1 Timothee 4:16 - Nouveau Testament en Gulay 2004

¹⁶ An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 4:16 ပူးပေါင်းရင်းမြစ်များ

Marc 13:9

Nè sei ɓaa, kêm si dè ra si’t ɔje dè nyange ke d’ade ra se si. D’ade tuwe sei kaw se si gangtà dè si’t a, d’ade tunde sei kêm kei kebe nange’t a tɔ. D’ade kali sei kaw se si non njékonɓeege’t se non ngar-ɓeege’t a tɔ, tede tà le’m man le kade ɔri go tà le’m adi de.

Tà ke Maje ke Luc ndang 21:34

Undei kumkunju dè ra si’t nè bainléa nyankuse éké nyankain ke ate se nyange gai-gai ke adi kêm dooge olé bɔt-bɔt à kadi ɓengre si wɔi darr, le kade ndɔ tel ree le’m man ke m’ee Ngonn doo nga ube sei nang bus lé.

Nyanra Njekawkulege 26:22

Nè Nube è der-gir’m sár tee ɓila á m’nda m’a m’ile’n mber m’ade ngann dooge a, se dooge ke tɔgi a tɔ. Nyan ke ndɔ ke njéribe-dè-tàge ke tà Nube’t se Moise tami edi nè à ree gar-gar á m’tam tà’n m m’tam tà ke gai lé.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

Nje Ke Rome 16:17

Ngakonmge, dooge ke utei nyan-ndó ke sei ndói mbeng kɔke nga, m’ra ndoo ra si’t le kade an-in de maje. Utei ra si mbeng ra de’t kɔke tede dé nga dé njé tɔse dè dooge nan’t a, dé njé kade dooge tosoi dann kaiya’t a tɔ.

Nje Ke Rome 2:7

Njé ke sangi le rai nyan ke maje se ndɔ de-ndɔ de tede le kinge’n ndubra le Nube a, riɓar a, se ndikumgajer se non a tɔ nga, Nube à ade à ndii se’n sár se non.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

1 Nje Ke Corinthe 9:22

Ke nè á m’ee se njè ke kundekêm le de ɓeɓer lé ɓaa, m’tel ra’m ke doo ke kundekêm le’n ɓeɓer lé. M’ra titeke bè tede le kinge’n njé ke kundekêm le de ɓeɓer lé kade Krist. M’tel ra’m ke gàr dooge malang dè nyange’t malang tede le kaje’n njé ke nange kade Krist.

1 Nje Ke Corinthe 9:27

Man m’ee njèkile mber kade dooge ke rang. Nè m’gudu ra’m ngire a, m’ade ra’m kage nè bainléa ndɔ ke rang d’a d’ute’m mbeng kɔke.

Nje Ke Ephese 4:14

Titeke bè á j’à teli tooi kasi nan se ngannge lé. Tede ngannge nga njé tà ke raikarège se njé libe kum dooge in-in ndói de nyange ke pás-pàs ade ndemi. Ngannge nga tooi asinan se bato ke nel ɔse’n aw se’n yo-yo, nè-nè bè.

Nje Ke Colosses 4:17

Edi Archippe edi nè: I ndi kum dè kule ke Kuwe-ɓee um jii’t le kade i ra ɔr son’n njêt.

1 Nje Ke Thessalonique 2:16

D’ɔge jè loo kile mber le kade dooge ke ei Juipge lé ingei kaje. Dé ra titeke bè d’ile’n kaiyage le de dè made’t se ndɔge malang. Nè loo tɔl tà’n ɓaa, wong le Nube oso dè de’t ɓai.

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

1 Timothee 4:15

I tɔse kumi dè nyan nè malang i rise rai nang tà’t. Titeke bè á kaw kum ke kété-kété lei à too’n nata ndái-ndái tàkum dooge’t malang.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

2 Timothee 2:10

Gir’n ke nè á m’oré’n tà’m njak dè nyange malang ke tee dèm’t tede le njé ke Nube tɔr de. M’ra titeke bè tede kade dé géa d’inge’n kaje le Jésu-Krist a, se ndubra ke se non a tɔ.

2 Timothee 3:14

Timothée, i ɓaa, i liger lagr-lagr dè nyange ke ndɔ ke i ndó a, um kem̂i dè’t bɔk-bɔk. Dooge ke ndɔ ke ndói nin nyange nè nga, i ger de mbak.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Tite 1:9

Njèkan dè njé kebe nange le Nube nga, gar-gar à è doo ke njè nda njáng dè ngarankum tà ke uwe made nan se nyan-ndó ke maje ke ndɔ ke dé ndó’n. Titeke bè á è à kasekum kin’n se njé kɔse tà tànn’t mbeng-ge dè tà’t a tɔ.

Tite 2:15

E ke nè á è tàge ke kum kade i ndeje’n de a, in’n se de i ndáng’n de se tɔgmong ke Nube adi deri dè tàge ke se go rebe’n lé. Tite, an tá nè à kade doo karé nedi.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Philemon 1:19

Man Paul kuwe m’ndang magtub nè se jii’m m’unn’n ndu’m madi titeke m’a m’ugei kure ke tò dènn’t. M’a m’aw ndoo kedi titeke kure le’m tò dèi i’t kuwe tɔ lé ta.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Hebreuge 13:9

Inyei loo adi njéndó dooge nyan ke se ri de-ri de ke rang libi kum si lé. Nyan ke soo’t ɓaa, è noje ke Nube uwe se jéi á ule dingem kem̂ jéi’t m è ndukunnge ke ɔje dè nyankusege lé. Nè dooge ke ilei koje dè ndukunnge ke ɔje dè nyankuse nè nga, nyan karé ke è soo de’t tutu goto sár.

Jacques 5:20

Maje kade i geri titeke njè tel se njè ra majelé kile’n rebe ke maje’t nga, taa ngarankum ra’n tà yo’t a, utu kum majelége le’n bule a tɔ.