1 Timothee 1:9 - Nouveau Testament en Gulay 2004

⁹ Taɓai, jè ger titeke gute-ndu Nube nga tò tede le njé ra nyan se dè naje’n lé, nè tò tede le njékaltàge se njé dum nange se njé nede Nubege se njékaiyage se njé kile rasɔl dè Nube’t se dè loo le’n ke tò se ninn’t. Gute-ndu Nube tò tede le njé tɔl bɔ dege se kon dege, tò tede le njé tɔl dooge a tɔ.

1 Timothee 1:9 ပူးပေါင်းရင်းမြစ်များ

Matthieu 10:21

Ngakon nange à unni dè nan le kade dé tɔl è ke karé a, bɔ ngannge à unni dè ngann dege. Ngannge à kin-in se njékoje dege a, à adi d’ade tɔl de a tɔ.

Nje Ke Rome 1:30

Dé njé tam tede nange, njé kɔr Nube njêtge, njé taje nduge, njé kan nan ke nyan lége, njé ti ra dege, njékunde gir nyange ke kige ke majilé-majilé, njékaltà tà njékoje dege’t a tɔ.

Nje Ke Rome 4:13

Ndɔ ke Nube unn ndu’n ade Abraham se ngannkànnge titeke à ingei dè nang nè bere mbak ke nyan-ndube le de. Abraham inge kunn-ndu nè nga bè tede kan ke è an dè gute-ndu sêw-sêw lé, nè tede kɔr ke Nube ɔr tà dènn’t takul kundekêm le’n.

Nje Ke Rome 5:20

Gute-ndu unde loo tee ade majelé in dè made’t ke kété-kété. Nè loo ke majelé in dè made’t ke kété-kété tutu nga, kêm-noje le Nube in dè made’t ke kété-kété tutu dum dè majelé.

Nje Ke Rome 6:14

Kaiya à on ɓee dè si’t lé ta, tede sei i ndii gir gute-ndu’t lé ta, nè i ndii gir noje’t le Nube.

Nje Ke Galatie 3:19

A ɓaa, ké kule le gute-ndu nga è ri wa? Gute-ndu nga ree oré dè ndukunn le tɔje dooge nyanra de ke uwe made nan se le Nube lé. Gute-ndu nga tò sár ade ngonnkà Abraham ke Nube unn ndu’n ɔje’n dè’n nga ree’n. Gute-ndu nga è dooge ke danrán á ndɔ ke undei ɓita umi ji njè ndà dann de’t se dooge ɓai.

Nje Ke Galatie 5:18

Ke nè á Ndil-Kem̂nda ɔr non si ɓaa, sei i ndii gir gute-ndu’t nga lé ta.

Nje Ke Galatie 5:21

Ra ngur nyan pênn-pênn, ra ɓer le yibe, kunn gon nyankuse se nyange ke nange ke taai nan se de bè. Man m’ede sei ndàt kété titeke ndɔ ke m’ede’n sei nga: Dooge ke inyei ra de nyein dann nyange ke nè nga, loo le de goto kem̂ Konɓee’t le Nube sár se non.

Nje Ke Galatie 5:23

kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

2 Nje Ke Thessalonique 2:8

Njèkem̂yêr ke njè kɔse tà mbeng à unde loo tee ɓaa, ke loon’t nè kuwe, kundu tà Kuwe-ɓee Jésu à unde’n tɔl’n soin. Kuwe-ɓee Jésu à gudu’n ngoin-ngoin ndɔ tel ree’t le’n se ra’n ke ndoin kein-kein dann ndubra’t.

1 Timothee 4:7

Nè tàge ke raikarè se sútàge le kon dinyege ke uwei made nan se kundekem̂ lé nga, ute mbeng. Ule rai bàj dè kile koje dè Nube’t.

1 Timothee 6:20

Hai! Timothée, an go nyan ke Nube um jii’t nga sêw-sêw. Tà najege ke raikarè ke uwe made nan se kundekem̂ lé nga, ute de mbeng. Tà najege le njégos nyangerge ke lanm nga géa, ute de mbeng a tɔ.

2 Timothee 2:16

Tà najege ke raikarè ke uwei made nan se kundekem̂ lé nga, ute de mbeng kɔke. Tede njé naje tàge ke raikarè nè nga utei Nube mbeng kum de ke kété-kété.

2 Timothee 3:2

Dooge à ei njé tɔse kum de dè ra de ei’t kuwe a, à ei njé ndige narge a, à ei njé tɔje ra dege a, à ei njé ti ra dege a, à ei njé taje Nubege a, à ei njékaltà tà njé koje dege’t a, à ei njé tel ra oiyoge lé a, è k’ei njé kile rasɔl dè loo ke tò se ninn’t nga a tɔ.

Tite 1:10

Ɗarinè, njékaltàge se njé kɔje tàge ke raikarè se njé libe kum dooge bulei ngain dann Juipge ke njétaakem̂-Kristge kuwe mbain.

Tite 1:16

Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 1:6

Ngatɔge ke rara géa, gar-gar à è doo ke tà karé bè uwe dè’n lé a, à è njè dinye karé luk-luk a tɔ. Ngannge le ngatɔge nga, gar-gar à ei njétaakem̂-Kristge, d’a kile tà nyanra ke pás-pàs dè de’t lé a, à ei njékaltàge lé a tɔ.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Hebreuge 11:31

Rahab, kaiya dinye unde kem̂’n dè Nube’t á ndɔ ke dé tɔl’n se njékaltàge tà Nube’t lé. E uwe njé gon looge ke rann’t ra de mba se kem̂lom.

Hebreuge 12:16

An-in go ra si maje le kade doo karé bè géa tel è njè tò se nan ke kaiya’t éké njè nede nyan tite Esau lé. Esau nga, ndɔ ke ige nyan ke ɔje dè ngonn der nga kɔke tede nyankuse ke nja karé bere.

1 Pierre 2:7

Kuberi her nè nga è riɓar tede le si sei njétaakem̂-Kristge. Nè njé ke ei njétaakem̂-Kristge lé ɓaa «Kuberi her ke gate’n è ngain ke njékunde keige mbati nin nga, tel è kuberi her ke njè mong dè kum kei.»

1 Pierre 3:20

Ndilge ke tooi dangai’t nè nga, ei dooge ke njé dum nange ke kété mari kem̂ ndɔge’t le Noé. Nè ndɔ ke Nube ile kem̂’n sár ade Noé ra’n bato tɔl mbas. Bato nè nga dooge sɔsɔ bere á awi kem̂é aji yo ndɔ ke mann bêlm ndum’n gute dooge ndarak dè nang nè.

1 Pierre 4:18

Magtub ke tò se ninn’n tam titeke bè ede nè: «Ke nè á doo ke njé ra nyan se dè naje’n loo kinge kaje le’n tur ɓaa ké njè kile koje dè Nube’t lé se njè ra majelé à rai se ra de bain ta wa?»

Jude 1:15

le gang’n tà dè dooge’t karé-karé malang ɔje dè nyanra de ke majelé. Kuwe-ɓee à ree le gangtà dè njé kile koje dè Nube’t lége malang. E à ree le gangtà dè njé ra majelége malang tede tàge ke majelé ke tami se’n nga a tɔ.»

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.