t.

2 Timothee 1:3

Nube ke m’ndi m’ra kule m’ade’n titeke ndɔ ke kàmge rai se go tàgir ke unju nyang-nyang nga, m’ra’n oiyo ngain. M’ebe ra’m dè kɔje tà se Nube tede lei lé. M’ade kem̂’m olé dèi’t ndɔ a, kada a tɔ.

1 Pierre 3:5

E ke nè á ei kubu kule ra’t le dinyege ke kété mari ke tooi se ninn de a, ke undei kem̂ de tchên dè Nube’t a tɔ. Dinyege nè nga, ei kuwe in-in se kem̂ de ulei dè de adi ngaw dege.