1 Timothee 3:13 - Nouveau Testament en Gulay 2004

¹³ Kerɔte kuwe, njékan dè nyange le njékebe nange le Nube ke rai kule le de maje ɓaa à ingei riɓar a, à ingei loo tam tà se kem̂nda káng ke deri ɔje dè kundekem̂ ke j’awi takul kum ke j’umi nan’t bɔk se Jésu-Krist.

1 Timothee 3:13 ပူးပေါင်းရင်းမြစ်များ

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Tà ke Maje ke Luc ndang 19:17

E tel ile ngonn njèndi nè dè’t ede nè: «Oiyo, i ngonn njèndi ke kanm, i tɔse kumi dè nyan ke ndêin bè ke m’um jii’t. Gir’n ke nè á m’a m’undei ngar le ɓeege dɔg.»

Nyanra Njekawkulege 21:35

Loo ke Paul ree tee dè ɗinger loo ke tà kei’t ɓaa, njérɔge unni nin dɔ tede doobulege awi se’n kaber-kaber le tɔl’n.

Nyanra Njekawkulege 6:15

Kum njégangtàge malang è dè Etienne’t sikm. D’an tàkum’n tò tite tàkum doo ke danrán bè.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

1 Nje Ke Corinthe 16:15

Ngakonmge, sei geri tite Stéphanas se njékêmkei le’n, ei kuwe ei njétaakêm-Kristge ke desêin kêm ɓeekon ke Achaie bere mbak. Taɓai, sei geri mbak titeke ulei ra de bàj dann kule ke ɔje dè ra se njétaakêm-Kristge.

Nje Ke Philippes 1:14

Sulge ke m’ndii’n jim’t nga ule dingem kem̂ njétaakem̂-Kristge ke nange ade ilei mber Tà le Nube se kem̂nda anje ɓel nyan karé.

1 Nje Ke Thessalonique 2:2

Sei geri titeke ndɔ ke nyankem̂kon se taje ndu ase jè nák-nák kem̂ ɓee-bò ke Philippes. Nè né è bè géa, Nube ade j’oré tà jè njak j’ile’n mber Tà ke Maje le’n j’ade sei dann nyange gai-gai ke rɔi se jé.

1 Timothee 3:14

M’ndang tà nyange nè m’adi tede m’unde kem̂’m tchên le kaw kingei nú ngɔr.

2 Timothee 2:1

Ngonn’m, i ɓaa, uwe rai mong dè kem̂noje ke in ra Jésu-Krist’t nga.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.