1 Timothee 4:6 - Nouveau Testament en Gulay 2004

⁶ I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

1 Timothee 4:6 ပူးပေါင်းရင်းမြစ်များ

Matthieu 13:52

Jésu ede de ede nè: – Gir’n ke nè á njèkɔrgir gute-ndu ke rara ke ndó nyange ke ɔje Konɓee ke danrán ɓaa tò asenan se kuwe-kei ke ɔr nyanbawge le’n ke kige se ke konn unde nata.

Tà ke Maje ke Luc ndang 1:3

M’nder gir nyange nè nga mari. Ɗarinè, man géa, m’an titeke maje kum ndang tà’n kunde non-in’t se gonan-gonan le kade i Théophile ke njè maje dum.

Nyanra Njekawkulege 1:15

Ndɔ karé bè, njétaakêm-Kristge kebi nan asi aru se kɔr-joo. Pierre ɔse nang in dɔ dann de’t ede de ede nè:

Nyanra Njekawkulege 20:31

Gir’n ke nè á m’ede’n sei kade i ndii kum adi kêm si olé titeke m’ndeje sei karé-karé malang kada a, ndɔɔ a, se mann non kum’t m m’ebe ra’m lé a tɔ.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nje Ke Rome 15:15

Nè né è bè géa, man m’ede sei tà kum ngonn ke dingem loo bule kêm magtub’t le’m nè. M’ra bè le kolé’n kêm si dè noje ke Nube uwe sem’t nga.

1 Nje Ke Corinthe 4:17

Gir’n ke nè á m’ule’n ngonn kotár le’m Timothée kade ra se si dè’t. E doo ke njètaakêm-Krist ke get-get á m’ule’n ra si’t. Timothée nga à olé kêm si dè pa njiye’m ke ɔje dè Krist a, se nyange ke m’ndó njékebe nange le Nube se loo malang a tɔ.

2 Nje Ke Corinthe 11:23

Ke nè á dooge nè nga ei ngann njékulege le Krist ɓaa, man géa m’ee ngonn njèkule le’n m’dum de ɓai. M’tam tà nè asenan se mbe doo bè. M’ule ra’m ndibe loo kule’t m’dum de malang. M’ra dangai ngain m’dum de malang. D’unde’m dé gang ra’m dàp-dàp dum de a, dɔ-dɔ m’ndi tà yo’t nja bule m’dum de a tɔ.

2 Nje Ke Corinthe 3:6

E kuwe tel jè ke ngann njékulege ke ɔje dè mann-ra ke kige nè nga. Mann-ra ke kige nga ndune ra’n ra gute-ndu ke dé ndang kêm magtub’t nga lé, nè ndune ra’n ra Ndil-Kêmnda’t. Gute-ndu ke dé ndang kêm magtub’t nga ade doo wei, nè Ndil-Kêmnda ade doo tel ndi kumgajer.

2 Nje Ke Corinthe 6:4

Nè se loo malang jè tɔje ra jé j’ade dooge an-in jè ke ngann njékulege le Nube. Gir’n ke nè á j’oré’n tà jé nják-nják dè nyantosowurge se dè nyan ke nal jè a, se dè nyan ke ra jè ɓel a tɔ.

Nje Ke Ephese 6:21

Sei géa, ngokon’m Tychique ke è kotár le’m à ede sei tàge malang ke ɔje dè’m kade ooi. E nga è ke maje kule le Kuwe-ɓee Jésu-Krist.

Nje Ke Philippes 2:20

Kerɔte kuwe, m’inge doo karé bè ke rang ke usu’n éké ke ade kem̂’n tò kekek dè nyange ke ɔje dè si tite’m man bè goto. Nè Timothée kuwe se kar’n bere.

Nje Ke Philippes 2:22

Sei geri mbak, Timothée nga è doo ke ndɔ ke dé nan’n dé ger hal’n ɓá. Titeke ngonn ra’n se bɔ’n bè nga, è ra se’m kule kile mber Tà ke Maje nga nan’t.

Nje Ke Philippes 3:16

Nè né è bè géa, adi jè njiyei kum jéi ke kété dè rebe ke jè njiyei tutu sár ɗarinè nga.

Nje Ke Colosses 2:19

Dé nè nga dé labe ra de parr ra Krist ke è doo dè de nga lé. Nè dè doo á è njè kade danra doo bere mbak nyan ke danra aw ndoo’n. E takul dè doo á ngire-ra doo se dè kur rannge bere mbak umi nan’t bɔk; è Nube á ade danra doo nè ra tɔge ke kété-kété.

Nje Ke Colosses 3:16

Maje kade tà le Krist urkei kem̂ si’t bàj-bàj a, ade sei kumkunju ke deri tede kade i ndóii nan nyan a, i tɔji nan nyan a tɔ. Ɔsi page i rai oiyo se ngarankem̂ si bere mbak. Ɔsi page ke Ndil á ule tà si’t i piti Nube tede kem̂-maje le’n.

Nje Ke Colosses 4:7

Nyan malang ke ɔje dè’m nga, ngokon’m Tychique ke è kótar le’m à ɔrgir maje kade ooi. Tychique nga è ngarankum njè gete’m a, è njèmade kule le’m gir Kuwe-ɓee’t a tɔ.

1 Nje Ke Thessalonique 3:2

Gir’n ke nè á jè j’ule’n ngokon jéi Timothée ra si’t. Timothée nga è njè njèkule le Nube made jé ke ile mber Tà ke Maje le Krist. Jè j’ule’n le kade ule dingem kem̂ si’t a, le kade ndeje sei a tɔ, tede kade kundekem̂ dè Nube’t le si ɓeɓere’n.

1 Timothee 1:10

Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

2 Timothee 1:6

Gir’n ke nè á m’olé’n kem̂i le kade i tel ule por gir nyan-noje ke Nube adi loo ke ndɔ ke m’ile’n ji’m dèi’t nga.

2 Timothee 3:10

Nè i ɓaa, i unn go nyan ndó le’m, pa njiye’m, nyan ke m’ɔje le ra, kundekem̂ le’m, kilekem̂ le’m, tár le’m, se korè tà njak le’m nga têr-têr.

2 Timothee 4:3

Timothée, oo maje, ndɔ ke dooge à taai ngarankum tà ke maje lé à ree non. Se go ngur nyange ke kem̂ de dé’t kuwe, d’ade kebe njéndó de nyange ke dè de’t-dè de’t le kade ndói de nyange ke mbi de ndon de sɔk-sɔk le koo.

Tite 2:1

Nè né è bè géa, i ɓaa, i ndó de nyan ke uwe made nan se ngarankum nyan-ndó ke maje nè nga.

1 Pierre 2:2

Adi ngur tà le Nube ra sei pênn-pênn titeke ngur kil kum kate mba ra’n ngann kidege bè tɔ. Takul mba á sei a rai tɔge ke kété-kété dè kaje’t.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.

Jude 1:5

Sei geri nyange nè nga malang ɓá kuwe. Nè né è bè géa, m’ndige kolé kem̂ si dè tà’t nè: Ndɔ ke Kuwe-ɓee Nube ɔr kosdooge le’n kɔke kem̂ ɓeekon ke Egypte aje de nja karé ke ngang’n. Nè go’t gugu, è tuju njé kunn mbi dè tàge’t kɔke ndát-ndát.