1 Timothee 4:15 - Nouveau Testament en Gulay 2004

¹⁵ I tɔse kumi dè nyan nè malang i rise rai nang tà’t. Titeke bè á kaw kum ke kété-kété lei à too’n nata ndái-ndái tàkum dooge’t malang.

1 Timothee 4:15 ပူးပေါင်းရင်းမြစ်များ

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

1 Nje Ke Corinthe 16:15

Ngakonmge, sei geri tite Stéphanas se njékêmkei le’n, ei kuwe ei njétaakêm-Kristge ke desêin kêm ɓeekon ke Achaie bere mbak. Taɓai, sei geri mbak titeke ulei ra de bàj dann kule ke ɔje dè ra se njétaakêm-Kristge.

2 Nje Ke Corinthe 4:14

Oiyo, jè ger titeke Nube ade Kuwe-ɓee Jésu unde loo tee dann njé ke koo’t. Jè géa, ndɔ ke rang à ade j’à j’unde loo le tee dann njé ke koo’t se Jésu nan’t. E kuwe à ade jè se si j’à j’ali garang ndai nonn’t.

2 Nje Ke Corinthe 8:5

Dé ra nyan-noje nè nga d’ade al dè è ke j’ɔje kêm jé’t kété. D’unn ra de dé kuwe d’ade Nube kété pa ɓita d’ade jè ɓai se go kêmndige le Nube.

1 Timothee 4:14

Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.