1 Timothee 4:3 - Nouveau Testament en Gulay 2004

³ Dé nè nga d’ɔge dooge taa nan a, d’ede de le kade ɔgi ra de dè nyankusege ke nange a tɔ. Nè nyankusege nè nga è Nube á unde le kade njétaakem̂-Kristge ke geri ngarankum tà usei rai nin oiyo.

1 Timothee 4:3 ပူးပေါင်းရင်းမြစ်များ

Matthieu 14:19

Taɓai è unn ndu’n ade kosdoo-bulege ade têti ra de ndii nang dè walè’t. E oto mapage ke mi se tutu kanjege ke joo nè nga, an loo ke danrán ra Nube oiyo. Go’t gugu è tête mapa nè nga danné ade njékuwe-girnge, taɓai in-in ke kété noboi kosdoo-bulege tɔ.

Matthieu 15:11

Nyan ke in nata aw kêm doo’t á tel’n ke doo ke mine lé, nè nyan ke in kêm doo’t tee tànn’t á ke nyan ke ade doo tel mine’n.

Matthieu 15:36

E unn mapa ke ji sejimute se kanjege nè nga, ra Nube oiyo ɓita uwe tête danné ade njékuwe-girnge. Njékuwe-girnge in-in ke kété adi doobulege.

Tà ke Maje ke Luc ndang 24:30

Loo ke è ndi se de tà nyankuse’t ɓaa, è unn mapa karé ra Nube oiyo pa ɓita uwe tête danné ade de ɓai.

Jean 6:23

Nè né è bè géa, ngann batoge ke rang in-in kêm ɓee-bò ke Tibériade reei. Dé ree ngɔr kɔte loo ke tagela Jésu ra’n Nube oiyo pa ɓita ade dooge mapa usei ɓai nga.

Nyanra Njekawkulege 27:35

Loo ke Paul tam tàge nè nga titeke bè ɓá ɓaa, è unn mapa uwe jinn’t. E ra Nube oiyo tàkum de’t malang ɓita è tête danné unn gir kuse.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 14:3

Doo ke asekum kuse nyan malang nga, maje kade gangtà dè doo ke njèkuse mbi targe karè nga lé. Doo ke use mbi targe karè nga, maje kade gangtà dè è ke use nyan malang’t nga lé tɔ, tede Nube uwe’n ke rann’t tɔ.

Nje Ke Rome 14:6

Doo ke ɔr ndɔ karé ke ndɔ ke bò dum madege nga, è ra tede ɗɔi’n Kuwe-ɓee. Doo ke use nyan malang nga géa ra tede le ɗɔi’n Kuwe-ɓee a tɔ, tede è kuwe géa ra Nube oiyo dè nyankusenn’t tɔ.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

1 Nje Ke Corinthe 7:28

Nè né è bè géa, ke nè á i taa dinye ɓaa, è majelé á i ra lé. I ngomande ke nal ger dingem ɓai nga, ke nè á i taa ngaw ɓaa, è majelé á i ra lé tɔ. Nè njé ke taai nan nga à ingei nyantosowur se ndɔge malang. Gir’n ke nè á m’ndige le kute’n nyantosowurge nè nga dè si’t kɔke.

1 Nje Ke Corinthe 8:8

E nyankuse á ade j’à taai kum Nube lé. Né j’usei nyan lé géa, j’à j’ingei nyan ke rang tutu lé a, né j’usei nyan géa, nyan ke à è soo’t ngain dum ke non goto tutu a tɔ.

Nje Ke Colosses 2:16

Gir’n ke nè á, maje kade doo karé ile tà dè si’t ɔje dè nyankuse éké nyankain éké dè ra nan’t éké ɔje dè nan ke tee kige éké ɔje dè ndɔ taa kebege lé a tɔ.

Nje Ke Colosses 3:17

Nyan ke rara ke a i rai, né è tà tam si éké nyanra si géa, i rai se ri Kuwe-ɓee Jésu. I rai Bɔ jéi Nube oiyo se takul’n è Krist.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

1 Timothee 4:4

Nyan malang ke Nube unde nga, è nyan ke maje. Nyan karé bè ke doo à kɔr kile kɔke goto; nè è soo’t le ra’n oiyo kété ɓita kuse ɓai,

1 Timothee 5:14

Gir’n ke nè á m’ndige kade njékei-kingege ke nain-in mande ɓai teli taai ngaw oji ngannge a, an-in go loo ke kem̂ kei le de sêw-sêw a tɔ. Titeke bè á njèban à inge’n loo kile’n rasɔl dè jéi’t lé.

Hebreuge 13:4

Maje kade dooge malang ilei koje dè taa nan’t. Maje kade dingem se dinye adi taa nan le de unju nyang-nyang. Kerɔte kuwe, Nube à gangtà dè dooge ke njé tò se nan ke kaiya’t a, à gangtà dè njé tò se dinye le dooge a tɔ.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.