1 Timothee 5:17 - Nouveau Testament en Gulay 2004

¹⁷ Ngatɔgege ke ɔri non njékebe nange le Nube maje nga, è soo’t kade d’ile riɓar dè de’t nja joo. Nè njé ke ulei ra de ndibe dè kule kɔrgir tà’t éké dè kule ndó dooge nyan’t kuwe mbain á ei dooge ke maje kile riɓar dè de’t nja joo.

1 Timothee 5:17 ပူးပေါင်းရင်းမြစ်များ

Matthieu 24:25

Gir’n ke nè á man m’ede’n sei tà nyange nè nga kété kade ooi.

Tà ke Maje ke Luc ndang 10:7

Kêm kei ke rara ke awi tutu nga, è kuwe i ndii tutu, usei a, an-in nyan ke d’ade sei a tɔ; tede tete ndam á tɔ karè m tete kule tɔ karè lé. Awi asi loo nák-nák tà keige’t le dooge lé.

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

Jean 4:38

Man m’ule sei kêm ndɔr ke sei ulei ra si ndibe tutu lé. Njé ke rang á ulei ra de ndibe tutu ɓita sei ubei maje’n ɓai.

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nyanra Njekawkulege 28:10

Dooge ilei riɓar dè jé’t ngain. Loo ke j’ayé kin kaw ɓaa, ei uwei se jé noje se nyange ke nal jè.

Nje Ke Rome 12:8

Ke nè á doo karé inge nyan-noje ke ɔje dè ndeje madennge ɓaa, maje kade tɔse kum’n dè ndeje madennge’t. Nanan ke inge nyan-noje ke ɔje dè kade nyan dooge ɓaa, maje kade ade se kêm’n ke karé. Nanan ke inge nyan-noje ke ɔje dè kɔr non dooge ɓaa, maje kade ra se rakɔlé. Nanan ke inge nyan-noje ke ɔje dè ra kêmkanm ɓaa, maje kade ra se ranel.

Nje Ke Rome 15:27

Njé ke Macédoine se Achaie in-in se kêm de ei kuwe rai titeke bè le kɔr’n kure le Juipge dè de’t kɔke. Kerɔte kuwe, ke nè á girkoje dooge malang d’oré nan se Juipge dè nyan ke ɔje dè Ndil nga ɓaa, gar-gar è tà le de le ra se Juipge dè nyan ke ɔje dè danra de’t tɔ.

Nje Ke Rome 16:12

Kon nann jéige Tryphène se Tryphose ke rai kule ɔri yàl-yàl tede le Kuwe-ɓee nga, i rai de lapya adi man. Kon nann’m Perside nga m’tár’n ngain. I rai nin lapya adi man. E géa, è doo ke ra kule ɔr yàl-yàl tede le Kuwe-ɓee tɔ.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 16:16

Ngakonmge, ulei dè si adi dooge ke titeke bè se njé ke uwei se de tà kule nga a tɔ.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Galatie 6:6

Doo ke ndi ndó Tà ke Maje nga, maje kade ade njèndó’n Tà ke Maje oré se’n nan dè nyan-majege’t le’n gar-gar.

Nje Ke Philippes 2:16

Uwei tà ndikumgajer nga gan-gan le kade dè’m in-in’n tchakm ndɔ tel ree le Krist. Titeke bè á ngɔde kan-in le’m se kule ke m’ra m’ɔr yàl-yàl nga à tel k’ee nyan ke kenon-non karè lé.

Nje Ke Philippes 2:29

Uwei Epaphrodite ke ra si’t tite ngokon si ke njètaakem̂-Krist bè se ranel ke deri. Dooge ke titeke bè nga, ilei riɓar dè de’t.

Nje Ke Philippes 4:3

I njèmade loo kaw le’m ke get nga géa, man m’deji le kade i ra se Evodie se Syntyche tede ei nga ndɔ ke ilei ra de kɔke se’m nan’t loo kile mber Tà ke Maje’t. Clément se njémade kulege le’m ke rang ke ri de tò kem̂ Magtub ndikumgajer’t nga géa Evodie se Syntyche rai se de loo kile mber Tà ke Maje’t tɔ.

1 Timothee 3:5

Ke nè á doo ger rebe kɔr non njékem̂keige le’n ke kinge’n maje lé ɓaa, ké à ger tɔse kum’n dè njékebe nange’t le Nube titeke bain wa?

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 5:19

Maje kade njékɔrgo tàge joo éké mute tá ilei tà dè ngatɔge’t. Ke nè á è bè lé ɓaa, i taa tà nè nga lé ɓai.

1 Timothee 5:3

Ngarankum njékei-kingege nga, ile koje dè de’t.

2 Timothee 2:6

Gar-gar njè ndɔr ule ra’n ndibe kété pa ɓita à inge ko ɓai.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

Hebreuge 13:24

I rai lapya njékɔr non sige se njétaakem̂-Kristge malang adi man. Njétaakem̂-Kristge ke kem̂ ɓeekon ke Italie rai sei lapya.

Hebreuge 13:7

Adi kem̂ si olé dè njékɔr non sige ke ndɔ ke ilei mber tà le Nube adi sei nga. Adi kem̂ si olé dè ndi kumgajer le de dè nang nè a, se dè kwei’t le de a tɔ. An-in kundekem̂ le de ke nyan-tɔje le si tɔ.