1 Timothee 4:13 - Nouveau Testament en Gulay 2004

¹³ I tɔse kumi dè tute magtub ke tò se ninn’n kade njétaakem̂-Kristge a, i ndeje de a, i ndó de nyan a tɔ. I ra titeke bè sár kade m’ree m’ingei dè’t.

1 Timothee 4:13 ပူးပေါင်းရင်းမြစ်များ

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 6:4

Nè jè ɓaa, j’à j’aw kum jé ke kété de kɔje tà se Nube’t a, se dè kile mber tà’t le Nube a tɔ.

Nje Ke Rome 12:8

Ke nè á doo karé inge nyan-noje ke ɔje dè ndeje madennge ɓaa, maje kade tɔse kum’n dè ndeje madennge’t. Nanan ke inge nyan-noje ke ɔje dè kade nyan dooge ɓaa, maje kade ade se kêm’n ke karé. Nanan ke inge nyan-noje ke ɔje dè kɔr non dooge ɓaa, maje kade ra se rakɔlé. Nanan ke inge nyan-noje ke ɔje dè ra kêmkanm ɓaa, maje kade ra se ranel.

1 Nje Ke Corinthe 14:26

A ɓaa, ngakonmge, ké tà ri á m’a tam ɓai wa? Loo ke sei i kebi nan ɓaa, maje kade doo karé dann si’t ɔse pa, doo karé à ndó nyan dooge éké doo karé ke rang à ribe dè tà ke tò loo ɓɔyɔn’t a, doo ke rang à tam tà tam dooge ke rang gai-gai éké doo karé ke rang à tel gir tà ke dé tam nè nga tɔ. Nè maje kade nyange nè malang awi se gonan-gonan tede kade kundekêm le dooge ra’n tɔge ke kété-kété tá.

1 Nje Ke Corinthe 14:3

Nè doo ke ribe dè tà ke tà Nube’t nga ede dooge tà ade tɔge de in’n dè made’t a, gɔl’n kêm de a, se ule’n dingem kêm de’t a tɔ.

1 Nje Ke Corinthe 14:6

Ngakonmge, ke nè á m’aw ra si’t á m’tam tà tam dooge ke rang gai-gai ke sei geri lé; ke nè á tà ke m’tam nga tee se dè tà ke tò loo ɓɔyɔn’t éké tee se dè nyanger éké ribe dè tà ke tà Nube’t éké ndó sei nyan lé ɓaa, ké ri á è nyan ke tò soo’t ke m’ra m’ade sei wa?

1 Timothee 4:16

An go rai sêw-sêw a, unde kumkunju dè rai’t ɔje dè nyan ke i ndi a i ndó dooge. Ke nè á i nda njáng dè nyange’t nè ɓaa, i kuwe a aje’n rai a, a aje’n njé ke i ndi a i ndó de nyan nga a tɔ.

1 Timothee 4:6

I tee se nyange nè i ndó njétaakem̂-Kristge ɓaa a i ngonn njèndi ke maje le Jésu-Krist kuwe. Titeke bè á d’a d’an-in ke doo ul ra’n se tàge ke ɔje dè kundekem̂ dè Nube’t. Taɓai d’a d’an-in ke doo ke unn go nyan-ndó ke maje nga nè nga têr-têr.

2 Timothee 3:15

Magtubge ke tooi se ninn de nga, i ger de se ngonni ndêin bè mari. Magtubge nè asikum kadi nin kumkunju kade inge’n kaje takul kem̂i ke unde dè Jésu-Krist’t.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Tite 2:15

E ke nè á è tàge ke kum kade i ndeje’n de a, in’n se de i ndáng’n de se tɔgmong ke Nube adi deri dè tàge ke se go rebe’n lé. Tite, an tá nè à kade doo karé nedi.