1 Timothee 2:5 - Nouveau Testament en Gulay 2004

⁵ Nube è karé bere luk-luk, njè nda dann Nube’t se dooge géa è karé bere luk-luk a tɔ. Doo nè nga è Jésu-Krist.

1 Timothee 2:5 ပူးပေါင်းရင်းမြစ်များ

Matthieu 1:1

Magtub ke ɔje dè girkà le Jésu-Krist ngonnkà David, ngonnkà Abraham,

Matthieu 1:23

«An! ngomande ke nal ger dingem ɓai a ndann ngonn, a oje ngonn ke dingem, d’a d’ile ri’n nè Emmanuel.» Tel se tà koje jéi ɓaa, è «Nube nain se jéi».

Tà ke Maje ke Luc ndang 14:22

Go’t gugu loo ke è tel ree ɓaa, ede kuwe’n ede nè: «Nyange ke i ede’m nga, m’ra ɓá nè gute loo nain karè ɓai.»

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 17:3

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

Nyanra Njekawkulege 4:12

Doo karé ke rang ke kaje à in rann’t goto. Gar-gar ri doo karé ke rang dann dooge ke danrán éké ke dè nang nè ke j’asekum kinge kaje se takul’n goto.

Nje Ke Rome 1:3

Tà ke Maje nè nga dé ndang d’ɔje dè Kuwe-ɓee le jéi Jésu-Krist, Ngonn Nube. Krist nga d’oje’n girkà’t le ngar David se go danra.

Nje Ke Rome 10:12

Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge.

1 Nje Ke Corinthe 8:4

Ndɔ ke kété sei deji man edi nè: Ké j’ase kuse dan ke dé gugu’n magege nga wa? Jè ger maje titeke mage karé bè goto dè nang nè a, jè ger njai titeke Nube kuwe se kar’n bere luk-luk m Nube ke rang goto a tɔ.

1 Nje Ke Corinthe 8:6

Nè jèi ɓaa, jè geri titeke Nube Bɔ jéi kuwe karé bere luk-luk á è Nube. E á unde nyange malang a, jè ndii kumgajer takul’n a tɔ. Jésu-Krist kuwe karé bere luk-luk á è Kuwe-ɓee. E se takul’n á nyange malang tooi tutu a, è se takul’n á jè ndii kumgajer a tɔ.

Nje Ke Galatie 3:20

Loo ke doo è se kar’n luk-luk ɓaa à aw ndoo njè nda dann de’t lé, tede Nube è se kar’n bere luk-luk.

Nje Ke Ephese 4:6

Nube karé bere luk-luk á è Bɔ njétaakem̂-Kristge malang, è on ɓee dè dooge se dè nyange malang se loo malang a, è ndi kem̂ jéi’t malang a tɔ.

1 Timothee 6:13

M’unn ndu’m m’adi non Nube’t ke è ngire ndikumgajer le nyange malang a, se non Jésu-Krist’t ke ndɔ ke ɔrgo tà maje ngain tàkum ngar Ponce Pilate’t:

Hebreuge 12:24

Sei reei ra Jésu ke njè nda dann mann-ra ke kige’t le Nube se kosdooge le’n. Mese Jésu ɔr tà dè jéi’t dum le Abel ke ndɔ ke an-in nang nga ɓai.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

Hebreuge 8:6

Nè kule ke Nube um ji Krist’t ade ndi à ra ɗarinè nga, è kule ke tò gai ke maje ngain dum le njékuje nyan-mesege ke rang ke kété ɓai. Jésu-Krist è njè nda dann mann-ra ke maje ngain dum è ke kété. Mann-ra nè nga, Nube unde gir’n dè ndukunnge ke maje ngain dum ndukunnge ke kété mari.

Hebreuge 9:15

Gir’n ke nè á Krist ee’n njè nda dann dooge se Nube ɔje’n dè mann-ra ke kige nè nga. E wei uge dè dooge ke ali tà kété mari gir mann-ra ke desêin’t. Titeke bè á dooge ke Nube ɓar de à asi kingei nyan-majege ke tooi se non ke ndɔ ke è unn’n ndu’n le kade de nga.

1 Jean 2:1

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

Lookilera’n 1:13

Dadann lampege’t nè nga, m’an doo karé bè ke tanan se Ngonn doo. Doo nè nga ule kubu ke ngal ɔr gide nja’n nang ndêt-ndêt. E dɔ kàde’n se ndar ke ndoin kein-kein tite ɔr bè.