1 Timothee 5:10 - Nouveau Testament en Gulay 2004

¹⁰ Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

1 Timothee 5:10 ပူးပေါင်းရင်းမြစ်များ

Matthieu 25:17

Ngonn njèndi ke njèkon’t joo nga géa, aw ndogo nyan tur gir tɔ. E inge made aru joo dè’t.

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Tà ke Maje ke Luc ndang 7:38

E ree ndi nang go Jésu’t non sɔk-sɔk uwe’n nja’n. Mann kum’n ke non’n nga tɔl nja Jésu tɔbl. E tise nja Jésu se bin dè’n, taɓai è tête wubu ke ete sununn nè nga njann’t a tɔ.

Tà ke Maje ke Luc ndang 7:44

Jésu tel tur kum’n ke ra dinye’t nè nga ede nè: – Simon, ké an nyan ke dinye nè ra nga wa? M’ree kêm kei lei, nè i ade’m mann m’togo’n nja’m lé. Nè dinye nè togo nja’m se mann kum’n a, tise nja’m se bin dè’n a tɔ.

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 22:12

Dingem karé bè ndi Damas ri’n nè Ananias. E doo ke ile koje dè gute-ndu’t le Moise. Juipge malang ke ndii kêm ɓee-bò ke Damas tami tà le’n maje.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nyanra Njekawkulege 9:39

Pierre in aw se dooge ke joo nè nga nan’t. Loo ke è tee Joppé ɓá ɓaa, d’ɔr non’n d’aw se’n kêm kei ke dɔ dè made’t. Njékei-kingege malang reei an-in dè Pierre girm se non tà de’t jik-jik. Taɓai dé tɔje’n kubuge gai-gai ke Dorcas ra ade de loo ke è ndii’n kumgajer ɓai nga.

Nje Ke Rome 12:13

I rai se njétaakêm-Kristge dè nyange ke nal de. I pabri mbage par-par.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Timothee 2:10

Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw.

1 Timothee 3:2

Doo nè nga, gar-gar à è njègel goto, njè dinye karé luk-luk, njè kain yibe kade ule mbe dènn’t lé, à è njè kunde kumkunju dè rann’t, à è njè kan go ra’n sêw-sêw, à è njè ra mba, a è doo ke ase ndó nyan njé ke rang a tɔ.

1 Timothee 3:7

Gar-gar, njèkan dè njékebe nange le Nube nga, njé ke nata géa à tami tà le’n maje. Titeke bè á à ndii’n dann rasɔl’t le kade oso’n kem̂ gum’t le sú nga lé.

1 Timothee 5:16

Ke nè á njètaakem̂-Krist karé ke dinye éké ke dingem aw se njékei-kingege dann njénojege’t le’n éké kem̂ kei le’n ɓaa, maje kade ra se de. Titeke bè á dè njékebe nange le Nube à ɔlé’n pêl tede kade rai se ngarankum njékei-kingege.

1 Timothee 5:25

Kule rage ke maje nga géa tooi nata ndái-ndái tɔ. Kule rage ke majelé nga asikum ɓɔyɔi ra de sár-sár ndan lé a tɔ.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Timothee 2:21

Ke nè á doo karé an go ra’n sêw-sêw ɔje dè nyange ke m’tam tà’n nè nga ɓaa, à tò kasenan se jó ra ngar kule ke tò se ninn’n gai ke rara ke kuwe’n uwe dè nja unde konn le ra’n kule ke maje.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

2 Timothee 3:17

Titeke bè á doo le Nube à maje’n kɔr’n njêt, à uwe’n dè nja ra’n le ra’n nyange ke maje ke se ri de-ri de malang.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 10:24

Ade jé tɔsi kum jéi dè nan’t a, adi j’ɔsi gir nan dè tár nan’t a, se dè nyanra ke maje’t a tɔ.

Hebreuge 13:2

Adi kem̂ si wei nal dè ra mba’t lé. Ra mba ke titeke bè á njé ke nange uwei dooge ke danrán ke ra de’t anje kade geri.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 4:9

I rai nan mba se kem̂nda káng anje ɓar tà nyon-nyon.

3 Jean 1:12

Dooge malang ɔri go tà le Démétrius ke maje. Ngarankum tà nga kuwe géa ɔrgo tà le’n ke maje a tɔ. Nè jè géa, j’ɔrgo tà le Démétrius ke maje tɔ. I Gaius, i ger mbak titeke tà ke jè tam nga è ngarankum tà kuwe.