1 Timothee 2:1 - Nouveau Testament en Gulay 2004

¹ Nyan ke kété non nyange’t malang ɓaa, m’ndeje sei le kade i deji nyange Nube ɔji se’n tà i kati nin kàt-kàt, i rai nin oiyo tede dooge malang a tɔ.

1 Timothee 2:1 ပူးပေါင်းရင်းမြစ်များ

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nje Ke Rome 1:8

Nyan ke desêin ɓaa, m’ra Nube le’m oiyo takul Jésu-Krist tede tà le si malang, tede kɔbe kundekêm le si toso se loo mbit-mbit bere mbak dè nang nè.

Nje Ke Rome 6:17

Ade jè rai Nube oiyo. Sei nga kété kaiya on ɓee dè si’t ade sei ɓerge le’n. Nè ɗarinè sei taai nyan ke dé ndó sei se ngarankêm si, ilei koje dè’t.

1 Nje Ke Corinthe 15:3

Krist wei ɓá tede majelége le jéi titeke Magtubge ke tooi se ninn de tami nga. E ke nè á è nyan-ndó ke desêin ke m’inge á m’tel’n m’ade sei.

2 Nje Ke Corinthe 8:6

Jè ndeje Tite le kade ra se si ade i tɔli tà kule tann nyan-noje ke ndɔ ke è unn gir ra dann si’t kété nga mbas.

Nje Ke Ephese 3:13

Gir’n ke nè á m’deje’n sei le kade adi kem̂ si tête mann ɔje dè nyantosowurge ke m’inge tede tà le si nga lé. Nyantosowurge nè nga ei riɓar le si.

Nje Ke Ephese 5:20

Nube Bɔ jéi nga, i rai nin oiyo se ndɔge malang tede nyange malang se ri Kuwe-ɓee le jéi Jésu-Krist.

Nje Ke Ephese 6:18

Ɔji tà se Nube dè nyange ke awi ndoo’n se ndɔ si-ndɔ si a, i kɔi nyange gai-gai takul kum ke umi se Ndil-Kem̂nda. I rai bè kum si ke kété-kété m ebi ra si dè’t lé. Ɔgi kum si ɓi ɔji tà se Nube tede njé ke tooi se ninn de malang.

Nje Ke Philippes 1:3

M’ra Nube oiyo dɔ-dɔ loo ke kem̂’m olé dè si’t.

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

1 Nje Ke Thessalonique 3:12

Maje kade Kuwe-ɓee Nube ade tár nan le si sei se tár ke sei tári dooge malang nga in dè made’t ke kété-kété. Maje kade tár nan le si tanan se tár ke jè tár sei bè tɔ.

2 Nje Ke Thessalonique 1:3

Ngakon jége, gar-gar jè ra Nube oiyo se ndɔge malang tede si. Ra ke jè ra’n oiyo bè nga, è loon’t kuwe tede kundekem̂ dè Nube’t le si se tár ke sei malang i tári nan nga in dè made’t ke kété-kété.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

1 Timothee 5:5

Ngarankum njèkei-kinge ke ndi se kar’n nga, unde kem̂’n tchên dè Nube’t. E liger lagr-lagr dè kɔje se’n tà’t a, dè ndête’n ɓɔk-ɓɔk kada a, ndɔɔ a tɔ.

2 Timothee 2:24

Gar-gar, ɓer kule le Kuwe-ɓee à è njè ɓeekos lé; nè gar-gar à è njè kaw lom-lom ra dooge’t malang. Gar-gar à è njè ger gos ndó dooge nyan a, njè koré tà’n njak dè kem̂ majelé’t le njé ke rang a tɔ.

Tite 2:11

Nube njèkaje jèi ade kem̂noje le’n kile ra’n ke nata tede kade dooge malang ingei kaje.

Tite 3:2

Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Hebreuge 6:11

Nè jè ndige kade nanan géa dann si’t ute ra’n kalang titeke kété sár kade è an’n nyan ke è unde kem̂’n tchên dè’t nga se kum’n ndɔ ke rang.

Jacques 5:16

Ɔri gir majelé le si adi nan. Ɔji tà se Nube tede nan le kade ratur ɔr’n dè si’t. Doo ke Nube ɔr tà dènn’t nga, nyan ke è deje’n se kundekem̂ ke nunge tchanm nga, è ase ra nyan ke bòi ngain.