1 Timothee 2:3 - Nouveau Testament en Gulay 2004

³ E á è nyan ke maje ke taa kum Nube njèkaje jéi

1 Timothee 2:3 ပူးပေါင်းရင်းမြစ်များ

Tà ke Maje ke Luc ndang 1:47

Ngarakum ra’m ra ranel dè Kuwe-ɓee Nube ke njètaa’m tà yo’t a tɔ.

Nje Ke Rome 14:18

Doo ke ra kule ade Krist titeke bè nga taa kum Nube a, dooge malang d’a taa kêm’n a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 4:18

Nyan malang ke ndɔ ke ulei nga m’inge ade ase’m nák-nák. Ɗarinè m’inge nyan malang ke m’aw ndoo’n tede Epaphrodite ree se nyan-nojege le si ke ulei ade’m. E nyan-noje ke ete sununu asenan se nyankuje-mese ke ujei adi Nube a, taa kum’n a tɔ.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Nje Ke Thessalonique 4:1

Ngakon jége, pa njiye ke le taa’n kum Nube nga sei i ndói ra jé’t ɓá. Kerɔte kuwe, sei rai titeke jè ndó’n sei nga ɓá. Nè né è bè géa, jè deje sei a, jè ndeje sei se ri Kuwe-ɓee Jésu a tɔ, le kade awi kum si ke kété-kété ɓai.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

1 Timothee 5:4

Ke nè á njèkei-kinge karé aw se ngannenge éké ngannkànnge ndii tutu ɓai ɓaa, è tà le de ei kuwe kété le ndó kile koje dè njékem̂keige le de. D’a ra titeke bè tede kɔr’n kure koto ke ndɔ ke njékoje dege éké kà dege otoi de nga. E ke nè á è nyan ke maje tàkum Nube’t.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

Hebreuge 13:16

Adi kem̂ si wei nal dè ra maje’t, se dè kai tà nyankinge le si kade dooge ke rang nga lé. Nyankuje-mesege ke titeke bè nga taa kum Nube.

1 Pierre 2:20

Doo ke orè tà’n njak dè kunde ke d’unde’n ɔje dè nyanra majelé le’n nga, ké d’a kile riɓar dènn’t titeke bain wa? Nè ke nè á doo orè tà’n njak dè nyankem̂kon ke ra’n ɔje dè ra maje le’n ɓaa, è nonkar ke Nube kuwe ade’n.

1 Pierre 2:5

Sei géa i tooi asinan se kuberi her ke tò kumgajer. Dé rɔte sei tà nan’t d’ade i teli sei kei le Ndil a, i teli njékuje nyan-mesege ke i tooi se ninn si tede kade unni nyankuje-mesege se goo Ndil Nube adi nin. Nube à taa nyankuje-mese nè nga takul Jésu-Krist.