1 Timothee 4:4 - Nouveau Testament en Gulay 2004

⁴ Nyan malang ke Nube unde nga, è nyan ke maje. Nyan karé bè ke doo à kɔr kile kɔke goto; nè è soo’t le ra’n oiyo kété ɓita kuse ɓai,

1 Timothee 4:4 ပူးပေါင်းရင်းမြစ်များ

Nyanra Njekawkulege 10:15

Ndu doo nè nga tel ede Pierre tà njèkon’t joo ede nè: – Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.

Nyanra Njekawkulege 15:29

Maje kade ɔgi ra si dè dange ke dé tɔl dé gugu’n magege se dè mese dange’t a, se dè nyange ke d’uje de ke mese d’ade magege a, se dè dange ke dé mbir kɔbe de a, se dè tò se nan ke kaiya’t a tɔ. Ke nè á an-in go ra si sêw-sêw dè nyange’t nè ɓaa, sei i rai nyanra ke maje. I ndii lapya ta.»

Nyanra Njekawkulege 21:25

Njétaakêm-Kristge ke ei Juipge lé nga, è soo’t le kade jè ndangi magtub jè ndeji de le kade ɔgi ra de dè dange ke dé polé’n mage, se dè mese’t a, dè dange ke mbir kɔbe a, se dè tò se nan ke kaiya’t a tɔ.

Nje Ke Rome 14:14

Kuwe-ɓee Jésu ndó’m ade m’ger kêm’t maje titeke nyan karé bè géa mine se dè ra’n lé. Ke nè á doo karé gir kêmn’t titeke nyan karé mine ɓaa, mine tede le’n è kuwe.

Nje Ke Rome 14:20

I dookunde le Nube nga, an! tá nè à tuju ɔje dè nyankuse ke kêmi’t karè. Kerɔte kuwe, nyankusege malang maje kum kuse, nè ke nè á nyankuse ke kêmi’t à ade ngokoin à ra majelé ɓaa, maje lé.

Nje Ke Rome 14:6

Doo ke ɔr ndɔ karé ke ndɔ ke bò dum madege nga, è ra tede ɗɔi’n Kuwe-ɓee. Doo ke use nyan malang nga géa ra tede le ɗɔi’n Kuwe-ɓee a tɔ, tede è kuwe géa ra Nube oiyo dè nyankusenn’t tɔ.

1 Nje Ke Corinthe 10:23

Njé ke nange dann si’t tami edi nè: «D’inye loo d’ade’m le kade m’ra nyan malang.» Oiyo è bè kuwe, nè né è bè géa, nyan malang nga ra’n tuwe sei ɗêw lé. «D’inye loo d’ade’m kade m’ra nyan malang», nè nyan malang à ade njétaakêm-Kristge à tɔgi dè kundekêm’t le de lé.

1 Nje Ke Corinthe 10:25

Nyan malang ke d’ige’n kaskoo nga, usei anje deje gir se go tàgir ke kêm si’t.

1 Nje Ke Corinthe 10:26

Oiyo, nang nè se nyan malang ke tò tutu nga, è le Kuwe-ɓee.

1 Nje Ke Corinthe 10:30

Ke nè á, m’ra Nube oiyo dè nyankuse’t ɓaa, ké tede ri á d’a tam tede’m ɔje dè nyan ke m’ra oiyo dè’t nga ɓai wa?»

1 Timothee 4:3

Dé nè nga d’ɔge dooge taa nan a, d’ede de le kade ɔgi ra de dè nyankusege ke nange a tɔ. Nè nyankusege nè nga è Nube á unde le kade njétaakem̂-Kristge ke geri ngarankum tà usei rai nin oiyo.