1 Timothee 5:14 - Nouveau Testament en Gulay 2004

¹⁴ Gir’n ke nè á m’ndige kade njékei-kingege ke nain-in mande ɓai teli taai ngaw oji ngannge a, an-in go loo ke kem̂ kei le de sêw-sêw a tɔ. Titeke bè á njèban à inge’n loo kile’n rasɔl dè jéi’t lé.

1 Timothee 5:14 ပူးပေါင်းရင်းမြစ်များ

Nje Ke Rome 14:13

Gir’n ke nè á adi j’ebi ra jéi gangtà dè nan’t. Nè maje kade jè giri le tel kile kage non ngakon jéige’t le kade jè gendere de kade awi tebel-tebel éké osoi dann majelé’t lé.

2 Nje Ke Corinthe 11:12

Nyan ke m’ra nè nga, m’a m’ra bè-bè kum ke kété-kété tede le kɔge’n loo njé ke ndigi kundei kàde de tite jé jè. Dé dooge nè nga, j’à j’al gir nan ɓai.

1 Timothee 2:8

M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà.

1 Timothee 4:3

Dé nè nga d’ɔge dooge taa nan a, d’ede de le kade ɔgi ra de dè nyankusege ke nange a tɔ. Nè nyankusege nè nga è Nube á unde le kade njétaakem̂-Kristge ke geri ngarankum tà usei rai nin oiyo.

1 Timothee 5:11

Nè njékei-kingege ke nain-in mande ɓai nga, i ndang ri de go njékei-kingege’t lé. Kerɔte kuwe, loo ke ngur nyange ule por kem̂ de’t ɓaa, ke loon’t nè kuwe dé ndige tur gide de kade Krist le tel taa ngaw.

1 Timothee 6:1

Dooge malang ke ndii se kule ɓer kɔbe de’t ɓai nga, maje kade ilei koje ke deri dè kuwe dege’t se kem̂nda káng. Titeke bè á doo karé bè géa à nede’n ri Nube éké nyan ke jè ndó dooge nga lé a tɔ.

Tite 2:5

Maje kade kon-dinyege ndói njé ke nain-in mande loo kunde kumkunju dè ra de’t le kade ra de unju nyang-nyang, le kade geri loo kan-in go kem̂ kei le de, le kade ei dinyege ke maje ke geri rebe kulei dè de kadi ngaw dege. Titeke bè á doo karé bè géa à ile’n rasɔl dè ta’t le Nube nga lé.

Tite 2:8

I ndó de ngarankum tà ke maje unju nyang-nyang ke doo ase mbate lé. I ra bè le kade ra njé kɔse sei tàge sɔl’n de. Titeke bè á njé kɔse sei tàge à ingei tà ke majelé karé bè ke le kilei dè jéi’t lé.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.