1 Timothee 4:8 - Nouveau Testament en Gulay 2004

⁸ Ndaje ngire ra è nyan ke maje kuwe, nè maje tede le nyange malang lé. Nè kile koje dè Nube’t ɓaa, maje tede nyange malang. Takul kile koje dè Nube’t nga, j’inge’n kunn-ndu ke ɔje dè ndikumgajer ɗarinè a, kem̂ ndɔge ke à reei ɓai a tɔ.

1 Timothee 4:8 ပူးပေါင်းရင်းမြစ်များ

Matthieu 12:32

Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 6:33

Nè i sangi Konɓee le Nube a, se nyan ke se dè naje’n ɓita Nube à ade sei gute nyange malang ke awi ndoo de.

Marc 10:30

doo nè nga à inge nyange malang ke kété inye tede tà le’m a, tede Tà ke Maje a tɔ nga, à inge made dè’t nja aru ɗarinè se kumndoo. Tá kêm ndɔnge ke à reei, à inge ndikumgajer se non ɓai.

Tà ke Maje ke Luc ndang 5:38

Nè mann nduu ke sɔl nga, umi kêm sɔlge ke kige’t gar-gar.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

1 Nje Ke Corinthe 3:22

Paul se Apollos éké Céphas ei ngann njékulege le si. Ndikumgajer éké kwei, nyange ke ɗarinè éké nyange ke à reei ɓai, nyan malang ke dè nang nè è le si.

1 Nje Ke Corinthe 8:8

E nyankuse á ade j’à taai kum Nube lé. Né j’usei nyan lé géa, j’à j’ingei nyan ke rang tutu lé a, né j’usei nyan géa, nyan ke à è soo’t ngain dum ke non goto tutu a tɔ.

1 Timothee 4:7

Nè tàge ke raikarè se sútàge le kon dinyege ke uwei made nan se kundekem̂ lé nga, ute mbeng. Ule rai bàj dè kile koje dè Nube’t.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

1 Timothee 6:6

Oiyo, loo ke kem̂ doo ra ranel dè nyan ke tò jinn’t ade kem̂’n oso nang pon ɓaa, kundekem̂ dè Nube’t è nyanbaw ke bò tede le’n kerɔte kuwe.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

Lookilera’n 3:12

Doo ke tête rɔ ɓaa, m’a m’ade à è kage ngaw gile kei ke tò se ninn’n le Nube le’m. M’a m’ade à tel kunde loo tee nata gile kei’t nè nga ndan lé. M’a m’ndang ri Nube le’m se ri ɓee-bò le Nube le’m dènn’t a tɔ. Ɓee-bò nè nga è Jérusalem ke kige ke in danrán ra Nube’t le’m. Doo ke tête rɔ ɓaa, m’a m’ndang ri’m ke kige dènn’t a tɔ.

Lookilera’n 3:21

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.