1 Timothee 5:15 - Nouveau Testament en Gulay 2004

¹⁵ Kerɔte, njékei-kingege ke nange tɔi pum go Njè sú dooge’t ɓá ta.

1 Timothee 5:15 ပူးပေါင်းရင်းမြစ်များ

Matthieu 4:10

Jésu tel ede sú ede nè: – Ɔte tam’t kɔke tede dé ndang kêm magtub’t d’ede nè: «Kuwe-ɓee Nube lei nga, i a kɔse keji nang nonn’t a, è kuwe karé bere luk-luk á i a ra ɓer le’n a tɔ.»

1 Timothee 1:20

Hyménée se Alexandre ei dann dooge’t nè nga tɔ. M’inye de ji Sú’t. Titeke bè á ndɔ ke rang à teli kilei rasɔl dè Nube’t gugu lé ta.

2 Timothee 1:15

I ger mbak titeke njé ke ndii kem̂ ɓeekon ke Asie malang turi gide de adi man. Phygèle se Hermogène ei dann njé tur gide kadi man nga tɔ.

2 Timothee 2:18

Dé nè nga d’ute ngarankum tà mbeng dé tam d’ede nè: «Kunde loo tee dann njé ke koo’t le jéi der ɓá ta.» Titeke bè á dé ndonm’n kundekem̂ dè Nube’t le njé ke nange nang ndalang-ndalang.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

2 Pierre 2:2

Dooge bule à ndolèi go nyanra pás-pàs le de. Dooge ngain à nedi nyanra si se tà tam si tede nyanrage ke pás-pàs.

2 Pierre 3:16

Kem̂kile le Nube nga, Paul tam tà’n kem̂ kem̂ magtubge’t le’n malang ke è ndang loo ger gir tur ngain. Dooge ke nyanger le de ase lé a, ke nja de uwe nang ba lé a tɔ nga, ei turi tàge nè ilei gel titeke ei rai se gute Magtubge le Nube ke rang tɔ. Dooge nè nga rai titeke bè tuji ra de ei kuwe.

1 Jean 2:19

Njé kɔse tà se Krist nga in-in dann jéi’t nè kuwe, nè kété géa ei le jéige lé. Gir’n ke nè á undei loo teei dann jéi’t kɔke. Ke nè á né ndɔ ke ei le jéi ɓaa, né à nain-in se jéi. Nè kunde ke undei loo i teei dann jéi’t kɔke nga, ade jè geri njai titeke ei le jéige ndan lé.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.