Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Timothee 2:8 - Nouveau Testament en Gulay 2004

8 M’lanm lé; è Nube kuwe ɔr’m unde’m ke njèkile mber le’n. Man m’ndige le kade dingemge ɔyi ji de ke unju nyang-nyang ke danrán ɔji tà se Nube se loo malang se kem̂nda káng anje ra wong se naje tà.

အခန်းကိုကြည့်ပါ။ ကော်ပီ




1 Timothee 2:8
48 ပူးပေါင်းရင်းမြစ်များ  

Jésu tel ile de dè’t ede nè: – Kerɔte kuwe, man m’ede sei ndàt, ke nè á awi se kundekêm ke get á i naji se ra si dè’t lé ɓaa, a i rai nyan ke m’ra se kage koté nè nga á go karé bere lé, nè ke nè á edi mbal nè edi nè: «Ɔr rai loo ke nè’t i kile oso dann ba’t nú» ɓaa, mbal nè nga à ra titeke bè kuwe tɔ.


Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.


Maje kade ade kêmi tin mbit dè kure majelége’t le jé titeke jè géa j’ade kêm jé tin mbit dè kure majelé ke made jége rai se jé.


Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.


Go’t gugu Jésu ɔr de aw se de kum’n ke ɓee ke Béthanie. Loon’t nè, è ɔi ji’n ke dɔ tɔr ndu’n dè de’t.


Jésu tel ile dinye nè dè’t ede nè: – Dinye, um kêmi dè tà’t le’m, kàde’n ree kade awi dè mbal’t nè éké Jérusalem tá a kɔji tà se Nube tutu lé.


Corneille se njékêmkeige le’n malang ilei koje dè Nube’t a, ɓeli Ndil’n a tɔ. E uwe noje se kosdooge malang se ndɔ’n-ndɔ’n. E ɔje tà se Nube se ndɔ karé-karé.


«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.


Corneille an doo ke danrán kàt-kàt, ɓel unde’n ndàt gang’n ade deje’n ede nè: – Kuwe-ɓee, è ri wa? Doo ke danran ile Corneille dè’t ede nè: – Kɔje tàge se noje-kuwege lei nga awi teei ra Nube’t. Gir’n ke nè á kêm’n olé’n dèi’t ɓila.


Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.


E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.


jè ndang magtub nè j’ade njékebe nange le Nube ke ndii kêm ɓee-bò ke Corinthe. Jè ndang magtub nè nga j’ade sei ke i tooi se ninn si takul kum ke umi nan’t bɔk se Jésu-Krist. Sei nga Nube ɓar sei kade sei dooge le’n ke i tooi se ninn si. Magtub nè nga, jè ndang j’ade dooge malang se kêm ɓee-ɓee ke ɓari ri Kuwe-ɓee le jéi Jésu-Krist. Jésu-Krist nga è Kuwe-ɓee le de a, le jéi jèi a tɔ.


Man ɓaa, m’ndige kade dooge malang kuwe ndii suwe tite man bè. Nè nanan géa Nube ade’n nyan-noje ke ɔje dè’n-dè’n. Gir’n ke nè á, doo karé inge’n nyan-noje ke ɔje dè ndi suwe a, doo karé ke rang inge nyan-noje ke ɔje dè taa dinye a tɔ.


Nube ke njè kade j’unn banga se ndɔge malang takul kum ke j’um nan’t bɔk se Krist nga, m’ra’n oiyo ngain. Nube ade j’aw j’ile mber Tà ke Maje se loo malang j’ade dooge geri gel Krist. Gel’n ke dé ger nga tò asenan se wubu ke ɓusu’n ete maje taa loo pel-pel.


Ngakonmge, m’ndige le kade i geri titeke nyan ke tee dèm’t nga ade Tà ke Maje aw kum’n ke kété-kété m nda nang lé.


Kerɔte kuwe, Tà ke Maje le Kuwe-ɓee in ra si’t aw tee kem̂ ɓeekonge ke Macédoine se Achaie. Tá è è ke nè á karé lé, nè kɔbe kundekem̂ dè Nube’t le si nga oso se loo mbit-mbit ade j’aw ndoo kɔr ser’n lé ta.


Gir’n ke nè á m’ndige kade njékei-kingege ke nain-in mande ɓai teli taai ngaw oji ngannge a, an-in go loo ke kem̂ kei le de sêw-sêw a tɔ. Titeke bè á njèban à inge’n loo kile’n rasɔl dè jéi’t lé.


Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.


Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.


Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.


Sei ngaw dinyege géa i ndii se dinyege le si se kumkunju’n. Maje kade i geri titeke dé tò d’asenan se jó ke ɓann bè. I tɔsi kum si dè de’t a, ilei riɓar dè de’t a tɔ. Kaje ke Nube uwe’n se si noje nga, dé géa d’a d’inge se si nan’t. I rai titeke bè tede kade nyan karé bè géa ɔge sei loo kɔje tà se Nube lé.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ