1 Timothee 3:16 - Nouveau Testament en Gulay 2004

¹⁶ Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

1 Timothee 3:16 ပူးပေါင်းရင်းမြစ်များ

Matthieu 1:23

«An! ngomande ke nal ger dingem ɓai a ndann ngonn, a oje ngonn ke dingem, d’a d’ile ri’n nè Emmanuel.» Tel se tà koje jéi ɓaa, è «Nube nain se jéi».

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Matthieu 28:2

An! ke loon’t nè kuwe nang yei ɓuk-ɓuk. Kuwe-ɓee ule doo le’n ade in danrán ree ndubri her ke bòi ke d’utu’n tà be ɓade nè nga ile rang al ndi dè’t.

Matthieu 3:16

Loo ke Jean ule Jésu manné njonm ɓá ɓaa, Jésu unde loo tee nata. An! ke loon’t nè kuwe, kum danran teen halal ade an ndil Nube rise ndi dènn’t tite der-nda bè.

Matthieu 4:11

Sú ɔr ra’n ra Jésu’t kɔke ɔte aw. An! ke loon’t nè kuwe, dooge ke danran reei rann’t rai nyan adi nin.

Marc 1:13

E ra ndɔ kɔr-sɔ kêm dile’t, Sú ree rann’t ule kêm’n. E ra ɓee se dange ke walé, nè dooge ke danrán rai se’n dè nyan ke aw ndoo’n.

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Marc 16:5

Taɓai loo ke d’aw kêm bolè mbal ke dé son ɓaa, d’an ngonn basa karé. E ndi nang se ke dè jikon, è ule kubu ke ngal ke nda káng-káng rann’t. Loo ke d’an’n bè ɓaa, tà ige de sêl ade ndil de tee an-in soin-soin.

Tà ke Maje ke Luc ndang 2:32

Njèkaje dooge nga, è lookar le kade dooge malang ke dè nang nè dé geri a, à è riɓar le kosdooge ke ei ngannkà Israel a tɔ.

Tà ke Maje ke Luc ndang 20:44

Ngar David géa ɓar Messie ke Kuwe-ɓee le’n. A ɓaa ké Kuwe-ɓee le ngar David asekum tel k’ee ngonnkà’n titeke bain taɓai wa?

Tà ke Maje ke Luc ndang 22:43

Ke loon’t nè kuwe doo ke danrán tee hɔi ke rann’t ule dingem kêmn’t.

Tà ke Maje ke Luc ndang 24:4

Dé tel dé nda giw ɓaa, an! ke loon’t nè kuwe doo ke danránge joo ke Nube ule de undei loo teei hɔi ra de’t se kubuge ke ndoin kein-kein.

Tà ke Maje ke Luc ndang 24:51

Loo ke è nda à tɔr ndu’n dè de’t bè ɓai ɓaa, ke loon’t nè kuwe è ɔr ra’n ra de’t ade d’unn’n d’aw se’n danrán.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 13:3

Jésu ger titeke Bɔ’n um nyange malang jinn’t. E ger titeke in ra Bɔ’n Nube’t a, à tel kaw rann’t gugu a tɔ.

Jean 15:26

Ndil-Kêmnda le ngarankum tà ke à in ra Bɔm’t nga, à è njè ra se si. Loo ke m’a m’ule’n kade ree ɓaa, è kuwe à è njèkɔrgo tà le’m.

Jean 16:28

Man m’in ra Bɔm’t nú á m’ree dè nang nè. Ɗarinè man m’inye nang nè le tel kaw ra Bɔm’t gugu.

Jean 17:5

Bɔ’m, riɓar ke m’inge rai’t nú kété ɓita unde nang nè ɓai nga, i tel ile dèm’t ɗarinè ta.

Jean 20:12

E an dooge ke danrán joo tulei kubu ke nda káng-káng ndii nang loo ke kété d’unde’n ninn Jésu tutu a, è ke karé ndi loo ke kété dè Jésu sɔbe tutu a, è ke karé ke rang ndi loo ke kété nja Jésu sɔbe tutu a tɔ.

Jean 6:62

Ke nè á ndɔn’t a an-in Ngonn doo loo tel kaw loo ndii’n ke kété in tutu ree nga ɓaa, ké a i tami kedi nè ri ta wa?

Nyanra Njekawkulege 1:19

Tà nè nga oso mbi dooge’t malang ke ndii kêm ɓee-bò ke Jérusalem. Gir’n ke nè á dé ɓar loo-ndɔr nè nga se tà koje de ke le de d’ede nè: «Hakeldama», tel se tà koje jéi ɓaa «è dè nang mese».

Nyanra Njekawkulege 10:34

Pierre tel unn tà tam ede nè: – Kerɔte kuwe, ɗarinè m’ger titeke Nube è njè ndête kum doo karé lé.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

Nje Ke Rome 16:26

Nè ɗarinè, Tà ke Maje nè nga kile ra’n ke nata. Titeke bè á dooge malang ke ei Juipge lé asikum ger Tà ke Maje le Krist takul magtubge ke njéribe-dè-tàge ke tà Nube’t ndangi. Nube ke Njèndi se non unn ndukunn nè nga titeke bè le kade dooge malang undei kêm de dènn’t a, ilei koje dènn’t a tɔ.

Nje Ke Rome 3:4

Ke nè á dooge malang ei njé lanmge géa, Nube è njè tam ngarankum tà. Magtub ke tò se ninn’n tam tà ɔje’n dè Nube ede nè: «Maje kade d’an tà tamige ke tà ke se dè naje’n a, loo ke d’ade gangtà dèi’t ɓaa, maje kade uwe de se tà a tɔ.»

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

Nje Ke Rome 9:5

Juipge nga ei girkà le dooge le Nube ke ri de ɓar ngain. Krist ke è Nube ke on ɓee dè nyange’t malang nga géa d’oje’n girkà le de dé nè nga tɔ. Maje kade dè Krist mong káng-káng sár se non! Maje kade è titeke bè kuwe.

1 Nje Ke Corinthe 15:47

Adam doo ke desêin nga, è nduju nang á Nube ube. Nè Adam ke njèkon’t joo nga in danrán.

1 Nje Ke Corinthe 2:7

Kumkunju le Nube ke kété tò loo ɓɔyɔn’t á m’ile mber’n m’ade sei. Kumkunju nè nga Nube uwe dè nja unde konn tede riɓar le jéi kété mari ɓita unde nang nè ɓai.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

Nje Ke Galatie 2:8

Nube ke njè tel Pierre ke njèkawkule le Juipge nga kuwe á tel’m ke njèkawkule le dooge ke ei Juipge lé tɔ.

Nje Ke Galatie 4:4

Nè loo ke dè kurloo ke Nube ɔje ase deĵ ɓá ɓaa, Nube ule Ngonn’n. Ngonn’n nga dinye á oje’n a, ndi gir gute-ndu’t a tɔ.

Nje Ke Ephese 1:9

Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 6:19

Man géa, ɔji tà se Nube ngain tede’m tɔ. I rai titeke bè tede kade Nube ule tà tàm’t ade m’ile’n mber Tà ke Maje ke tò loo ɓɔyɔn’t nga se kem̂nda káng.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:27

Njé ke ei le Nube ke tooi se ninn de nga, Nube ndige kade kum de gang dè nyanbaw le’n ke maje ngain ke tò loo ɓɔyɔn’t tede le dooge ke ei Juipge lé. Nyanbaw le’n ke maje ngain ke tò loo ɓɔyɔn’t nga, è Krist ke ndi kem̂ si’t. Takul è kuwe karé luk-luk á ndɔn’t a ingei ndubra le Nube.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

Nje Ke Colosses 2:2

Man m’ndige kade ɓengre de oso nang pon a, le kade umi nan’t bɔk dè tár nan’t a tɔ. M’ndige kade kumkunju se gos ter nyan ke deri taa ra si pel-pel. Titeke bè á a i geri nyanbaw le Nube ke tò loo ɓɔyɔn’t nga. Nyanbaw le’n ke tò loo ɓɔyɔn’t nè nga è Krist.

2 Nje Ke Thessalonique 1:10

Kuwe-ɓee Jésu à tel ree le kade njé ke le’n ilei riɓar dènn’t a, le kade njétaakem̂nge malang à an-in nin njai-njai kem̂ ndɔn’t nè nga. Sei géa a k’ei dann de’t tede umi kem̂ si dè tà’t ke ndɔ ke j’ede sei.

2 Nje Ke Thessalonique 2:7

Tɔgmong le njèkem̂yêr nè nga unn gir ra kule ɓá. Tɔgmong nè nga tò loo ɓɔyɔn’t ɓai. Loo ke njè kile’n kage ɗarinè à goto ɓá ɓaa, è à unde loo le tee ra kule le’n ta.

1 Timothee 3:9

Nyan-ndó ke ɔje dè kundekem̂ ke tò loo ɓɔyɔn’t nga, maje kade an-in dè sêw-sêw se tàgir ke unju nyang-nyang ke kem̂ de’t.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 12:2

Jésu è njèkunde gir kundekem̂ le jéi a, è njè kade kundekem̂ le jéi maje ɔr njêt a tɔ. Ade j’oréi kum jéi dènn’t sêw-sêw se ndɔge malang. Jésu inye ra’n ade dé tɔl kade kage-ke-dese’t anje kan rasɔl’n ke nyan. Kerɔte kuwe, Jésu oré kum’n dè nyan ranel ke tò nonn’t kété ɓaa, ɗarinè è ndi dè jikon kutu-ngar’t le Nube ta.

Hebreuge 7:7

Kerɔte kuwe, loo n’aje’n goto. Doo ke tɔr ndu’n de madenn’t nga, è doo ke bòi dum dè made’n nè nga kuwe.

Hebreuge 8:1

Maw tàge malang ke jè ndige le kede sei nga á nè: J’awi se maw njèkuje nyan-mese ke bò. E ndi danrán kɔte kutu-ngar’t le Nube ke njè dum dè nyange malang.

1 Pierre 1:12

Nyange ke njéribe-dè-tàge ke tà Nube’t ribei dè kété nga, Nube tee se gir ade geri titeke nyange ke è ade dé ribe dè nga ɔje dè de lé, nè ɔje dè si sei. Nyange ke njéribe-dè-tàge ke tà Nube’t ribei dè kété mari nga, ɗarinè njékile mber Tà ke Majege ilei mber’n adi sei se go Ndil-Kem̂nda ke d’ule’n danrán d’ade de. Dooge ke danrán kuwe géa, ngur ter nyange nè nga ra de pênn-pênn.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Pierre 3:22

Krist nga in aw ndi dè jikon Nube’t dɔ danrán. Dooge ke danrán se njékonɓeege a, se njé tɔgmong-ge malang a tɔ, ulei dè de adi nin.

1 Jean 1:2

Ndikumgajer ke ndɔ ke unde loo tee nga, jè j’an’n se kum jé kuwe. Gir’n ke nè á jè j’ɔr’n go tà le’n a, j’ile mber tà le’n j’ade sei a tɔ. Ndikumgajer ke se non nè nga ndi ra Bɔ jéi’t kété mari ɓita ade unde loo tee pan ke kum jé’t ɓai.

1 Jean 3:5

Sei geri mbak titeke Krist unde loo tee tede kɔr majelé kum kɔke. Nè è nga majelé karé bè géa goto rann’t.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Lookilera’n 17:5

Dé ndang ri ke tò loo ɓɔyɔn’t nat-non dinye’t nè nga d’ede nè: «Ɓee-bò ke Babylone, è ke njèkunde gir tò se nan ke kaiya’t a, kunde gir nyange ke yêr dè nang nè a tɔ.»

Lookilera’n 17:7

Doo ke danrán ede’m ede nè: «Ké bain á ade ndili tee an-in soin-soin bè wa? M’a m’ɔrgir nyan ke tò loo ɓɔyɔn’t ɔje dè dinye se dan ke unn’n gidenn’t nga, kade oo. Dan nè nga dènnge ei ji sejimute a, gajennge ei dɔg a tɔ.»

Lookilera’n 7:9

Go nyange nè nga, m’an loo gerer ɓaa, m’an kosdooge ke se dè ɓee-ɓee bulei ɗik-ɗik ade doo asekum mbɔje de lé ndai girm. Dooge nè nga in-in dann girkoje dooge ke se dè ɓee-ɓee a, se dann girkoje le dooge malang ke dè dè nang nè ke tà tam de è gai-gai a, se kosdooge malang a tɔ. Dooge nè nga tulei kubuge ke nda ke bòi ɔr gide nja de nang ndêt-ndêt. Taɓai uwei mbi mar ji de’t ndai se nja de dɔ non kutu-ngar’t se non Ngonn bate’t.