1 Timothee 1:5 - Nouveau Testament en Gulay 2004

⁵ Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Timothee 1:5 ပူးပေါင်းရင်းမြစ်များ

Matthieu 12:35

Doo ke maje à tee se nyanra ke maje ke tò kêm ɓengrenn’t ke nata. Doo ke majelé à tee se nyanrage ke majelé ke tò kêm ɓengrenn’t ke nata a tɔ.

Matthieu 5:8

Njé ke nganrankêm de unju nyang-nyang nga, ra de à nel de tede d’a d’an Nube se kum de ndan-ndan!

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 23:1

Paul an kum njégangtàge le Juipge sêw-sêw ɓaa, è ede nè: – Ngakonmge, man m’njiye non Nube’t se tàgir ke maje ɔr njêt sár tee ɓila.

Nyanra Njekawkulege 24:16

Gir’n ke nè á m’ute’n ra’m kalang m’njiye’n non Nube’t se non dooge se tàgir ke unju nyang-nyang se ndɔge malang.

Nje Ke Rome 10:4

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.

Nje Ke Rome 12:9

Maje kade tár nan le si è ngarankum tár nan. Ɔri nyan ke majelé njêt. Nè i ligri dè nyanra ke maje’t lagr-lagr.

Nje Ke Rome 14:15

Ke nè á ade ngokoin ke njètaakêm-Krist kêmkon ɔje dè nyan kuse ke kêmi’t ɓaa, i tár’n titeke ndukunn tam’n nga lé. Ngokoin ke Krist wei tede’n nga ade tuju ɔje dè nyankuse ke kêmi’t karè lé.

Nje Ke Rome 9:1

Man m’ede sei ngarankum tà se ri Krist m m’lanm lé. Ndil-Kêmnda géa ade m’ger se kêm’m tite tà ke m’tam nga è ngarankum tà kuwe.

1 Nje Ke Corinthe 13:1

Ke nè á m’tam tà tam dooge ke dè nang nè éké ke danrán malang nè tár nan goto kêm’t ɓaa, m’tò titeke ninge-kase ke ɓar kêng-kêng éké ganga ke ɓar ase loo nák-nák karè.

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Galatie 5:6

Kuje tà mɔte éké kuje tà mɔte lé, è nyan ke liriri tede le doo ke um nan’t bɔk se Jésu-Krist. Nè nyan ke è ngarankum nyan nga, è kundekem̂ ke ra kule dè tár nan’t.

1 Timothee 1:18

Ngonn’m Timothée, m’unn ndu’m m’adi se go tàge ke tà Nube’t ke dé tam d’ɔje’n dèi kété mari nga. Maje kade tàge nè nga adi nin tɔgi kade i ra’n rɔ maje

1 Timothee 1:19

se kundekem̂ a, se tàgir ke maje ke kem̂i’t a tɔ. Njé ke nange ndɔ ke surei go tàgir ke maje ke kem̂ de’t inyei adi kundekem̂ le de nduii’n mann.

1 Timothee 3:9

Nyan-ndó ke ɔje dè kundekem̂ ke tò loo ɓɔyɔn’t nga, maje kade an-in dè sêw-sêw se tàgir ke unju nyang-nyang ke kem̂ de’t.

2 Timothee 1:3

Nube ke m’ndi m’ra kule m’ade’n titeke ndɔ ke kàmge rai se go tàgir ke unju nyang-nyang nga, m’ra’n oiyo ngain. M’ebe ra’m dè kɔje tà se Nube tede lei lé. M’ade kem̂’m olé dèi’t ndɔ a, kada a tɔ.

2 Timothee 1:5

Kem̂’m olé dè ngarankum kundekem̂ dè Nube’t lei. Kundekem̂ nè nga urkei kem̂ kài Lois kété ɓita urkei kem̂ koin Eunice’t ɓai. M’ger mbak titeke kundekem̂ nè nga urkei kem̂i’t ɗarinè tɔ.

2 Timothee 2:22

Ute rai mbeng kɔke dè ngur nyange ke ra basa madige ke rang. I tel ɔr dè nja nyanra ke se dè naje’n, se dè nja kundekem̂, se dè nja tár nan. Ɔr dè nja kem̂lom se njé ke ɓari ri Kuwe-ɓee se ngarankem̂ de ke unju nyang-nyang.

Tite 1:15

Njé ke unji nyang-nyang nga, nyan malang è ke unju nyang-nyang tede le de. Nè njé ke minei se njé ke unni mbi de dè tà’t nga, nyan karé bè ke unju nyang-nyang tede le de goto. Gos nyanger se tàgir ke kem̂ de’t è ke mine tanm-tanm.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

Hebreuge 13:18

Ɔji tà se Nube ngain tede le jé. Kerɔte kuwe, jè ger mbak titeke tàgir le jé ke kem̂ jé’t nga unju nyang-nyang. Taɓai jè ndige kade pa njiye jé maje se ndɔge-ndɔge.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Jacques 4:8

Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

2 Pierre 1:7

Utei ra si kalang le rɔti kan nan ke ngakon nange tà kile koje dè Nube’t a, i rɔti tár nan tà kan nan ke ngakon nange a tɔ.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.